મોસ્કો : રશિયામાં પૃથ્વી પર ભગવાન કહેવાતા ડોકટરોએ ( DOCTORS) કામ પ્રત્યેનો એટલો ઉત્કટ ઉદાહરણ બતાવ્યુ કે જેનું આખું વિશ્વ વખાણ કરી રહ્યું છે. હકીકતમાં રાજધાની મોસ્કોના પૂર્વ દિશામાં સ્થિત બ્લેગોવેશેચેન્ક શહેરની એક હોસ્પિટલના ઉપરના માળે અચાનક આગ ફાટી નીકળી હતી. તે દરમિયાન, ડોકટરોની ટીમે દર્દીની ઓપન હાર્ટ સર્જરી ( OPEN HEART SURGERY ) કરાવી હતી. આગ હોવા છતાં, ડોકટરોએ સુરક્ષિત રીતે બહાર જવાના સ્થાને ઓપરેશન પૂર્ણ કર્યું હતું , કારણ કે જો તે સમયે દર્દીને છોડી દેવામાં આવ્યો હોત અથવા અન્યત્ર સ્થળાંતર કરવાનો પ્રયાસ કરવામાં આવ્યો હોત તો તેનું મોત નીપજ્યું હોત.
રશિયાના ઇમરજન્સી મંત્રાલયે કહ્યું કે આઠ ડોકટરો અને નર્સોની ટીમે દર્દીને સલામત સ્થળે ખસેડવા માટે મહેનતનાં પ્રથમ બે કલાકમાં ઓપરેશન પૂર્ણ કર્યું. ડોકટરો પાસે સંપૂર્ણ તક હતી કે તેઓ દર્દીને ત્યાં પોતાનો જીવ બચાવવા માટે છોડી શકે, પરંતુ તેઓએ માનવતાનું એક ઉદાહરણ બેસાડ્યું, દર્દીનો જીવ જ નહીં બચાવ્યો, પણ ઓપરેશન સફળતાપૂર્વક પૂર્ણ કર્યું.
બે કલાક બાદ આગ પર કાબૂ
ફાયર ફાઇટરો દ્વારા બે કલાકની મહેનત બાદ હોસ્પિટલના ઉપરના માળે ભીષણ આગને કાબુમાં લેવામાં આવી હતી. એક વીડિયો જે વાયરલ થઈ રહ્યો છે તેમાં આગ સ્પષ્ટ રીતે હોસ્પિટલના ઉપરના માળેથી બહાર નીકળતી જોવા મળી રહી છે. પ્રથમ દૃષ્ટિએ, કોઈ પણ આ આગને જોઈને ડરી જાય , પરંતુ અગ્નિશામકોએ બહાદુરીથી આ આગને હોસ્પિટલના અન્ય વિસ્તારોમાં ફેલાવવાથી અટકાવી દીધી હતી.
ડોક્ટરોએ કહ્યું – દર્દીને છોડી શકતા નોહતા
દર્દીનું ઓપરેશન કરનાર સર્જન વેલેન્ટિન ફિલાટોવે એક ટીવીને કહ્યું હતું કે અમે બીજું કઈ કરી સકતા નોહતા , અમારે કોઈ પણ કિંમતે દર્દીનો જીવ બચાવવો પડ્યો. અમે અમારી પૂર્ણ સંભાવના માટે બધું જ કર્યું. તેમણે કહ્યું કે આ હાર્ટ ઓપરેશન છે, માટે દર્દીને છોડી શકાતો નથી. રશિયન ઇમરજન્સી મંત્રાલયે અહેવાલ આપ્યો છે કે છત પર આગ લાગવાના કારણે 128 લોકોને તાત્કાલિક હોસ્પિટલમાંથી બહાર કાઢવામાં આવ્યા હતા.
100 વર્ષ પહેલાં બનાવવામાં આવી હતી હોસ્પિટલ
આ હોસ્પિટલ 100 વર્ષ પહેલાં 1907 માં બનાવવામાં આવી હતી. આગ તરત જ લાકડાની બનેલી છતને ચપેટમાં લઈ લીધી હતી . જો કે, આ સમયગાળા દરમિયાન કોઈને ઇજા પહોંચી નથી. આગની જાણ થતાં ફાયરમેન તુરંત પહોંચ્યા હતા અને પોતાનું કામ શરૂ કરી દીધું હતું. સ્થાનિક પ્રાદેશિક રાજ્યપાલ વસિલી ઓર્લોવે પણ ફાયર વિભાગ અને ડોકટરોની પ્રશંસા કરી છે.
