મુંબઈ: શાહરૂખ ખાનને (ShahRukh Khan) ડોનના (Don) અવતારમાં જોઈને ચાહકો એટલા પ્રભાવિત થયા કે 2011માં આવેલી ‘ડોન 2’થી તેઓ સતત ‘ડોન 3’ની રાહ જોઈ રહ્યા છે. ફિલ્મને લઈને માહોલ એવો છે કે જો શાહરૂખ આજે અચાનક ‘ડોન 3’ની જાહેરાત કરે તો ઈન્ટરનેટ પર હલચલ મચી જશે. છેલ્લાં કેટલાંક સમયથી ફેન્સના આ ફેવરિટ પ્રોજેક્ટ વિશે સતત સમાચાર આવી રહ્યા છે. ક્યારેક એવું કહેવામાં આવે છે કે સ્ક્રિપ્ટ પર કામ કરવામાં આવી રહ્યું છે, તો ક્યારેક એવું કહેવાય છે કે આ ફ્રેન્ચાઇઝીને હજી આગળ લઈ જવામાં આવી કગી નથી. હવે જે લેટેસ્ટ રિપોર્ટ આવ્યો છે, તે કહે છે કે ફરહાને તાજેતરમાં જ શાહરૂખને એક સ્ક્રિપ્ટ સંભળાવી છે. આ સ્ક્રિપ્ટમાં એવા બે મહાન એંગલ છે, જેને સાંભળીને જ ચાહકોની ઉત્તેજનાનો પારો ખૂબ જ ઊંચો થઈ જશે. પરંતુ શાહરૂખ આ વાત સાથે સંપૂર્ણપણે સહમત ન હતો, તેથી ફરહાને સ્ક્રીપ્ટ પર વધુ સમય આપવાનું નક્કી કર્યું છે. ફરહાને સ્ક્રિપ્ટમાં જે વિચાર મૂક્યો હતો તે મુજબ ‘ડોન 3’ પોતાનામાં ડોન યુનિવર્સ બનાવવા જઈ રહી હતી.
શાહરૂખ સાથે ઓરિજિનલ ડોન પડદા પર ઓરિજિનલ ડોન છે, બોલિવૂડના શહેનશાહ કહેવાતા અમિતાભ બચ્ચન તો બધા જાણે છે. તેમના ડબલ રોલ વાળી ‘ડોન’ 1978માં રિલીઝ થઈ હતી. શાહરૂખ ખાનની પહેલી ‘ડોન’ તે ફિલ્મની રિમેક હતી પણ નવા ટચ સાથે. એક અહેવાલમાં જણાવવામાં આવ્યું છે કે ફરહાન અખ્તરે શાહરૂખને જે સ્ક્રિપ્ટ સંભળાવી હતી તેમાં તેણે અમિતાભ બચ્ચન માટે પણ ખૂબ જ મહત્વપૂર્ણ ભૂમિકા લખી હતી. જો કે એ સ્પષ્ટ નથી કે બચ્ચન સાહેબ ફિલ્મ ‘ડોન’માં તેમનું પાત્ર ભજવશે કે તેમના માટે નવો રોલ લખવામાં આવ્યો છે.
જો તમે શાહરૂખ અને બચ્ચન સાહેબ સાથે રણવીર સિંહના કેમિયોને લઈને ઉત્સાહિત થઈ રહ્યા છો , તો રોકાઈ જાવ, કારણ કે વાર્તામાં વધુ મસાલો છે. ફરહાને તેની સ્ક્રિપ્ટમાં રણવીર સિંહ માટે એક કેમિયો પણ લખ્યો હતો. જો કે તે ખૂબ જ મહત્વપૂર્ણ પાત્ર હશે. કારણ કે રણવીર નવા ડોનના રોલમાં જોવા મળશે. અહેવાલો સૂચવે છે કે ફરહાન ‘ડોન 3’ માં રણવીરના પાત્રને એક નવો ડોન બનાવી આ ફિલ્મનું યુનિવર્સ બનાવવાની તૈયારી કરી રહ્યો છે.
શાહરૂખના ઇનકારનું આ છે કારણ
શાહરુખ, અમિતાભ અને રણવીરનું એકસાથે આવવું એ પોતે જ એક મોટા પડદાની ક્ષણ હશે. પરંતુ રિપોર્ટમાં જણાવવામાં આવ્યું છે કે શાહરુખને ફરહાનની આ સ્ક્રિપ્ટ બહુ પસંદ નથી આવી અને તે બહુ ખુશ પણ નથી. તેથી હવે ફરહાન કામ પર પાછો ફર્યો છે અને ફરીથી વાર્તા લખી રહ્યો છે. ફરહાન ‘ડોન 3’ની સ્ક્રિપ્ટ ક્યારે લૉક કરે છે અને તેની સત્તાવાર જાહેરાત બહાર આવે છે તેની ચાહકો ચોક્કસપણે રાહ જોતા હશે.
