અમેરિકા-ઇઝરાયલ અને ઈરાન વચ્ચેનો યુદ્ધ આજે ચોથા દિવસે પ્રવેશ્યો છે અને સંઘર્ષ વધુ ઘાતક બન્યો છે. અમેરિકાના રાષ્ટ્રપતિ Donald Trumpએ જણાવ્યું કે ઈરાન હવે વાતચીત કરવા માંગે છે, પરંતુ તેમના મતે હવે ઘણું મોડું થઈ ગયું છે. સોશિયલ મીડિયા પર પોસ્ટ કરીને તેમણે દાવો કર્યો કે ઈરાનની ડિફેન્સ સિસ્ટમ, લીડરશિપ, એર ફોર્સ અને નેવી લગભગ તબાહ થઈ ચૂકી છે. ટ્રમ્પે કહ્યું કે ઈરાનનું એર ડિફેન્સ નેટવર્ક લગભગ નિષ્ક્રિય બની ગયું છે અને તેની સૈન્ય શક્તિ પર ભારે અસર પડી છે. જોકે, થોડા દિવસો પહેલા જ તેમણે કહ્યું હતું કે તેઓ ઈરાનના નેતાઓ સાથે વાતચીત કરવા તૈયાર છે. અહેવાલો મુજબ, અમેરિકા અને ઇઝરાયલે અત્યાર સુધી ઈરાનના 1000થી વધુ ઠેકાણાઓ પર હુમલા કર્યા છે. શરૂઆતના માત્ર 30 કલાકમાં 2000થી વધુ બોમ્બ ફેંકવામાં આવ્યા હતા. ઈરાનમાં અત્યાર સુધી 742 લોકોના મોત થયા હોવાનું જણાવાયું છે, જેમાં 176 બાળકોનો સમાવેશ થાય છે. 750થી વધુ લોકો ઘાયલ થયા છે.
સંઘર્ષ વચ્ચે રશિયાના રાષ્ટ્રપતિ Vladimir Putin તણાવ ઘટાડવા માટે રાજનૈતિક પ્રયાસોમાં જોડાયા છે. તેમણે સાઉદી અરેબિયાના ક્રાઉન પ્રિન્સ Mohammed bin Salman અને કતરના અમીર Tamim bin Hamad Al Thani સાથે ફોન પર ચર્ચા કરી છે. બંને નેતાઓએ મિડલ-ઈસ્ટમાં વધતા સંઘર્ષના ગંભીર પરિણામો અંગે ચિંતા વ્યક્ત કરી છે. યુદ્ધ હજુ ચાલુ છે અને પરિસ્થિતિ અતિ સંવેદનશીલ બની છે. વિશ્વ સમુદાય તણાવ ઓછો કરવા માટે કૂટનીતિક પ્રયાસો વધારી રહ્યો છે, પરંતુ મેદાનમાં લડાઈ અટકવાના કોઈ સ્પષ્ટ સંકેતો હજુ સુધી મળ્યા નથી.
ચાર દિવસમાં ભારે જાનહાનિ
યુદ્ધ દરમિયાન ઈરાનને ભારે નુકસાન થયું હોવાનું જણાવાયું છે.
• 4 દિવસમાં કુલ 787 લોકોના મોત થયા.
• 153 શહેરોને નિશાન બનાવવામાં આવ્યા.
• 504 સ્થળોએ કુલ 1,039 હુમલા નોંધાયા
