ગુરુવારે સવારે ભારતે પાકિસ્તાનની વાયુ સંરક્ષણ પ્રણાલીનો નાશ કર્યો છે. આ પહેલા બુધવારે મોડી રાત્રે પાકિસ્તાની સેનાએ 15 ભારતીય સૈન્ય ઠેકાણાઓ પર હુમલો કરવાનો પ્રયાસ કર્યો હતો. આ પછી ભારતીય સેનાએ આ મોટી કાર્યવાહી કરીને યોગ્ય જવાબ આપ્યો છે. સંરક્ષણ મંત્રાલયે બપોરે 2:30 વાગ્યે આ કાર્યવાહીની માહિતી આપી. સંરક્ષણ મંત્રાલયે જણાવ્યું હતું કે આજે સવારે ભારતીય દળોએ પાકિસ્તાનમાં અનેક સ્થળોએ હવાઈ સંરક્ષણ રડાર અને સિસ્ટમોને નિશાન બનાવ્યા હતા.
સંરક્ષણ મંત્રાલયે જણાવ્યું હતું કે પાકિસ્તાને ઉત્તર અને પશ્ચિમ ભારતના શહેરોને પણ નિશાન બનાવ્યા છે. આ સમયગાળા દરમિયાન અવંતીપોરા, શ્રીનગર, જમ્મુ, પઠાણકોટ, અમૃતસર, કપૂરથલા, જલંધર, લુધિયાણા, આદમપુર, ભટિંડા, ચંદીગઢ, નાલ, ફલોદી, ઉત્તરલાઈ અને ભુજમાં ડ્રોન અને મિસાઈલ છોડવામાં આવી હતી. આ પણ નિષ્ફળ બનાવવામાં આવ્યા.
ગુરુવાર સવારથી જ પાકિસ્તાની મીડિયામાંથી એવા સમાચાર આવી રહ્યા હતા કે લાહોરમાં કેટલાક વિસ્ફોટો સંભળાયા છે. અન્ય સરહદી વિસ્તારોમાંથી પણ આવા જ અહેવાલો આવી રહ્યા હતા. આ પછી સરકારના પ્રેસ ઇન્ફોર્મેશન બ્યુરો એટલે કે PIB દ્વારા બપોરે 2:34 વાગ્યે એક નિવેદન બહાર પાડવામાં આવ્યું. તેમાં કહેવામાં આવ્યું છે કે તણાવ વધારવાના પાકિસ્તાનના પ્રયાસોને નિષ્ફળ બનાવવામાં આવ્યા છે. ભારતે પણ પાકિસ્તાનની કાર્યવાહીનો યોગ્ય જવાબ આપ્યો છે.
ભારત કેવી રીતે નિષ્ફળ બનાવ્યો પ્રયાસ
સંરક્ષણ મંત્રાલયે કહ્યું, ‘૭ મેની રાત્રે પાકિસ્તાને ઉત્તર અને પશ્ચિમ ભારતના શહેરોને નિશાન બનાવવાનો પ્રયાસ કર્યો. જેમાં અવંતીપોરા, શ્રીનગર, જમ્મુ, પઠાણકોટ, અમૃતસર, કપૂરથલા, જલંધર, લુધિયાણા, આદમપુર, ભટિંડા, ચંદીગઢ, નાલ, ફલોદી, ઉત્તરલાઈ અને ભુજમાં ડ્રોન અને મિસાઈલ છોડવામાં આવી હતી. જો મિસાઇલ હુમલો થાય તો તે માટે ભારતીય સેનાએ પહેલાથી જ સરહદો પર S-400 એર ડિફેન્સ મિસાઇલ સિસ્ટમ તૈનાત કરી દીધી છે. હુમલો થતાં જ આ સિસ્ટમ સક્રિય થઈ ગઈ હતી.
સરકાર દ્વારા જારી કરાયેલા એક નિવેદનમાં કહેવામાં આવ્યું છે કે બુધવારે ઓપરેશન સિંદૂર પર બ્રીફિંગ દરમિયાન, ભારતે સ્પષ્ટ કર્યું હતું કે અમારો પ્રતિભાવ સંતુલિત હતો અને તેનો હેતુ સંઘર્ષ વધારવાનો નહોતો. બ્રીફિંગમાં સ્પષ્ટ કરવામાં આવ્યું હતું કે અમે પાકિસ્તાનના લશ્કરી મથકોને નિશાન બનાવ્યા નથી. તેથી જો ભારતીય લશ્કરી થાણાઓ પર કોઈ હુમલો કરવામાં આવશે તો તેનો યોગ્ય જવાબ આપવામાં આવશે.
ભારતના 15 શહેરોને નિશાન બનાવવાનો પાકિસ્તાનનો પ્રયાસ નિષ્ફળ ગયો
નિવેદન અનુસાર 7 અને 8 મેની રાત્રે, પાકિસ્તાને ઉત્તર અને પશ્ચિમ ભારતના ઘણા વિસ્તારોને નિશાન બનાવ્યા. જેમાં અવંતીપુરા, શ્રીનગર, જમ્મુ, પઠાણકોટ, અમૃતસર, કપૂરથલા, જલંધર, લુધિયાણા, આદમપુર, ભટિંડા, ચંદીગઢ, નાલ, ફલોદી અને ભુજનો સમાવેશ થાય છે. પાકિસ્તાને ડ્રોન અને મિસાઇલો દ્વારા આ સ્થળોને નિશાન બનાવ્યા. જોકે ભારતે કાઉન્ટર યુએએસ અને હવાઈ સંરક્ષણ પ્રણાલીઓની મદદથી આ હુમલાઓને નિષ્ફળ બનાવ્યા. હુમલાઓને નિષ્ક્રિય કર્યા પછી કાટમાળ મળી આવ્યો હતો.
નિવેદન અનુસાર દેશના સશસ્ત્ર દળોએ ગુરુવારે સવારે તેમની જવાબી કાર્યવાહીમાં અનેક પાકિસ્તાની સ્થળોને નિશાન બનાવ્યા. જે રીતે પાકિસ્તાન હુમલો કરી રહ્યું છે ભારતનો જવાબ પણ એ જ છે. વિશ્વસનીય માહિતી અનુસાર એવું બહાર આવ્યું છે કે લાહોરમાં પાકિસ્તાનની હવાઈ સંરક્ષણ પ્રણાલીને નિષ્ક્રિય કરવામાં આવી છે.
પાકિસ્તાને ગોળીબાર બંધ કરવો પડ્યો
પાકિસ્તાન નિયંત્રણ રેખા પર સ્થિત જમ્મુ-કાશ્મીરના કુપવાડા, બારામુલ્લા, ઉરી, પૂંછ, મેંધાર અને રાજૌરી સેક્ટરમાં મોર્ટાર શેલ ફાયર કરી રહ્યું છે જેમાં 16 નાગરિકોએ જીવ ગુમાવ્યા છે. જેમાં ત્રણ મહિલાઓ અને પાંચ બાળકોનો સમાવેશ થાય છે. અહીં પણ ભારતે પાકિસ્તાનને યોગ્ય જવાબ આપવો પડ્યો, જેના પછી પાકિસ્તાને ગોળીબાર બંધ કરવો પડ્યો.
