ઇરાન-ઇઝરાયલ-અમેરિકા વચ્ચેનો સંઘર્ષ આજે સાંજથી વધુ ગંભીર બન્યો છે. અલગ-અલગ દેશોમાં મિસાઈલ અને ડ્રોન હુમલાઓ, રાજનૈતિક નિવેદનો અને સુરક્ષા ચેતવણીઓ વચ્ચે મિડલ-ઈસ્ટમાં પરિસ્થિતિ અત્યંત તંગ છે. મિસાઈલ-ડ્રોન હુમલાઓ, રાજનૈતિક દબાણ અને સુરક્ષા ચેતવણીઓ વચ્ચે યુદ્ધનો વ્યાપ વધતો દેખાઈ રહ્યો છે. એનર્જી માર્કેટ અને વૈશ્વિક રાજકારણ પર તેની સીધી અસર જોવા મળી રહી છે. આ રહ્યા અત્યાર સુધીના મુખ્ય અપડેટ્સ.
UAE પર ભારે હુમલો
• ઇરાને અત્યાર સુધીમાં UAE પર 186 મિસાઈલ અને 812 ડ્રોન છોડ્યા.
• UAEના સંરક્ષણ મંત્રાલય અનુસાર 186માંથી 172 મિસાઈલ નાશ કરી દેવામાં આવી, 13 સમુદ્રમાં પડી અને 1 જમીન પર પડી.
• 812 ડ્રોનમાંથી 755ને એર ડિફેન્સ સિસ્ટમ દ્વારા તોડી પાડવામાં આવ્યા.
• તંત્રનું કહેવું છે કે સુરક્ષા વ્યવસ્થા સંપૂર્ણ સતર્ક છે.
બહેરીને 73 મિસાઈલ અને 91 ડ્રોન નાશ કર્યા
• બહેરીન સરકારે જણાવ્યું કે ઇરાન દ્વારા છોડાયેલી 73 મિસાઈલ અને 91 ડ્રોન સફળતાપૂર્વક અટકાવવામાં આવ્યા.
• સમયસર કાર્યવાહીથી મોટા નુકસાનથી બચી શકાયું.
બેરૂત પર ઇઝરાયલના હવાઈ હુમલા
• ઇઝરાયલે લેબનોનની રાજધાની બેરૂતના ઉપનગરોમાં હવાઈ હુમલા કર્યા.
• લક્ષ્ય હિઝબુલ્લાહના નેતાઓ હતા એવી માહિતી સામે આવી.
• હુમલાઓ પૂર્વ ચેતવણી વગર થયા હોવાથી ઇમારતોને નુકસાન પહોંચ્યું.
ઈરાનમાં 158 વિદ્યાર્થિનીઓના અંતિમ સંસ્કાર
• અમેરિકા અને ઇઝરાયલના હુમલામાં માર્યા ગયેલી 158 સ્કૂલ વિદ્યાર્થિનીઓના અંતિમ સંસ્કાર કરવામાં આવ્યા.
• દેશભરમાં શોક અને રોષનો માહોલ.
પુતિનની રાજનૈતિક પહેલ
• રશિયન રાષ્ટ્રપતિ Vladimir Putin ઇરાન સાથે સીધી વાતચીત કરશે.
• તેમણે સાઉદી અરેબિયાના ક્રાઉન પ્રિન્સ Mohammed bin Salman અને કતરના અમીર Tamim bin Hamad Al Thani સાથે ચર્ચા કરી.
• ક્રેમલિનના પ્રવક્તા દિમિત્રી પેસ્કોવે કહ્યું કે તણાવ ઘટાડવા તમામ રાજદ્વારી પ્રયાસો થશે.
• સાઉદી રિફાઇનરી, UAEનું ફુજૈરાહ એનર્જી સેન્ટર અને કતારની રસ લાફાન LNG સુવિધા પર હુમલાની અસર ગ્લોબલ એનર્જી માર્કેટ પર પડી છે.
સાઉદીના ધહરાનમાં હુમલાનો ખતરો
• ધહરાનમાં મિસાઈલ અને ડ્રોન હુમલાની ભીતિ વચ્ચે અમેરિકન દૂતાવાસે કડક ચેતવણી આપી.
• નાગરિકોને તાત્કાલિક આશ્રય લેવા અને બહાર ન નીકળવા સૂચના.
• દૂતાવાસ કર્મચારીઓ પણ આશ્રયમાં રહ્યા.
જોર્ડને એરસ્પેસ ફરી ખોલી
• જોર્ડનની સિવિલ એવિએશન રેગ્યુલેટરી કમિશને એરસ્પેસ ફરી શરૂ કરવાની જાહેરાત કરી.
• સોમવાર રાતથી લાગુ પ્રતિબંધ હટાવ્યો.
અમેરિકાનો આરોપ – ઈરાન આડેધડ મિસાઈલ છોડે છે
• અમેરિકા મુજબ ઈરાન મોબાઈલ લોન્ચર્સથી અલગ-અલગ જગ્યાએથી મિસાઈલ છોડે છે.
• અમેરિકી સેનાએ જણાવ્યું કે આવા લોન્ચર્સને શોધીને તરત જ નિષ્ક્રિય કરવામાં આવે છે.
• સેનાએ કાર્યવાહીની વીડિયો પણ જાહેર કર્યો.
ટ્રમ્પનું UK પર નિવેદન
• અમેરિકી રાષ્ટ્રપતિ Donald Trumpએ કહ્યું કે બ્રિટિશ પીએમ Keir Starmer બહુ મદદગાર નથી.
• તેમણે આરોપ લગાવ્યો કે બ્રિટિશ એરબેઝ ઉપયોગ માટે વિલંબ થયો.
• સ્ટાર્મરે સંસદમાં સ્પષ્ટ કર્યું કે તેમની સરકાર ઇરાન પરના હુમલામાં સામેલ નહીં થાય.
ઈરાનની ચેતવણી
• યુએનમાં ઈરાનના રાજદૂત અલી બહેરેનીએ ચેતવણી આપી કે જો કોઈ પડોશી દેશના બેઝ પરથી હુમલો થશે તો તેને નિશાન બનાવવામાં આવશે.
• ઇરાન પોતાની રક્ષા ચાલુ રાખશે જ્યાં સુધી આક્રમક કાર્યવાહી બંધ નહીં થાય.
