નડિયાદ નજીકના ગુતાલમાં વસવાટ કરે છે
વડોદરા: કરજણ તાલુકાના ઘાવટ ગામની ચોકડી પાસેથી એસઓજીની ટીમે બાંગ્લાદેશી યુવતીને ઝડપી પાડી હતી. પ્રાપ્ત માહિતી અનુસાર ભારત દેશમાં બિન અધિકૃત રીતે પ્રવેશ કરી અને રહી રહેલા બાંગ્લાદેશીઓને ઝડપી પાડવા વડોદરા શહેર તેમજ ગ્રામ્ય પોલીસ સઘન અભિયાન ચલાવી રહી છે.તે દરમિયાન એસઓજીની ટીમને બાતમી મળી હતી કે, કરજણ તાલુકાના ઘાવટ ગામની ચોકડી પાસે બાંગ્લાદેશી યુવતી અવર જવર કરે છે. ચોકી ઊઠેલી એસઓજીની ધસી ગયેલી ટીમે સઘન વોચ ગોઠવી હતી. ઝડપાયેલી મહિલાની પૂછપરછ કરતા ૪૩ વર્ષના ઝાકીયા બેગમ મોહમ્મદ ગુલામ સરવર સરદાર નામ જણાવ્યું હતું. તે નડિયાદ પાસે ગુતાલ ચોકડી નજીક રહેતી હોવાનું બહાર આવ્યું હતું. પોલીસે શંકા વ્યક્ત કરી હતી કે ગુતાલ ચોકડી પર રહેતી ભેજાબાજ મહિલા કરજણ પંથકમાં કોઈ ગુનાહિત પ્રવૃત્તિઓ આચરવા આવી છે તે દિશામાં વધુ તપાસનો દોર લંબાવતા ઊંડી પૂછતાછ હાથ ધરી હતી.
ઉલ્લેખનીય છે કે બાંગ્લાદેશમાં ગંભીર પ્રકારના ગુના આચરીને ગેર કાયદેસર રીતે બનાવેલા બનાવટી દસ્તાવેજ આધારે દેશમાં ઘૂસણખોરી કરે છે.
