મહારાષ્ટ્રના પાલઘર જિલ્લામાં સોમવારે વહેલી સવારે એક ખૂબ જ હૃદયદ્રાવક ઘટના બની. મુંબઈ-અમદાવાદ રાષ્ટ્રીય ધોરીમાર્ગ પર કાસા વિસ્તાર નજીક એક ઝડપી ગતિએ જઈ રહેલા કન્ટેનર ટ્રક અને લગ્નના મહેમાનોથી ભરેલા ટ્રક વચ્ચે ભયાનક ટક્કર થઈ. આ અકસ્માતમાં ૧૨ લોકોના ઘટનાસ્થળે જ મોત થયા હતા જ્યારે 25 થી વધુ લોકોને ગંભીર ઈજાઓ પહોંચી હતી. મૃતકોમાં મહિલાઓ અને નાના બાળકોનો સમાવેશ થાય છે. અકસ્માતના સમાચાર મળતાં જ લગ્નની ઉજવણીનો આનંદ તરત જ શોકમાં ફેરવાઈ ગયો.
મુંબઈ-અમદાવાદ રાષ્ટ્રીય ધોરીમાર્ગ પર આવેલા દહાણુ તાલુકાના ધાનીવારી ખાતે આ ભયાનક અકસ્માત થયો હતો. સોમવારે સાંજે ૪:૦૦ વાગ્યાની આસપાસ આ અકસ્માત થયો હતો જેમાં લગ્ન સમારોહમાં જઈ રહેલા મહેમાનોને લઈ જતી એક ટ્રકનો સમાવેશ થતો હતો. મહેમાનોથી ભરેલી આઈશર ટ્રક અને કન્ટેનર વાહન વચ્ચે થયેલી આ હિંસક ટક્કર દરમિયાન એક ટુ-વ્હીલર પણ ટક્કરમાં ફસાઈ ગયું હતું. આ અકસ્માતમાં મોટરસાઇકલ સવાર બે વ્યક્તિઓ સહિત ૧૨ લોકોના મોત થયા હતા જ્યારે ટ્રકમાં મુસાફરી કરી રહેલા ૩૦ થી ૩૫ લોકોને ઇજાઓ પહોંચી હતી. પ્રાથમિક અહેવાલો મુજબ લગ્નનનો વરઘોડો લઈ જતી ટ્રકમાં ૪૦ થી વધુ મુસાફરો હતા.
કન્યાના ઘર પાસે અકસ્માત થયો
લગ્નની સરઘસ દહાણુ તાલુકાના બાપુગાંવથી ધનિવારી તરફ જઈ રહી હતી અને દુલ્હનના ઘરથી થોડા જ અંતરે આ અકસ્માત થયો હતો. ઘાયલોને તાત્કાલિક કાસા સબ-ડિસ્ટ્રિક્ટ હોસ્પિટલમાં લઈ જવામાં આવ્યા હતા. દરમિયાન ગંભીર હાલતમાં રહેલા લોકોને ધુંડલવાડીની વેદાંત હોસ્પિટલ અને ગુજરાતની અન્ય તબીબી સુવિધાઓમાં અદ્યતન સારવાર માટે રિફર કરવામાં આવ્યા છે.
ઉપલબ્ધ માહિતી અનુસાર ધનિવારી પહોંચ્યા પછી ટ્રક ખડકીપાડા તરફ આગળ વધી રહી હતી. તે જ સમયે મુંબઈ દિશાથી આવી રહેલ એક કન્ટેનર વાહન ટ્રક સાથે અથડાયું. ટક્કર એટલી ગંભીર હતી કે કન્ટેનરનો આગળનો ભાગ અલગ થઈ ગયો અને સીધો આઇશર ટ્રક પર અથડાઈ ગયો. પરિણામે ઘણા લોકો કન્ટેનર નીચે ફસાઈ ગયા અને તેમને ગંભીર ઈજાઓ થઈ.
