નવી દિલ્હી: ભારત અને દક્ષિણ આફ્રિકા વચ્ચે બે મેચની ટેસ્ટ શ્રેણી (IND vs SA 1st Test) 26 ડિસેમ્બરથી શરૂ થઈ રહી છે. પ્રથમ ટેસ્ટ સેન્ચુરિયનના સુપરસ્પોર્ટ પાર્કમાં રમાશે. રોહિત શર્માની (RohitSharma) આગેવાની હેઠળની ભારતીય ટીમ સાઉથ આફ્રિકામાં ટેસ્ટ જીતીને ઈતિહાસ રચવા પર નજર રાખશે. જોકે, પ્રથમ ટેસ્ટ મેચમાં વરસાદ વિલન બની શકે છે.
રોહિત શર્માની આગેવાની હેઠળની ભારતીય ટીમ સાઉથ આફ્રિકામાં ટેસ્ટ જીતીને ઈતિહાસ રચવા પર નજર રાખશે. જોકે, પ્રથમ ટેસ્ટ મેચમાં વરસાદ વિલન બની શકે છે. પ્રથમ ટેસ્ટ દરમિયાન આકાશમાં કાળા વાદળો છવાયેલા રહેશે અને હવામાન વિભાગના જણાવ્યા અનુસાર પ્રથમ દિવસ વરસાદથી ધોવાઈ શકે છે.
રિપોર્ટ અનુસાર પ્રથમ ટેસ્ટ (IND vs SA 1st Test Weather)ના પહેલા દિવસે વરસાદની સંભાવના 75 ટકા રહેવાની છે. 26 ડિસેમ્બરે બપોરના સમયે ભારે વરસાદ પડશે અને દિવસભર આકાશમાં કાળા વાદળો છવાયેલા રહેશે. આવી સ્થિતિમાં પ્રથમ દિવસે વરસાદ મેચની મજા બગાડી શકે છે.
ભારત અને દક્ષિણ આફ્રિકા (IND vs SA ટેસ્ટ ) અત્યાર સુધીમાં કુલ 42 ટેસ્ટ મેચ રમાઈ છે, જેમાં ભારતે 15 મેચ જીતી છે અને દક્ષિણ આફ્રિકાએ 17 મેચ જીતી છે, જ્યારે 10 મેચ ડ્રો રહી છે. ટીમ ઈન્ડિયાએ હવે દક્ષિણ આફ્રિકાની ધરતી પર 23 મેચ રમી છે, જેમાં ભારત માત્ર ચાર મેચ જીતી શક્યું છે, જ્યારે યજમાન ટીમે 12 મેચ જીતી છે, જ્યારે 7 મેચ ડ્રોમાં સમાપ્ત થઈ છે.
ભારત: રોહિત શર્મા (કેપ્ટન), શુભમન ગિલ, યશસ્વી જયસ્વાલ, વિરાટ કોહલી, શ્રેયસ અય્યર, અભિમન્યુ ઇશ્વરન, રવિચંદ્રન અશ્વિન, રવિન્દ્ર જાડેજા, કેએલ રાહુલ (વિકેટ કીપર), કેએસ ભરત (વિકેટ કીપર), શાર્દુલ ઠાકુર, મોહમ્મદ સિરાજ, મુકેશ કુમાર, જસપ્રિત બુમરાહ (વાઈસકેપ્ટન), પ્રસિદ્ધ કૃષ્ણા.
દક્ષિણ આફ્રિકા: ટેમ્બા બાવુમા (કેપ્ટન), ટોની ડી જિઓર્ગી, ડીન એલ્ગર, એઇડન માર્કરામ, કીગન પીટરસન, માર્કો જેન્સેન, વિઆન મુલ્ડર, ડેવિડ બેડિંગહામ (wk), ટ્રિસ્ટન સ્ટબ્સ (વિકેટકીપર), કાયલ વેરેયન, આન્દ્રે બર્જર, ગેરાલ્ડ કોએત્ઝી, કેશવ મહારાજ, લુંગી એનગીડી, કાગીસો રબાડા.
