ગુજરાત ટાઇટન્સને 29 રને હરાવી પ્લેઓફની આશા જીવંત રાખી
ઈડન ગાર્ડન્સમાં રનોની વરસાદ વચ્ચે કોલકાતા નાઈટ રાઈડર્સનો કમાલ, ફિન એલનની તોફાની ઈનિંગ્સથી મેચ પલટી
IPL 2026માં શનિવારે રમાયેલી હાઈસ્કોરિંગ અને રોમાંચક મેચમાં Kolkata Knight Riders એ Gujarat Titans સામે 29 રનની શાનદાર જીત મેળવી હતી. કોલકાતાના ઐતિહાસિક Eden Gardens ખાતે રમાયેલી આ મેચમાં બેટ્સમેનોએ ચોગ્ગા -છગ્ગાનો વરસાદ વરસાવ્યો હતો. આ જીત સાથે KKRએ પ્લેઓફમાં પહોંચવાની પોતાની આશાઓ જીવંત રાખી છે.
મેચમાં પ્રથમ બેટિંગ કરતા KKRએ 20 ઓવરમાં માત્ર 2 વિકેટ ગુમાવી 247 રનનો વિશાળ સ્કોર ઉભો કર્યો હતો. ટીમ તરફથી ઓપનર Finn Allen એ વિસ્ફોટક બેટિંગ કરતાં માત્ર 35 બોલમાં 93 રનની ધમાકેદાર ઈનિંગ રમી હતી.ઈનિંગમાં અનેક આકર્ષક ચોગ્ગા અને લાંબા છગ્ગા સામેલ રહ્યા હતા. શરૂઆતથી જ એલને ગુજરાતના બોલરો પર દબાણ બનાવી દીધું હતું.ફિન એલનને અન્ય બેટ્સમેનોથી પણ સારો સાથ મળ્યો હતો. મધ્યક્રમના ખેલાડીઓએ ઝડપી રન બનાવી ટીમને 240થી વધુના સ્કોર સુધી પહોંચાડવામાં મહત્વપૂર્ણ યોગદાન આપ્યું હતું. KKRના બેટ્સમેનોએ ખાસ કરીને ડેથ ઓવર્સમાં ગુજરાતના બોલરોની જોરદાર ધોલાઈ કરી હતી. ગુજરાતના બોલરો મેચ દરમિયાન સંપૂર્ણ રીતે દબાણમાં દેખાયા હતા.
247 રનના વિશાળ લક્ષ્યનો પીછો કરવા ઉતરેલી ગુજરાત ટાઇટન્સની શરૂઆત પણ આક્રમક રહી હતી. ટીમના કેપ્ટન Shubman Gill એ શાનદાર બેટિંગ કરતાં 49 બોલમાં 85 રનની લડાયક ઈનિંગ રમી હતી. ગિલે શરૂઆતથી જ આક્રમક અંદાજ અપનાવ્યો હતો અને KKRના બોલરો સામે મોટા શોટ્સ ફટકાર્યા હતા. જોકે, બીજા છેડે સતત વિકેટો પડતા રહેતાં ગુજરાત પર દબાણ વધતું ગયું હતું. ગુજરાતના બેટ્સમેનોએ અંત સુધી લડત આપી હતી, પરંતુ જરૂરી રનરેટ સતત વધતો જતા મેચ KKR તરફ ઝૂકી ગઈ હતી. આખરે ગુજરાત ટાઇટન્સની ટીમ 20 ઓવરમાં 4 વિકેટ ગુમાવી 218 રન સુધી જ પહોંચી શકી હતી અને તેમને 29 રનથી હારનો સામનો કરવો પડ્યો હતો.
KKR માટે અનુભવી સ્પિનર Sunil Narine એ ફરી એકવાર મહત્વપૂર્ણ બોલિંગ કરી હતી. નરિને પોતાના 4 ઓવરમાં 29 રન આપી 2 મહત્વપૂર્ણ વિકેટ ઝડપી હતી. તેની બોલિંગે ગુજરાતની રનગતિ પર અસર પાડી હતી. ઉપરાંત Cameron Green એ પણ અસરકારક બોલિંગ કરતાં 3 ઓવરમાં 25 રન આપી 1 વિકેટ ઝડપી હતી. આ જીત KKR માટે ખૂબ જ મહત્વપૂર્ણ માનવામાં આવી રહી છે કારણ કે ટીમ હજુ પ્લેઓફની રેસમાં ટકી રહી છે. જો આગામી મેચોમાં પણ KKR આવી જ પ્રદર્શન કરે તો ટીમ ટોપ-4માં સ્થાન બનાવી શકે છે. બીજી તરફ ગુજરાત ટાઇટન્સ માટે આ હાર ચિંતાનો વિષય બની શકે છે કારણ કે બોલિંગ વિભાગ આ મેચમાં સંપૂર્ણ રીતે નિષ્ફળ રહ્યો હતો.
મેચ દરમિયાન ઈડન ગાર્ડન્સમાં હાજર દર્શકોને ચોગ્ગા-છગ્ગાથી ભરપૂર મનોરંજન મળ્યું હતું. સોશિયલ મીડિયા પર પણ ફિન એલનની વિસ્ફોટક ઈનિંગ્સ અને KKRની જીતની ભારે ચર્ચા ચાલી રહી છે. IPL 2026 હવે વધુ રોમાંચક બની રહ્યો છે અને પ્લેઓફની રેસમાં દરેક મેચ નિર્ણાયક સાબિત થઈ રહી છે.
