મુઝફ્ફરનગર (Muzaffarpur): કૃષિ કાયદા (Farm Bill 2020) સંદર્ભે છેલ્લા 85 દિવસથી ગાઝીપુર સરહદે ખેડૂત વિરોધ પ્રદર્શનને (Farmers’ Protest) વધુ મજબુત બનાવવા માટે, પશ્ચિમ ઉત્તર પ્રદેશના મુઝફ્ફરનગર જિલ્લા તરીકે ઓળખાતા સિસોઉલી શહેરમાં બુધવારે માસિક પંચાયતનું આયોજન કરવામાં આવ્યું હતું. આ પંચાયતમાં ખાપ ચૌધરીઓ સાથે જિલ્લાના અનેક ગામોમાંથી ખેડુતો પહોંચ્યા હતા. આમાં પંજાબના મોટા ખેડૂત નેતા બલબીરસિંહ રાજજેવાલ અને ભકિયુના (Bharatiya Kisan Union) પ્રદેશ પ્રમુખ રાજબીર જાદૂન પણ હાજર રહ્યા હતા.
પંચાયતમાં સ્ટેજ પરથી બોલતા ભકિયુના ચૌધરી નરેશ ટિકૈતે (Naresh Tikait) ખુલ્લેઆમ કેન્દ્ર સરકાર પર નિશાન સાધ્યું હતું. નરેશ ટીકૈતે કહ્યું હતું કે, ‘જો તામારા ત્યાં લગ્ન હોય તો ભાજપના પ્રતિનિધિઓને આમંત્રણ આપશો નહીં. આ આદેશ છે. હવેથી આપણામાંથી જો કોઈ વ્યક્તિ લગ્નમાં ભાજપના નેતા કે કાર્યકરને આમંત્રણ આપશે અને જો તે કાર્યકર કે નેતા આ આમંત્રણ પર લગ્નમાં પહોંચે છે, તો આમંત્રણ આપનાર વ્યક્તિને 100 લોકોને ખાસ ભોજન આપવાની સજા કરવામાં આવશે.’.
નરેશ ટીકૈતે આગળ કહ્યું કે, ખેડૂત આંદોલનને કારણે ભાજપમાં (BJP) ભારે ગભરાટ ફેલાયો છે. જો આમાં થોડી શરૂઆત થાય તો 100 સાંસદો મળીને ભાજપને તોડશે. નરેશ ટિકૈતે મુઝફ્ફરનગર કહ્યુ કે બલિદાન કરવાની પણ તૈયારી રાખજો કારણ બલિદાન આપવા માટે પણ સમય આવશે. બાદમાં ચૌધરી નરેશ ટિકૈતે ગૃહ પ્રધાન અમિત શાહ પર પણ કટાક્ષ કરતાં કહ્યું કે, ‘બંગાળમાં મોટી જાહેર સભાઓ પર ભાર મૂકીને અમિત શાહ જય શ્રી રામના નારા લગાવ્યા. તેમને ખબર નથી હોતી કે અમે રામચંદ્ર જીના અસલ વંશજ છીએ.‘.
જણાવી દઇએ કે હવે ખેડૂત સંગઠનોએ પોતાના આંદોલનને નવુ સ્વરૂપ આપવાનો નિર્ણય લીધો છે. હવે રાકેશ ટિકૈતની આગેવાની હેઠળ ખેડૂત સંગઠનોએ કૃષિ કાયદા વિરોધી આંદોલનને દેશના દરેક ખૂણે પહોંચાડવા નક્કી કર્યુ છે, જેમાં તેઓ દેશના ખૂણે ખૂણે જઇને પંચાયતો કરશે. આ નિર્ણયના ભાગરૂપે હવે ખેડૂતો દિલ્હી સરહદો પરથી પોતાન વતન પાછા ફરી રહ્યા છે. અને ગઇકાલે ખેડૂતોએ 12-4 વાગ્યા સુધી દેશના જુદા જુદા રાજ્યોમાં ‘રેલ રોકો’ આંદોલન કર્યુ હતુ.
ગાઝીપુર પ્રોટેસ્ટ કમિટીના પ્રવક્તા જગત્તરસિંહ બાજવાએ જણાવ્યું હતું કે “ખેડૂત નેતાઓ તેમની વ્યૂહરચના બદલી રહ્યા છે, જેથી વિરોધ દરેક ગામમાં દરેક ઘરો સુધી પહોંચી શકે. અમે મહાપાંચાયતો જુદા જુદા સ્થળોએ રાખી રહ્યા છીએ. હવે વિરોધ ફક્ત સરહદ પૂરતો સિમીત રહેશે નહીં. શોર્ટ નોટિસ પર પણ ખેડુતો હંમેશા સરહદો પર પહોંચવા માટે ઉપલબ્ધ હોય છે. ગાઝીપુર બોર્ડર પર જ્યારે પણ અમને મોટી સંખ્યામાં લોકો ભેગા કરવાની જરૂર હોય. એક દિવસમાં 1 લાખ લોકો આવી શકે છે.”.
