ઝાયોનિસ્ટ શાસને મોટી ભૂલ કરી”
Ayatollah Ali Khameneiના અવસાન પછી તેમના X (પૂર્વે ટ્વિટર) એકાઉન્ટ પરથી એક વિવાદાસ્પદ પોસ્ટ સામે આવી છે. આ પોસ્ટમાં Israelને કડક શબ્દોમાં ચેતવણી આપવામાં આવી છે. પોસ્ટ સાથે શેર કરાયેલ AIથી બનેલી તસવીરમાં મિસાઈલ બનાવવાથી લઈને તેને નિશાન પર છોડવામાં આવતો હુમલો દર્શાવવામાં આવ્યો છે.
રિપોર્ટ મુજબ 28 ફેબ્રુઆરીએ United States અને ઇઝરાયેલે મળીને Tehranમાં એરસ્ટ્રાઈક કરી હતી. આ હુમલામાં ખામેનેઈને તેમના ઓફિસમાં ટોચના અધિકારીઓ સાથે બેઠક દરમિયાન નિશાન બનાવવામાં આવ્યા હતા. ત્યારબાદ 1 માર્ચે ઈરાનના સરકારી ટેલિવિઝને તેમની મોતની પુષ્ટિ કરી હતી. આ ઘટનાએ સમગ્ર મિડલ ઈસ્ટમાં ગંભીર રાજકીય અને સૈન્ય તણાવ ઊભો કર્યો છે.
મૃત્યુ પછી 6 દિવસમાં આવ્યો પોસ્ટ : ખામેનેઈના અવસાન પછી લગભગ છ દિવસ બાદ તેમના X એકાઉન્ટ પરથી નવો સંદેશ શેર કરવામાં આવ્યો. આ પોસ્ટમાં લખાયું હતું કે “ઝાયોનિસ્ટ શાસને ખૂબ મોટી ભૂલ કરી છે અને અલ્લાહની કૃપાથી તેના પરિણામો તેમને નિરાશ કરશે.” આ પોસ્ટ સાથે AI દ્વારા બનાવવામાં આવેલી એક તસવીર પણ મૂકવામાં આવી હતી.
તસવીરમાં દર્શાવાયો મિસાઈલ હુમલો
શેર કરાયેલી તસવીરમાં મિસાઈલના વિકાસથી લઈને તેના લોન્ચ અને અંતે ટાર્ગેટ પર હુમલો સુધીની પ્રક્રિયા બતાવવામાં આવી છે. તસવીરમાં વૈજ્ઞાનિકો મિસાઈલ તૈયાર કરતા, સૈનિકો તેને લોન્ચ કરતા અને પછી નિશાન પર હુમલો થતો દેખાય છે. તસવીરમાં હાઈપરસોનિક મિસાઈલ જેવી રચના જોવા મળે છે, જોકે કોઈ ચોક્કસ હથિયાર અથવા આગામી હુમલાનો ઉલ્લેખ કરવામાં આવ્યો નથી.
મોત પછી બીજી પોસ્ટ : ટેકનિકલી જોવામાં આવે તો આ ખામેનેઈના એકાઉન્ટ પરથી આવેલી બીજી પોસ્ટ છે. અગાઉ 1 માર્ચે તેમની મોતની પુષ્ટિ બાદ એક કુરાનની આયત શેર કરવામાં આવી હતી. તેમાં લખાયું હતું કે “અલ્લાહના નામે, જે દયાળુ અને કૃપાળુ છે. વિશ્વાસુ લોકો તેઓ છે જે અલ્લાહ સાથે કરેલું વચન પૂર્ણ કરે છે.”
હુમલો કેવી રીતે થયો?28 ફેબ્રુઆરીએ ઇઝરાયેલ અને અમેરિકાએ ઈરાન પર વ્યાપક હવાઈ હુમલો કર્યો હતો. અમેરિકી સેનાના જણાવ્યા મુજબ પ્રથમ 24 કલાકમાં લગભગ 1000 ટાર્ગેટ પર બોમ્બમારી કરવામાં આવી હતી. સૌથી મહત્વપૂર્ણ હુમલો તેહરાનમાં ખામેનેઈના ઓફિસ પર થયો હતો. રિપોર્ટ્સ અનુસાર આ હુમલામાં તેઓ સહિત અનેક ટોચના અધિકારીઓ માર્યા ગયા હતા.
ખામેનેઈના અવસાન પછી ઈરાને પણ કડક પ્રતિક્રિયા આપતા ખાડી ક્ષેત્રમાં અમેરિકન સૈન્ય ઠેકાણાઓને નિશાન બનાવવાની કાર્યવાહી શરૂ કરી છે, જેના કારણે સમગ્ર મિડલ ઈસ્ટમાં તણાવ વધુ ગાઢ બન્યો છે.
