પ્રખ્યાત ટીવી અભિનેતા સિદ્ધાર્થ શુક્લનું નિધન થયું છે. સિદ્ધાર્થ શુક્લ 40 વર્ષના હતા. ગુરુવારે સવારે તેને હોસ્પિટલમાં લઈ જવાયો હતો જ્યાં ચિકિત્સકોએ તેને મૃત ઘોષિત કર્યો હતો. ગુરુવારે સવારે તેના નિધનના સમાચાર મળતાં જ તેના ચાહકોમાં શોકની લાગણી ફરી વળી છે. શુક્રવારે તેના અંતિમ સંસ્કાર કરવામાં આવશે.
અત્યાર સુધી મળેલી માહિતી મુજબ હાર્ટ એટેકને કારણે તેનું મોત થયું છે. હાર્ટ એટેક આવ્યા બાદ તેમને મુંબઈની કૂપર હોસ્પિટલમાં દાખલ કરવામાં આવ્યા હતા જ્યાં તેમનું મૃત્યુ થયું હતું.
સિદ્ધાર્થ શુક્લાને ટીવી સિરિયલ બાલિકા વધુથી લોકપ્રિયતા મળી. તે પછી તેણે ક્યારેય પાછું વળીને જોયું નથી. તે સિરિયલ દિલ સે દિલ તકમાં પણ જોવા મળ્યો હતો. તેણે હમ્પ્ટી શર્મા કી દુલ્હનિયા ફિલ્મથી બોલિવૂડમાં પ્રવેશ કર્યો હતો.
આ સમાચાર મળ્યા બાદ સમગ્ર બૉલીવુડ આઘાતમાં છે. તેમના ચાહકો તેમનું દુખ વ્યક્ત કરી રહ્યા છે. ખૂબ નાની ઉંમરે જ દુનિયા છોડીને ગયેલા સુશાંત સિંહ રાજપૂતના દુ:ખમાંથી લોકો હજુ સાજા થઈ શક્યા નથી કે આજે સિદ્ધાર્થ શુક્લના મૃત્યુના સમાચારથી બૉલીવુડ શોકમાં ડૂબી ગયું છે. તેને બિગ બોસ 13 થી ઘણી ખ્યાતિ મળી હતી. તે બીગ બોસ 13નો વિજેતા રહ્યો હતો. પંજાબી અભિનેત્રી શેહનાઝ ગિલ સાથેની તેમની જોડીને ખૂબ પસંદ કરવામાં આવી હતી. બંને તાજેતરમાં બિગ બોસ OTT માં પણ જોવા મળ્યા હતા.
