સાઇબર ક્રાઇમ પોલીસ દ્વારા બંનેને સુરતમાંથી દબોચ્યાં, પોલીસ ધરપકડ કરશે તેમ કહી ડરાવીને રૂપિયા અલગ અલગ ખાતામાં ટ્રાન્સફર કરાવ્યાં હતા
પ્રતિનિધિ વડોદરા તા.24
વડોદરા શહેરના તાંદલજા તથા માંજલપુર વિસ્તારમાં રહેતા બે વૃદ્ધને ગેરકાયદે પાર્સલ તથા બોગસ પોલીસ બનીને ડિજિટેલ એરેસ્ટ કર્યા બાદ મની લોન્ડરિંગ તથા બેન્કની ખોટી માહિતી આપવાના કેસમાં તેમની ધરપકડ કરાશે તેમ કહી ધમકાવીને રૂ. 2.79 કરોડ રૂપિયા પડાવારનાર બે ઠગને સાઇબર ક્રાઇમ પોલીસે સુરતમાંથી ઝડપી પાડ્યા હતા. બંને આરોપીઓને વધુ પૂછપરછ કરવા માટે રિમાન્ડની તજવીજ હાથ ધરાઇ છે.
વડોદરા શહેરમાં સાઇબર માફિયા દ્વારા લોકોને તમારા પાર્સલમાંથી ડ્રગ્સ નીકળ્યું છે તથા મનીલોન્ડરિંગ કેસમાં તમારી પોલીસ દ્વારા ધરપકડ કરવામાં આવશે તેવી ધમકાવીને ડિજિટલ એરેસ્ટ કરાય છે. ત્યારબાદ તમારે કેસમાં બહાર આવવું હોય તેમજ પોલીસથી ધરપકડ ના કરાવવી હોય તેમ કહીને તમારા બેન્ક ખાતા, સેવિંગ, એફડી સહિતની તમામ માહિતી અમને આપવી પડશે તેમજ જ્યાં સુધી કેસનો નિકાલ ન થાય ત્યાં સુધી તમારા નાણા તેમની પાસે રહેશે તેમ કહી ઠગો રૂપિયા વિવિધ બેન્ક ખાતમાં ટ્રાન્સફર કરાવડાવે છે અને ધરપકડથી બચવા માટે લોકો પણ તેમને રૂપિયા ટ્રાન્સફર કરી આપી ઠગાઇનો ભોગ બની જાય છે. ત્યારબાદ આ ઠગો તેમને રૂપિયા પરત આપતા નથી અને રૂપિયા ચાઉ કરી નાખતા હોય છે. ત્યારે વડોદરા શહેરમાં ડિજિટલ એરેસ્ટ કરીને તાંદલજાના મુક્તિનગરમાં રહેતા 74 વર્ષીય વૃદ્ધ દીપક દામોદર સુદામે સાઇબરના પીએસઆઇ બોલતા હોવાનું કહીને બેન્કની આપી હોય તેમને ડિજિટલ એરેસ્ટ કરીને રૂ.1.21 કરોડ તથા માંજલપુર રાધેશ્યામ ડુપ્લેક્ષણાં રહેતા જગદીશ ચંદ્રકાંત ગાંધી (ઉં.વ.72)ને મનિલોન્ડરિંગ કેસમાં પણ 45 દિવસ સુધી તેના ઘરમાં ડિજિટલ એરેસ્ટ રાખી રૂ. 1.58 કરોડ ધરપકડ કરવાનો ડર આપીને પડાવી લીધા હતા. જેથી બંને વૃદ્ધે સાઇબર ક્રાઇમ પોલીસ સ્ટેશનમાં ફરિયાદ નોંધાવતા પોલીસે ટેકનિકલ તથા હ્યુમન સોર્સિસના આધારે તપાસ શરૂ કરીને એક આરોપી વિવેક મગન સોજિત્રા (રહે. સુરત)ને મોમહમદ અલફેશ અયુબ સૈયદ (રહે. સુરત)ને સુરતમાંથી ઝડપી પાડવામાં આવ્યા હતા. વિવિક સોજિત્રા વિરુદ્ધ એનસીસીઆરપી પોર્ટલ પર 3 ફરિયાદ નોંધાઇ છે તેનું બેન્કનું કાર્ડ દુબઈ મોકલાતું હોય ત્યાંથી રૂપિયા ઉપાડાતા હતા. જ્યારે મોહમદ અલશેફ સૈયદ વિરુદ્ધ 3 એનસીસીઆરપી પોર્ટલ પર ફરિયાદ છે.
