JioPhone Next નું વેચાણ ભારતમાં 10 સપ્ટેમ્બરથી શરૂ થવા જઈ રહ્યું છે અને એવું લાગે છે કે કંપની આ માટે ભારે તૈયારીમાં છે. આ ફોન રિલાયન્સ (Reliance)ની AGM દરમિયાન જૂનમાં રજૂ કરવામાં આવ્યો હતો. એવી અપેક્ષા છે કે ટૂંક સમયમાં તેનું પ્રી-બુકિંગ (pre booking) પણ શરૂ થઈ શકે છે.
હાલમાં, જિયોફોન નેક્સ્ટની કિંમત અને સેલ સ્ટ્રક્ચર (sell structure) વિષે કેટલીક માહિતી મળી છે. આ 4G ફોન ગૂગલ સાથે ભાગીદારી (partnership with google)માં બનાવવામાં આવ્યો છે. એક રિપોર્ટ અનુસાર, Jio એ આગામી 6 મહિનામાં JioPhone Next ના 50 મિલિયન યુનિટ્સ વેચવાનો લક્ષ્યાંક (target) નક્કી કર્યો છે. જાણવા મળ્યું છે કે ટેલિકોમ કંપનીએ આ માટે સ્ટેટ બેંક ઓફ ઇન્ડિયા (SBI), પિરામલ કેપિટલ, IDFC ફર્સ્ટ એશ્યોર અને DMI ફાઇનાન્સ સાથે ભાગીદારી કરી છે. આમાંથી જિયો 10,000 કરોડ રૂપિયાના બિઝનેસની અપેક્ષા રાખે છે.
જૂનમાં રિલાયન્સ એજીએમ મુજબ, કંપનીએ દાવો કર્યો હતો કે જિયોફોન નેક્સ્ટ માત્ર ભારતમાં જ નહીં પરંતુ સમગ્ર વિશ્વમાં સૌથી સસ્તો 4G સ્માર્ટફોન હશે. હવે રિપોર્ટ દ્વારા જાણવા મળ્યું છે કે તેના બે મોડલ આવશે. એક બેઝિક મોડલ અને બીજું એડવાન્સ હશે. રિપોર્ટ અનુસાર, JioPhone Next Basic ની કિંમત 5,000 રૂપિયાની આસપાસ રાખવામાં આવશે. તે જ સમયે, જિયોફોન નેક્સ્ટ એડવાન્સનું વેચાણ લગભગ 7,000 રૂપિયામાં કરવામાં આવશે. ત્યારે સામાન્ય માણસના બજતમાં આ ફોન ખરીદી માટે મૂકી શકાશે.
ઉપરાંત, JioPhone Next નું વેચાણ એક સ્કીમ હેઠળ કરવામાં આવશે જેથી લોકોને એક સાથે ફોનની કિંમત ન ભોગવવી પડે. ફોન ખરીદતી વખતે, ગ્રાહકોએ એક સાથે સંપૂર્ણ પૈસા ચૂકવવા પડશે નહીં. જો ગ્રાહકો ઇચ્છે તો, ફોન ખરીદતી વખતે, તેઓ ઉપકરણની કિંમતના માત્ર 10 ટકા ચૂકવી શકે છે અને બાકીની રકમ ઉપર જણાવેલી બેન્કો અને ફાઇનાન્સ કંપનીઓને EMI મારફતે આપી શકાય છે. આવી સ્થિતિમાં, ગ્રાહકો માત્ર 500 રૂપિયામાં JioPhone Next Basic અને JioPhone નેક્સ્ટ એડવાન્સ માત્ર 700 રૂપિયા ચૂકવીને ખરીદી શકશે.
ગ્રાહકો બાકીના નાણાં સરળ EMI વિકલ્પો દ્વારા ચૂકવી શકશે. રિપોર્ટ અનુસાર, ઉપર જણાવેલ બેન્કો સિવાય, રિલાયન્સ જિયોએ ચાર નોન-બેન્કિંગ ફાઇનાન્સ કંપનીઓ (NBFCs) સાથે રૂ. 2,500 કરોડના ક્રેડિટ સપોર્ટ સોદા પણ કર્યા છે.
