ગાંધીનગર: પીએમ (PM) નરેન્દ્ર મોદી (Narendra Modi) હમણાં જ ગાંધીનગરથી (Gandhinagar) દિલ્હી (Delhi) પરત ગયા અને તે પછી ગુજરાત (Gujarat) ભાજપના પ્રભારી ભૂપેન્દ્ર યાદવ ગાંધીનગર આવ્યા હતા. હવે શુક્રવારે ભાજપના રાષ્ટ્રીય અધ્યક્ષ જે. પી. નડ્ડા ગાંધીનગર તથા વડોદરાની મુલાકાતે આવી રહ્યા છે. ભાજપની છાવણીમાં વિધાનસભાની ચૂંટણીનો ધમધમાટ ચાલી રહ્યો છે. વિધાનસભાની ચૂંટણીને ધ્યાને રાખીને સંગઠ્ઠનને વધુ મજબૂત બનાવીને 150થી વધુ બેઠકોનો લક્ષ્યાંક પાર પાડવાની દિશામાં ભાજપની નેતાગીરી આગળ વધી રહી છે.
શુક્રવારે સવારે જે. પી. નડ્ડા સાબરમતી આશ્રમની મુલાકાતે જશે, તે પછી સવારે 10.30 વાગ્યે ગાંધીનગરમાં કમલમ ખાતે ભાજપની પ્રદેશ પાર્લામેન્ટરી બોર્ડની બેઠકમાં હાજરી આપશે. જેમાં સીએમ ભૂપેન્દ્ર પટેલ તથા પ્રદેશ ભાજપના અધ્યક્ષ સી. આર. પાટીલ સહિત પ્રદેશ ભાજપના સિનિયર આગેવાનો ઉપસ્થિત રહેશે. બપોરે 10.30 વાગ્યે અમદાવાદમાં યુનિ. કન્વેશન હોલમાં પ્રદેશ ભાજપના કાર્યકરોનો સમેલનને સંબોધન કરશે. ત્યાર બાદ ભાજપના રાષ્ટ્રીય અધ્યક્ષ નડ્ડા વડોદરા જવા રવાના તશે. વડોદરામાં વ્રજધામ મંદિર, માંજલપુર ખાતે વૈષ્ણવ સમાજના કાર્યકર્મમાં હાજરી આપશે. તે પછી સાંજે પાછા ગાંધીનગર આવશે અને 7.45 વાગ્યે મુખ્યમંત્રી ભૂપેન્દ્ર પટેલના નિવાસસ્થાને ભાજપના કોર ગ્રુપની બેઠકમાં ઉપસ્થિત રહેશે.
