ગુજરાત જીએસટી વિભાગ કરચોરી શોધવાની અને બોગસ બિલિંગના કેસોમાં કડક હાથે કામગીરી કરી રહ્યું છે. જીએસટી વિભાગ ત્રણ હજાર કરચોરોને શોધી રહી છે જેમણે બોગસ આઈટીસી ક્રેડિટ મેળવી સરકારની તિજોરીને કરોડોનો ચૂનો ચોપડયો છે. જીએસટી વિભાગ હવે ગુપ્તચર એજન્સીની જેમ આ કરચોરોને શોધી દંડ અને પેનલ્ટીની રકમ વસૂલ કરશે.
છેલ્લા કેટલાંક સમયથી વિભાગ દ્વારા આવી કામગીરી અંગે મોટાપાયે ઝુંબેશ હાથ ધરવામાં આવી છે અને તેના પરિણામ સ્વરૂપે વિભાગે કરચોરી અને બોગસ બિલિંગના ઘણા મોટા પ્રમાણમાં કેસો શોધી કાઢવામાં આવ્યા છે. હવે વિભાગ દ્વારા આવા પ્રકારના કેસો શોધી કાઢવા માટે GSTN દ્વારા વિકસાવેલ જીએસટી એનાલિટીક્સ અને ઇન્ટેલીજન્સ નેટવર્ક (GAIN) ટૂલનો ઉપયોગ શરૂ કર્યો છે. જે આર્ટિફિશિયલ ઈંટેલિજન્સનો ઉપયોગ કરી ખોટી વેરાશાખ લેતા અને કરચોરી કરતાં કરદાતાઓ શોધી કાઢે છે.
આ ટૂલ ખરીદ વેચાણના વ્યવહારોની સમગ્ર ચેઇનનો ગ્રાફિકલ આઉટપુટ આપે છે તેમજ બોગસ બિલિંગના કેસો શોધવામાં મદદરૂપ થાય છે.આ ઉપરાંત એનઆઇસી દ્વારા ઇ વે બિલ પોર્ટલ અને FASTAG ના ડેટાનું એકિકરણ કરી તેના આધારે REAL TIME ડેટા ના વિવિધ રિપોર્ટ્સની ફેસિલિટી શરૂ કરી છે. તેથી કરપાત્ર માલનું વાહન કરતાં વાહનોનું રિયલ ટીમ ટ્રેકિંગ સંભવ બન્યું છે.
ગુજરાત જીએસટી વિભાગે આ સિસ્ટમ અને અન્ય ટૂલનો ઉપયોગ કરી કરચોરીની સંભાવનાવાળા વાહનો શોધી કાઢવા અને આવા વાહનો મોબાઇલ સ્કવોર્ડની મદદથી પકડી પાડવા 24*7 કંટ્રોલ રૂમ શરૂ કર્યુ છે. આ કંટ્રોલ રૂમ શરૂ કરવાથી કરચોરીના કેસો શોધી કાઢવામાં વિભાગને સારા પરિણામો મળ્યા છે. વધુમાં વિભાગ દ્વારા BI-Tool વિકસિત કરવામાં આવી છે. જેમાં વિવિધ પ્રકારના ડેટાનો એનાલિસિસ કરી કરચોરીના સંભવિત કેસો શોધી શકાશે
