વેસ્ટ એશિયામાં ચાલી રહેલા તણાવના કારણે ભારતીય એરલાઇન સેવાઓ પર પણ અસર જોવા મળી રહી છે. ભારતની મુખ્ય એરલાઇન કંપનીઓ Air India અને Air India Express એ આજે કુલ 14 ફ્લાઇટ રદ કરવાની જાહેરાત કરી છે.
એરલાઇન દ્વારા આપવામાં આવેલા નિવેદન મુજબ, હાલની પરિસ્થિતિને ધ્યાનમાં રાખીને કેટલીક ફ્લાઇટ્સ રદ કરવામાં આવી છે. જોકે કેટલીક ખાસ રૂટ્સ પર ફ્લાઇટ્સ ચાલુ રાખવાની યોજના પણ બનાવવામાં આવી છે.
આ મુજબ Sharjah થી Delhi, Kannur, Kochi, Kozhikode, Mumbai અને Thiruvananthapuram માટે ફ્લાઇટ્સ ચલાવવાની યોજના છે. તે ઉપરાંત Ras Al Khaimah થી કોઝિકોડ અને કોચી માટે બે ફ્લાઇટ્સ પણ સંચાલિત કરવામાં આવશે.એર ઇન્ડિયાએ જણાવ્યું છે કે આ ફ્લાઇટ્સ ઉપલબ્ધ સ્લોટ અને તે સમયની પરિસ્થિતિઓને ધ્યાનમાં રાખીને જ ચલાવવામાં આવશે. United Arab Emirates ના એરપોર્ટ સત્તાધિકારીઓની સૂચનાઓ અનુસાર હાલ આ વિસ્તારની કેટલાક એડ-હોક ફ્લાઇટ ઓપરેશન્સ ઘટાડવામાં આવ્યા છે.
ફ્લાઇટ રદ થવાથી મુસાફરોને મુશ્કેલી ન પડે તે માટે એરલાઇન દ્વારા ખાસ સુવિધા પણ જાહેર કરવામાં આવી છે. રદ કરાયેલી અથવા અસ્થાયી રીતે સ્થગિત કરાયેલી ફ્લાઇટ્સના મુસાફરો કોઈ વધારાના ચાર્જ વિના ભવિષ્યની તારીખે ટિકિટ રીબુક કરી શકે છે અથવા સંપૂર્ણ રિફંડ પણ મેળવી શકે છે.
બીજી તરફ IndiGo એ પણ માહિતી આપી છે કે Dubai માં ફ્લાઇટ ઓપરેશન્સ પર મર્યાદા મુકાતા કેટલીક ફ્લાઇટ્સના સમયપત્રકમાં ફેરફાર કરવામાં આવ્યો છે. એરલાઇન દ્વારા મુસાફરોને એરપોર્ટ જવા પહેલા પોતાની ફ્લાઇટનો સ્ટેટસ તપાસવાની સલાહ આપવામાં આવી છે.
વેસ્ટ એશિયામાં ચાલી રહેલા તણાવને કારણે આંતરરાષ્ટ્રીય એર ટ્રાફિક પર અસર વધતી જઈ રહી છે અને આગામી દિવસોમાં પણ ફ્લાઇટ સેવાઓમાં વધુ ફેરફાર થવાની શક્યતા વ્યક્ત કરવામાં આવી રહી છે.
