ઘણા દેશોમાં ખેડૂત આંદોલન (FARMER PROTEST) ની ચર્ચા થઈ ચુકી છે, હવે અમેરિકન પોપ સ્ટાર રીહાના (POP STAR RIHANA) એ આ માટે પોતાનું સમર્થન વ્યક્ત કર્યું છે. ત્યારબાદ આંતરરાષ્ટ્રીય હસ્તીઓ સતત ખેડૂત આંદોલન અંગે પોતાનો અભિપ્રાય વ્યક્ત કરી રહી છે.
ભારતમાં બે મહિનાથી ચાલી રહેલ ખેડૂત આંદોલન હવે દુનિયાભરમાં હેડલાઇન્સ (INTERNATIONAL HEADLINE) બની રહ્યું છે. ઘણા દેશોમાં ખેડૂત આંદોલનની ચર્ચા થઈ ચુકી છે, હવે અમેરિકન પોપ સ્ટાર રીહાનાએ આ માટે પોતાનું સમર્થન વ્યક્ત કર્યું છે. ત્યારબાદ આંતરરાષ્ટ્રીય હસ્તીઓ સતત ખેડૂત આંદોલન અંગે પોતાનો અભિપ્રાય વ્યક્ત કરી રહી છે.
પર્યાવરણ માટે કામ કરતા ભારતીય કાર્યકર લિસિપ્રિયા કગજમે પણ ટ્વિટર પર ખેડૂત આંદોલનને ખુલ્લેઆમ ટેકો આપ્યો હતો.
લિસિપ્રિયા કંગુજમ (LISHPRIYA KANGUJAM) વતી તેમણે વિશ્વને આ આંદોલનને ટેકો આપવા અપીલ કરી. તેમણે ક્લાયમેટ ચેન્જ એક્ટિવિસ્ટ ગ્રેટા થનબર્ગને પણ આ અંગે ચર્ચા કરવા અપીલ કરી હતી. લિસિપ્રિયા કંગજુમ તે સમયે ચર્ચામાં આવી હતી જ્યારે તેમણે પીએમ મોદીએ આપેલા સન્માનને નકારી દીધું હતું.
રિહાનાના ટ્વિટ પછી ગ્રેટા થનબર્ગે પણ ભારતમાં ચાલી રહેલા ખેડૂત આંદોલન વિશે ટ્વીટ કર્યું હતું. ગ્રેટાએ પોતાની ટ્વિટમાં લખ્યું છે કે અમે ભારતમાં ખેડૂત આંદોલન સાથે એકતામાંઊભા છીએ. ગ્રેટા થાનબર્ગે અગાઉ ભારતમાં NEET પરીક્ષાઓનો વિરોધ કરતા વિદ્યાર્થીઓને પણ ટેકો આપ્યો હતો.ગઈકાલે રિહાનાના ટ્વિટ પછી ઘણા આંતરરાષ્ટ્રીય હસ્તીઓ અને સંસ્થાઓએ ભારતના ખેડૂત આંદોલન વિશે ટ્વીટ કર્યું છે.
રીહાનાના આ ટ્વિટ બાદ હ્યુમન રાઇટ્સ વાચ, આંતરરાષ્ટ્રીય ઇન્ટરનેટ અધિકાર સાથે સંકળાયેલ સંગઠન, અમેરિકન મોડેલ અમાન્ડા સેર્ની અને અનેક અગ્રણી સંસ્થાઓ અને હસ્તીઓએ ખેડુતોના આંદોલનને સમર્થન આપ્યું છે.
હકીકતમાં દેશના પાટનગર દિલ્હીની આસપાસ બે મહિનાથી ખેડૂતો છાવણી કરી રહ્યા છે, હવે સરકારે પણ છેલ્લા કેટલાક દિવસોથી અહીં ઇન્ટરનેટ બંધ કરી દીધું છે, જેનો સખત વિરોધ કરવામાં આવી રહ્યો છે.
