સપાના સંસ્થાપક અને યુપીના (UP) પૂર્વ સીએમ મુલાયમ સિંહ યાદવની (Mulayam Singh Yadav) હાલત હજુ પણ નાજુક છે. મંગળવારે તેમને ગુરુગ્રામની મેદાંતા હોસ્પિટલના (Hospital) આઈસીયૂ (ICU)માં ખસેડવામાં આવ્યા હતા. 82 વર્ષીય યાદવને સોમવાર સુધી હોસ્પિટલના ક્રિટિકલ યુનિટમાં દાખલ કરવામાં આવ્યા હતા. એસપીએ તેના સત્તાવાર ટ્વિટર હેન્ડલ પરથી જણાવ્યું કે મેદાંતા હોસ્પિટલમાં ICUમાં દાખલ મુલાયમ સિંહ યાદવની તબિયત નાજુક છે. તબીબોની ટીમ તેમના સ્વાસ્થ્ય (Health) પર નજર રાખી રહી છે. પાર્ટીએ તેમના ઝડપી સ્વસ્થ થવા માટે પ્રાર્થના કરવા અપીલ કરી છે. સપાએ ટ્વીટ કર્યું કે હોસ્પિટલના મેડિકલ બુલેટિનમાં કહેવામાં આવ્યું છે કે મુલાયમ સિંહ યાદવની હાલત હજુ પણ ચિંતાજનક છે. તેમને જીવનરક્ષક દવાઓ આપવામાં આવી રહી છે. લો બ્લડ પ્રેશર અને શ્વાસ લેવામાં તકલીફને કારણે અગાઉ પણ તેઓને હોસ્પિટલમાં દાખલ કરવામાં આવ્યા હતા.
તબીબોની વિશેષ ટીમ કાળજી લઈ રહી છે
જણાવી દઈએ કે યુપીના પૂર્વ મુખ્યમંત્રીને રવિવારે મેદાંતામાં દાખલ કરવામાં આવ્યા હતા. 22 ઓગસ્ટથી અહીં તેમની સારવાર ચાલી રહી છે. મેદાંતા હોસ્પિટલના મેડિકલ ડાયરેક્ટર ડૉ. સંજીવ ગુપ્તાએ મંગળવારે બપોરે જણાવ્યું કે તેમની હાલત નાજુક છે. આઈસીયુમાં તેમની સારવાર ચાલુ છે. તબીબોની એક વિશેષ ટીમ તેની દેખરેખ કરી રહી છે. યુપીના પૂર્વ સીએમ અખિલેશ યાદવ, ડિમ્પલ યાદવ અને ધર્મેન્દ્ર યાદવ સહિત પરિવારના ઘણા સભ્યો હાલમાં ગુરુગ્રામમાં રોકાયા છે.
પત્ની ડિમ્પલ સાથે સેવા કરતા અખિલેશ
મંગળવારે અખિલેશ યાદવ અને ડિમ્પલે આખો દિવસ તેમની સંભાળ રાખી હતી. આ સાથે તેઓ પાર્ટીના મોટા નેતાઓ અને સંબંધીઓને તેમની તબીયત વિષે જણાવતા રહ્યા હતા. મુલાયમના મૂળ ગામ સૈફઈ, મૈનપુરી, ઈટાવા, કન્નૌજ, લખનૌથી લઈને યુપીના ઈટાવા જિલ્લાના દિલ્હી અને ગુરુગ્રામ સુધી પૂર્વ મુખ્યમંત્રીની સ્થિતિ જાણવા માટે સપા સમર્થકોના ફોન આવી રહ્યા છે. અત્યાર સુધીમાં ડઝનબંધ નેતાઓ તેમની હાલત જાણવા ગુરુગ્રામ પહોંચ્યા છે.
અનેક નેતાઓ આવ્યા
સોમવારે શિવપાલ સિંહ યાદવ, સપાના પ્રદેશ અધ્યક્ષ નરેશ ઉત્તમ, હરિયાણાના પૂર્વ સીએમ ભૂપિંદર સિંહ હુડ્ડા, કોંગ્રેસના પૂર્વ પ્રદેશ અધ્યક્ષ રાજ બબ્બર, સ્વામી પ્રસાદ મૌર્ય સહિત ઘણા નેતાઓ આવ્યા હતા. ધર્મેન્દ્ર યાદવે સમર્થકોને કહ્યું કે મુલાયમસિંહ યાદવની હાલત સ્થિર છે. લોકો હોસ્પિટલમાં ન આવે. આનાથી હોસ્પિટલમાં સમસ્યા થઈ શકે છે.
