દાહોદ શહેરમાં ભુમાફિયાઓ સક્રિય બનતાં દાહોદ બી ડિવીઝન તેમજ એ ડિવીઝન પોલીસ મથકે બે અલગ અલગ ફરિયાદો નોંધાંવવા પામી છે જેમાં ત્રણ જેટલા ઈસમોની પોલીસે અટકાયત કરી અન્યની પુછપરછોનો ધમધણાટ આરંભ કર્યાે છે ત્યારે સમગ્ર મામલે આવનાર દિવસોમાં આ જમીન મહાકૌંભાંડમાં અનેક નામી ચહેરાઓના નામો ખુલવાની એંધાણો વર્તાઈ રહ્યાં છે. આવા સમયે દાહોદ શહેર સહિત જિલ્લાના ભુમાફિયાઓમાં ફફડાટ ફેલાઈ જવા પામ્યો છે.
પ્રીમિયમ ને પાત્ર ખેતીની જમીનોને સરકાર ના કરોડો રૂ! ના પ્રીમિયમના નાણાં ભરપાઈ કર્યા વગર બોગસ બીન ખેતીના હુકમના આધારે પ્લોટોના વેચાણ દસ્તાવેજાે કરી આપવાના આચરવામાં આવેલા સ્ફોટક કૌભાંડમાં દાહોદ પોલીસ તંત્ર ની ટીમે બે જમીન માલિકો મુસ્લિમ સમાજના અગ્રણી ઝાકરીયા મહેમુદભાઈ ટેલર અને હારૂન રહીમ પટેલ ની ધરપકડ કરીને પુછપરછો કરતા આ બંને જમીન માલિકોએ બોગસ બીન ખેતીના હુકમો દાહોદ ના વગદાર બિલ્ડર શૈલેષ શિરીસચંદ્ર પરીખે આપ્યા હોવાનું જાણાવતા દાહોદ પોલીસ તંત્ર ની તપાસ ટીમે કોઈપણ પ્રકારના રાજકીય ભલામણો અગર તો દબાણો આવે આ પૂર્વે ગુરુવારની મોડી રાત્રે શહેરના વગદાર બિલ્ડર શૈલેષ પરીખ ને ગુપ્તરાહે દબોચી લઈને આરોપી બનાવી દેતા સમગ્ર શહેરમાં ભારે ચકચાર પ્રસરી જવા પામી છે.જાે કે શૈલેષ પરીખ ની ધરપકડની ખબરો સાથે ભલભલા ભુ-માફીયાઓ ની ઊંઘ હરામ થઈ જવા પામી હોવાનો માહૌલ સર્જાયો છે. જાેકે દાહોદ શહેરમાં વૈભવી ઓફિસમાં બેસીને શૈલેષ પરીખ બિલ્ડર કરતા ખેતી જમીનો ને બિન ખેતીમાં ફેરવી આપવા માટે એક એજન્ટ તરીકે કામ કરતો હતો એમાં પ્રીમિયમ ને પાત્ર ખેતીની જમીનો માં સરકારને પ્રીમિયમના નાણાં ચૂકવ્યા વગર બારોબાર બિન ખેતી ના હુકમો લાવી આપવા માટે જે તે ખેડૂતો સાથે સાહેબોને પણ ખુશ રાખવા પડે એ માટે લાખો રૂપિયાથી લઈને કરોડો રૂપિયાના સોદાઓ કરવાના આ કૌભાંડનો આખરે પર્દાફાશ થતા સમગ્ર પ્રકરણ હાઈપ્રોફાઈલ કેસમાં ફેરવાઈ ગયું છે.
