Science & Technology

સૌથી ગરમ ગ્રહની સપાટી નીચે શું છે? તે સવાલનો જવાબ શોધવા ઈસરો હવે શુક્ર પર સેટેલાઈટ મોકલશે

નવી દિલ્લી: ભારતે (India) અવકાશ સંશોધનના ક્ષેત્રમાં ઘણી પ્રગતિ કરી છે. હવે ભારત એક નવો પ્રયોગ કરવાની તૈયારીમાં છે. અગાઉ ચંદ્ર અને મંગળ પર સફળતાપૂર્વક સેટેલાઇટ મોકલ્યા પછી, હવે ભારતીય અવકાશ સંશોધન સંસ્થા (Indian Space Research Organization) શુક્ર પર સેટેલાઇટ (Satellite) મોકલવાની તૈયારી કરી રહ્યું છે. જેને શુક્ર (Venus) ગ્રહની આસપાસ ફરતું મૂકવામાં આવશે. સૌથી ગરમ ગ્રહની સપાટી નીચે શું છે? ત્યાં જીવનની કોઈ શક્યતા છે કે નહીં? તે ઉપરાંત શુક્રના રહસ્યમય સલ્ફ્યુરિક એસિડ વાદળોનું રહસ્ય શું છે? આ સવાલોના જવાબ આ સેટેલાઈટ શોધશે. ઈસરો દ્વારા આ મિશનનું નામ શુક્રયાન રાખવામાં આવ્યું છે.

ઈસરોના અધ્યક્ષ એસ. સોમનાથે શુક્ર ગ્રહ પર એક દિવસીય બેઠક બાદ જણાવ્યું કે ઈસરોના વૈજ્ઞાનિકોએ શુક્રના મિશનનો પ્રોજેક્ટ રિપોર્ટ તૈયાર કર્યો છે. તેમજ ખર્ચની તૈયારી પણ કરવામાં આવી છે. સરકાર અને વૈજ્ઞાનિકો આ પ્રોજેક્ટ અંગે સહમત છે. હમણાં જ ઉપગ્રહને યોગ્ય સાધનસામગ્રી સાથે બનાવી શુક્ર ગ્રહ તરફ પ્રક્ષેપણ કરવાની તૈયારીઓ કરવામાં આવી રહી છે. તેમણે વધુમાં કહ્યું કે શુક્ર પર મિશન મોકલવું ભારત માટે આસાન કામ છે. કારણ કે ભારત પાસે રહેલી ક્ષમતાઓ અનુસાર ભારત થોડા સમયમાં શુક્ર પર મિશન મોકલી શકે છે.

ઈસરોએ કહ્યું- જો તમે 2024માં લોન્ચ નહીં કરી શકો તો આગામી તક 2031માં મળશે
શુક્રયાનના પ્રક્ષેપણ માટે ઈસરોએ ડિસેમ્બર 2024 નક્કી કરી છે. આ સમય નક્કી કરવામાં આવ્યો છે જેથી શુક્ર ગ્રહ અને પૃથ્વી સાથેએક સીધી રેખામાં હોય, જેથી તેને શુક્રયાન સુધી પહોંચવા માટે ઓછામાં ઓછું બળતણ ઉપયોગી બને. જો ડિસેમ્બર 2024માં લોન્ચ નહીં થાય તો આ પછી 2031માં ફરી આવી તક આવશે. ઈસરોના વડા સોમનાથે કહ્યું કે અન્ય દેશો અને અવકાશ એજન્સીઓની જેમ શુક્ર પર મોકલવામાં આવેલા મિશનની નકલ કરવામાં આવશએ નહીં. ભારતસંપૂર્ણપણે અલગ પ્રયોગ કરીશે. જેમ કે ISROએ ચંદ્રયાન-1 અને મંગલયાન (માર્સ ઓર્બિટર મિશન)માં કર્યું હતું. આ સાથે ફરી એકવાર ભારતનો ધ્વજ વૈશ્વિક સ્તરે લહેરાશે.

અત્યાર સુધીમાં 46 શુક્ર મિશન લોન્ચ કરવામાં આવ્યા છે
અત્યાર સુધી માત્ર અમેરિકા, રશિયા, યુરોપિયન સ્પેસ એજન્સી અને જાપાને જ શુક્ર મિશન શરૂ કર્યા છે. અત્યાર સુધીમાં કુલ 46 શુક્ર મિશન લોન્ચ કરવામાં આવ્યા છે. આમાંના કેટલાક અવકાશયાન શુક્ર પર પહોંચ્યા, કેટલાક તેની ભ્રમણકક્ષામાં પહોંચ્યા. આવા મિશનને ફ્લાયબાય, લેન્ડર અને ઓર્બિટર મિશન એમ 3 પ્રકારમાં વિભાજિત કરવામાં આવે છે. શુક્રયાનએ ઓર્બિટર મિશન છે.

Most Popular

To Top