અયોધ્યા: અયોધ્યામાં (Ayodhya) બનેલા ભવ્ય શ્રી રામ મંદિરના (Shri Ram Temple) ગર્ભગૃહમાં રામલલાને તેમના આસન પર બિરાજમાન કરવામાં આવ્યા છે. બુધવારે મોડી રાત્રે તેમની સ્થાવર મૂર્તિ ગર્ભગૃહમાં પહોંચાડવામાં આવી હતી. જેના માટેની જરૂરી વિધિ બુધવારે બપોરે જ શરૂ કરી દેવામાં આવી હતી. દરમિયાન હેમા માલિની (Hema Malini) માતા સીતા તરીકે પરફોર્મ (Perform) કરી રહી હોય તેવી તસવીરો સામે આવી છે. અગાઉ સમાચાર સામે આવ્યા હતા કે હેમા માલિની રામાયણની પ્રસ્તૂતિ કરશે. તેમજ તેણી પોતાના ક્લાસિકલ ડાન્સથી (Classical Dance) લોકોને મંત્રમુગ્ધ કરતી જોવા મળશે. આ સંદર્ભે તેમણે આજે રજૂઆત કરી હતી.
રામનગરી અયોધ્યામાં રામલલાના અભિષેકને હવે માત્ર 4 દિવસ બાકી છે. 22 જાન્યુઆરીએ યોજાનારી પ્રાણ પ્રતિષ્ઠા પહેલા મંગળવારથી જ રામ નગરી અયોધ્યામાં સમારોહથી સંબંધિત અનેક કાર્યક્રમો શરૂ થઈ ગયા છે. તૈયારીઓ પૂરજોશમાં કરવામાં આવી રહી છે. આ સાથે બોલિવૂડ સ્ટાર્સને પણ પ્રાણ પ્રતિષ્ઠા માટે આમંત્રણ મળી રહ્યું છે. તેમજ પ્રાણ પ્રતિષ્ઠા પ્રસંગે અનેક સ્ટાર્સ પરફોર્મ કરશે. આ પ્રસંગે ઘણા સ્ટાર્સ અયોધ્યા પહોંચી ચૂક્યા છે અને ત્યાં પરફોર્મ કરી રહ્યા છે. દરમિયાન હેમા માલિનીએ માતા સીતાનો રોલ ભજવ્યો હતો. તેમજ તેણીએ ફેન્સને મંત્રમુગ્ધ કરી દીધા હતા.
હેમા માલિનીએ કર્યું પરફોર્મ
જે રીતે રામ મંદિરના ઉદ્ઘાટન સમારોહની તૈયારીઓ પૂરજોશમાં ચાલી રહી છે તે જ રીતે અયોધ્યામાં પણ પ્રદર્શન પૂરજોશમાં ચાલી રહ્યું છે. દરમિયાન હેમા માલિનીએ અયોધ્યામાં પરફોર્મ કર્યું હતા. જ્યાં હેમા માલિની માતા સીતાના રૂપમાં જોવા મળી હતી. જ્યારે વિશ્વ નાયકે ભગવાન રામનો રોલ કર્યો હતો. હેમા માલિની અને વિશ્વ નાયક રામ અને માતા સીતા તરીકે સાથે દેખાયા હતા. ડ્રીમ ગર્લ સાથે પરફોર્મ કરવાની તક વિશ્વ નાયક માટે કોઈ સૌભાગ્યથી ઓછી નથી. વિશ્વ નાયક ટીવી ઈન્ડસ્ટ્રીના જાણીતા કલાકાર છે. હેમા માલિની અને વિશ્વ નાયક સાથે જગદગુરુ રામભદ્રાચાર્ય પણ જોવા મળ્યા હતા.
આ સ્ટાર્સને પ્રાણ પ્રતિષ્ઠા માટે આમંત્રણ મળ્યું છે
અયોધ્યામાં રામલીલા જેને નિહાળવા સ્ટાર્સ અને રાજકારણીઓ સતત આવી રહ્યા છે. આટલું જ નહીં ટીવીની રામાયણના રામ, સીતા અને લક્ષ્મણ એટલે કે અરુણ ગોવિલ, દીપિકા અને સુનીલ લહેરી પણ અહીં પહોંચ્યા છે. આ સાથે જ ઘણા પ્રખ્યાત સ્ટાર્સને 22 જાન્યુઆરી માટે આમંત્રણ મળ્યું છે. આ લિસ્ટમાં રજનીકાંત, અક્ષય કુમાર, અમિતાભ બચ્ચન, આલિયા ભટ્ટ, રણબીર કપૂર, અનુષ્કા શર્મા, કંગના રનૌત, રણદીપ હુડા જેવા ઘણા મોટા નામ સામેલ છે.
