Latest News

વિદ્યાર્થીઓ માટે અગત્યની ખબર: બીજા બોર્ડ એક્ઝામ પહેલા જ આવશે પરિણામ

CBSE ધોરણ 10ના વિદ્યાર્થીઓ માટે મહત્વપૂર્ણ અપડેટ સામે આવ્યું છે. CBSE Result 2026 આજે જાહેર થશે એવી ચર્ચાઓ વચ્ચે હવે સ્પષ્ટતા થઈ છે કે પરિણામ આજે નહીં આવે. પરંતુ અંદાજ મુજબ એપ્રિલ મહિનાના મધ્યથી અંત સુધીમાં પરિણામ જાહેર થવાની પૂરી શક્યતા છે. આ વર્ષે પરિણામ થોડું વહેલું જાહેર થવાનું મુખ્ય કારણ છે આવનારી બીજી બોર્ડ પરીક્ષાઓ, જે 15 મે થી શરૂ થવાની છે.

CBSE દ્વારા લેવામાં આવેલી ધોરણ 10ની પરીક્ષાઓ 17 ફેબ્રુઆરીથી શરૂ થઈ 11 માર્ચ સુધી ચાલી હતી. હવે વિદ્યાર્થીઓ આતુરતાથી પોતાના પરિણામની રાહ જોઈ રહ્યા છે. પરિણામ જાહેર થયા બાદ વિદ્યાર્થીઓ સત્તાવાર વેબસાઇટ cbse.gov.in પર જઈને પોતાના રોલ નંબર અને લોગિન વિગતો વડે માર્કશીટ ચેક કરી શકશે.

ખાસ વાત એ છે કે CBSE પરંપરાગત માર્કિંગ સિસ્ટમને બદલે ‘રિલેટિવ ગ્રેડિંગ સિસ્ટમ’નો ઉપયોગ કરે છે. એટલે કે, વિદ્યાર્થીને મળતી ગ્રેડ તેની કુલ ટકાવારી પર નહીં, પણ અન્ય વિદ્યાર્થીઓના પ્રદર્શનની સરખામણી પર આધારિત હોય છે. તમામ પાસ થયેલા વિદ્યાર્થીઓને આઠ સમૂહમાં વહેંચવામાં આવે છે, જેમાં ટોચના 1/8 વિદ્યાર્થીઓને A1 ગ્રેડ આપવામાં આવે છે, ત્યારબાદ A2, B1, B2 આ રીતે D2 સુધી ગ્રેડ આપવામાં આવે છે.

આથી એક જ વિદ્યાર્થીને અલગ અલગ વિષયોમાં સમાન માર્ક્સ હોવા છતાં જુદા જુદા ગ્રેડ મળી શકે છે. પરિણામ જાહેર થયા બાદ વિદ્યાર્થીઓ DigiLocker મારફતે ડિજિટલ માર્કશીટ પણ સરળતાથી ડાઉનલોડ કરી શકશે. હાલ તંત્ર દ્વારા વિદ્યાર્થીને સલાહ આપવામાં આવે છે કે તેઓ સત્તાવાર જાહેરાતની રાહ જુએ અને કોઈપણ અફવાઓથી દૂર રહે. CBSE Result 2026 માટે હવે ગણતરીના દિવસો બાકી છે, અને ટૂંક સમયમાં લાખો વિદ્યાર્થીઓના ભવિષ્યનો નિર્ણય જાહેર થવાનો છે.