નવી દિલ્હી: હવે પહેલીવાર ભારતીય (India) સ્વતંત્રતા ચળવળના (Freedom Fighter) નેતા મહાત્મા ગાંધીના (Mahatma Gandhi) જીવન અને વારસાને પ્રથમ વખત બ્રિટિશ (British) દ્વારા જારી કરાયેલા સિક્કા (Coins) દ્વારા યાદ કરવામાં આવશે. યુકેના (UK) ટ્રેઝરી ચીફ ઋષિ સુનકે ગુરુવારે આ અંગે વિધિવત જાહેરાત કરી હતી. આ નવા ગોળ સિક્કા પર ભારતનું રાષ્ટ્રીય ફૂલ કમળ અને મહાત્મા ગાંધીનું ચિત્ર છપાયેલું છે. તેમાં એક પ્રેરણાત્મક સંદેશ ‘મારું જીવન જ મારો સંદેશ’ પણ છે.
આ 5 પાઉન્ડનો સિક્કો સોના અને ચાંદીમાં બનાવવામાં આવશે અને તેને લીગલ ટેન્ડરનો દરજ્જો પણ મળશે
દિવાળીના આ ખાસ અવસર પર અંગ્રેજોએ આ સિક્કાની જાહેરાત કરી છે. આ પહેલીવાર છે જ્યારે ભારતીય સ્વતંત્રતા માટેના અહિંસક વિરોધ માટે જાણીતા મહાત્મા ગાંધીને યુકેના સત્તાવાર સિક્કા પર યાદ કરવામાં આવશે. આ અંગે માહિતી આપતા યુકે ટ્રેઝરી ચીફ ઋષિ સુનકે એક સત્તાવાર નિવેદનમાં જણાવ્યું હતું કે, ‘એક હિંદુ તરીકે, મને દિવાળી દરમિયાન આ સિક્કાનું અનાવરણ કરવામાં ગર્વ છે. મહાત્મા ગાંધીએ ભારતની આઝાદીની ચળવળમાં મહત્વની ભૂમિકા ભજવી હતી અને તેમના અદ્ભુત જીવનની યાદમાં પ્રથમ વખત યુકેનો સિક્કો રાખવો મહત્વપૂર્ણ છે.
આ 5 પાઉન્ડનો સિક્કો સોના અને ચાંદીમાં બનાવવામાં આવશે અને તેને લીગલ ટેન્ડરનો દરજ્જો પણ મળશે. જો કે, તેને સામાન્ય વ્યવહારમાં લાવવામાં આવશે નહીં. દિવાળીના આ ખાસ અવસર પર ગુરુવારથી તેનું વેચાણ શરૂ થશે.
