કપડવંજના કડિયાવાડ નાકા પાસે દિવાલ ધરાશાયી થતાં 15 વર્ષિય બાળકીનું કરુણ મોત નીપજ્યું
(પ્રતિનિધિ) કપડવંજ તા.23
કપડવંજમાં લાંબા વિરામ બાદ ધોધમાર વરસાદ વરસ્યો હતો. ભારે વરસાદના પગલે શહેરમાં કડિયા વાડનાકા પાસેના વિસ્તારમાં જૂના મકાનની દિવાલ ધરાશાઈ થઈ ગઈ હતી. દિવાલ ધરાશાઈ થતાં કાટમાળમાં દબાયેલી એક 15 વર્ષિય બાળકીનુ મોત નિપજ્યું હતું.
પ્રાપ્ત માહિતી મુજબ કપડવંજના કડીયાવાડ નાકા વિસ્તારમાં જુના મકાનની દિવાલ ધરાશાયી થઈ જવા પામી હતી. વરસાદી માહોલમાં દિવાલ ધસી પડવાની ઘટના દરમિયાન ત્રણ વ્યક્તિ રોડ પરથી પસાર થઈ રહ્યા હતા. ત્યારે એકાએક જ દિવાલ ધરાશાયી થતા દીવાલ નીચે દટાઈ જતા અંદાજે 15 વર્ષીય બાળકીનું મોત નિપજ્યું હતું. જ્યારે બે વ્યક્તિઓને ઈજાઓ થઈ હતી.
કપડવંજમાં જુના મકાનોને ચોમાસા પહેલા મકાન ઉતારવા માટે નગરપાલિકાએ મકાન માલિકોને નોટિસ આપી હતી. પાલિકા દ્વારા નોટિસ આપેલા કેટલાક મકાનો પૈકી કડીયા વાડ વિસ્તારમાં આવેલું મકાન શુક્રવારે એકાએક જ ધરાશાયી થઈ ગયું હતું.
