નવી દિલ્હી: અયોધ્યાના નવનિર્મિત રામ મંદિરમાં આગામી તા. 22 જાન્યુઆરી 2024ના રોજ રામલલાના અભિષેક સાથે રામમંદિર પ્રાણ પ્રતિષ્ઠા મહોત્સવની ઉજવણી કરવામાં આવનાર છે. 500 વર્ષ બાદ પ્રભુ શ્રી રામ પોતાના ઘરે અયોધ્યા પાછા ફરી રહ્યાં હોય દેશભરમાં અનેરો ઉત્સાહ છે.
શ્રી રામ જન્મભૂમિ તીર્થ ક્ષેત્ર ટ્રસ્ટ દ્વારા પણ આ પ્રસંગ માટે દેશભરમાંથી વિશેષ મહેમાનોને આમંત્રિત કરવામાં આવી રહ્યાં છે. તે માટે ખાસ આમંત્રણ પત્રિકા તૈયાર કરવામાં આવી છે. આ આમંત્રણ પત્રિકા દેશના 6000 થી વધુ વિશેષ મહેમાનોને મોકલવામાં આવી છે, જેમાં 4000 સંતો અને 2200 અન્ય મહેમાનો સામેલ છે. ઉપરાંત છ દર્શન (પ્રાચીન શાખાઓ)ના શંકરાચાર્ય અને લગભગ 150 ઋષિ-મુનિઓ પણ અભિષેક સમારોહમાં ભાગ લેશે.
આ વિશિષ્ટ પ્રસંગ માટે આમંત્રણ પત્રિકા પણ ખાસ બનાવાઈ છે. હવે આમંત્રણ પત્રિકાની પહેલી તસવીર સામે આવી છે. આમંત્રણ પત્રિકાના કવર પર ભગવાન રામના બાળ સ્વરૂપનું ચિત્ર છે અને છેલ્લે શ્રી રામ મંદિરની મુલાકાતનો સારાંશ આપવામાં આવ્યો છે.
આમંત્રણ કાર્ડ પ્રોફેશનલી ડિઝાઇન કરાયું છે. પત્રિકામાં ધાર્મિક વિધિઓની વિગતો સાથે દરેક મહેમાનનો ક્યૂઆર કોડ પણ અપાયા છે. કાર્ડ પર આગમનનો સમય, વાહન માટે પાર્કિંગની ફાળવેલી જગ્યા અને પવિત્રતાનો સમયગાળો સામેલ છે. તેના કવર પર લખ્યું છે – અનાદિક આમંત્રણ, શ્રી રામ ધામ અયોધ્યા. આ આમંત્રણ કાર્ડના બોક્સમાં 5 વસ્તુઓ ભેટ તરીકે રાખવામાં આવી છે.
આમંત્રણ પત્રિકાની આ ખાસિયત છે
અયોધ્યામાં નિર્માણાધીન શ્રી જન્મભૂમિ મંદિરના ચિત્ર સાથેનું કાર્ડ પર શ્રી રામ જન્મભૂમિ તીર્થ ક્ષેત્રનો લોગો છપાયેલો છે. એક નાના પરબિડીયામાં અખંડ દીવો મુક્યો છે. ઇવેન્ટના દિવસ માટે વાહન પાસ, વાહન નંબર લખવા માટે જગ્યા સાથે. ગૂગલ મેપ સાથે ક્યૂઆર કોડ પણ છે જેથી કરીને મહેમાનો સરળતાથી પાર્કિંગ વિસ્તારમાં પહોંચી શકે. સંકલ્પ સંપોષણ પુસ્તક. તેમાં વર્ષ 1528 થી 1984 દરમિયાન રામ જન્મભૂમિ આંદોલન સાથે જોડાયેલા 20 લોકોનું સંક્ષિપ્ત વર્ણન છે. આમાં દેવરાહ બાબાનો ઉલ્લેખ પહેલા અને અશોક સિંઘલનો ઉલ્લેખ છેલ્લે કરવામાં આવ્યો છે. આ ઉપરાંત કાર્યક્રમ વિશે માહિતી આપતું કાર્ડ છે. જેમાં પીએમ નરેન્દ્ર મોદી, સંઘ પ્રમુખ મોહન ભાગવત, યુપીના રાજ્યપાલ આનંદીબેન પટેલ, સીએમ યોગી આદિત્યનાથ અને શ્રી રામ જન્મભૂમિ તીર્થ ક્ષેત્રના પ્રમુખ મહંત નૃત્ય ગોપાલ દાસના નામ છે.
પત્રિકા પર કાર્યક્રમનું વર્ણન
આમંત્રણ પત્રમાં સમયની સાથે કાર્યક્રમની વિગતો હોય છે. મહેમાનોના આગમનનો સમય સવારે 11:30નો રાખવામાં આવ્યો છે. પ્રાણ પ્રતિષ્ઠા 11:30 થી 12:30 સુધી ગર્ભગૃહમાં થશે. બપોરે 12:30 વાગ્યાથી મહેમાનો દ્વારા પ્રવચન થશે. ત્યારબાદ મંદિરમાં દર્શન શરૂ થશે. મહેમાનો માટે કેટલીક સૂચનાઓ અને અરજદારોના નામનો પણ આ કાર્ડમાં ઉલ્લેખ કરવામાં આવ્યો છે.
