અમદાવાદ,
પશ્ચિમ રેલવે દ્વારા વડોદરા સ્ટેશન પર હાથ ધરવામાં આવનાર યાર્ડ રિમોડેલિંગ અને નવી ઇલેક્ટ્રોનિક ઇન્ટરલોકિંગ કામગીરીને કારણે આ રૂટ પર દોડતી ઇન્ટરસિટી ટ્રેનોના શિડ્યુલમાં ફેરફાર કરવામાં આવ્યો છે. ટેકનિકલ કામગીરીના પગલે આગામી ૧૮ મે થી ૩૦ મે, ૨૦૨૬ સુધી અમદાવાદ-વડોદરા ઇન્ટરસિટી એક્સપ્રેસ બાજવા અને વડોદરા સ્ટેશન વચ્ચે આંશિક રીતે રદ રહેશે.
રેલવે પ્રશાસનના સત્તાવાર સુત્રોના જણાવ્યા પ્રમાણે ટ્રેનોની અવરજવરમાં ફેરફાર રહેશે. જેમાં ટ્રેન નંબર ૧૯૦૩૬ (અમદાવાદ-વડોદરા ઇન્ટરસિટી એક્સપ્રેસ) આ ટ્રેન ૧૮ મે થી ૩૦ મે, ૨૦૨૬ સુધી અમદાવાદથી ઉપડીને વડોદરાના બદલે બાજવા સ્ટેશન પર જ શોર્ટ ટર્મિનેટ (યાત્રા પૂર્ણ) થશે. એટલે કે, આ ટ્રેન બાજવા અને વડોદરા વચ્ચે આંશિક રીતે રદ રહેશે.
ટ્રેન નંબર ૧૯૦૩૫ (વડોદરા-અમદાવાદ ઇન્ટરસિટી એક્સપ્રેસ) આ ટ્રેન ૧૮ મે થી ૩૦ મે, ૨૦૨૬ સુધી વડોદરાના બદલે બાજવા સ્ટેશનથી શોર્ટ ઓરિજિનેટ થઈને અમદાવાદ માટે ઉપડશે. આ દિવસો દરમિયાન ટ્રેન વડોદરા અને બાજવા વચ્ચે આંશિક રીતે રદ રહેશે.
