ભરૂચ: જંબુસર-આમોદ રોડ પર સોમવારે મધરાત્રે ઈકો કાર અને ટ્રક વચ્ચે ગમખ્વાર અકસ્માત સર્જાતા 6 જણાનાં ઘટનાસ્થળે અને વધુ 1 મહિલાનું સારવાર દરમિયાન મળીને કુલ 7 ના કરુણ મોત નીપજ્યા હતા. મોતને ભેટેલા લોકોમાં ત્રણ મહિલા, બે બાળકો અને બે પુરુષ સામેલ છે. અન્ય 4 લોકોને ગંભીર ઈજા થતાં સારવાર માટે જબુંસરની રેફરલ હોસ્પિટલમાં ખસેડવામાં આવ્યા છે.
- જંબુસર-આમોદ રોડ પર ગોઝારા અકસ્માતમાં ઇકો કારમાં બેઠેલા 7નાં કરૂણ મોત
- ઈકો અને ટ્રક વચ્ચે ગમખ્વાર અકસ્માત
- ત્રણ મહિલા, બે બાળકો અને બે પુરુષે દમ તોડ્યો
ભરૂચ જિલ્લાના જબુંસર તાલુકાના વેડચ અને પાંચકડા ગામના સગા સંબંધીઓ સાથે ઇકો કાર લઈને ભરૂચ શુકલતીર્થ ખાતે ચાલી રહેલો મેળો મહાલવા જતા હતા એ વેળા મંગણાદ નજીક હાઈવે પર ઉભેલી ટ્રક સાથે પાછળ ધડાકા ભેર અથડાતાં ગમખ્વાર અકસ્માત સર્જાયો હતો. અકસ્માતના ઇકોમાં બેઠેલા લોકોની ચીસોથી આસપાસના લોકો દોડી આવ્યા હતા. અકસ્માત એટલો ભયાનક હતો કે કારમાં સવાર 10 લોકોમાંથી 6 લોકોના ઘટનાસ્થળે મોત નિપજ્યા હતા જ્યારે અન્ય એક મહિલાનું સારવાર દરમિયાન મોત નિપજ્યુ હતુ. ઘટના વખતે ઈજાગ્રસ્તોને તાત્કાલિક બહાર કાઢીને 108 એમ્બ્યુલન્સ મારફતે જબુંસર રેફરલ હોસ્પિટલમાં સારવાર હેઠળ ખસેડવામાં આવ્યા હતા. અકસ્માતની જાણ થતાં જ જબુંસર પીઆઈ એ.વી.પાનમિયા તેમના સ્ટાફ સાથે સ્થળ પર પહોંચી રાહત કામગીરી હાથ ધરી હતી જ્યારે ઘટનાની.જાણ થતાં જબુંસર રેફરલ હોસ્પિટલમાં લોકોના ટોળા ઉમટી પડ્યા હતા.
અકસ્માતમાં મૃતકો
1)જયદેવભાઈ ગોવિંદભાઈ ગોહિલ (ઉ.વ.23) રહે-પાંચકડા,તા-જંબુસર
2)સરસ્વતી ઉર્ફે સપનાબેન જયદેવભાઈ ગોહિલ (ઉ.વ.21) રહે-પાંચકડા,તા-જંબુસર
3)કીત્તીબેન રણછોડભાઈ (ઉ.વ.06) રહે-અલાદર,તા-વાગરા
4)વિવેકભાઈ ગણપતભાઈ ગોહિલ (ઉ.વ.16) રહે-ટંકારી,તા જંબુસર,
5)હંસાબેન અરવિંદભાઈ જળવ (ઉ.વ.35) રહે-વેડચ,તા-જંબુસર
6)સંધ્યાબેન અરવિંદભાઈ જળવ (ઉ.વ.11) રહે-વેડચ,તા-જંબુસર
7)મિતલબેન ગણપતભાઈ રમેશભાઈ ગોહિલ (ઉ.વ.40)રહે-ટંકારી,તા-જંબુસર
અકસ્માતમાં ઇજાગ્રસ્તો
1) ગણપતભાઈ રમેશભાઈ ગોહિલ (ઉ.વ.46)
2)નિધીબેન ગણપતભાઈ ગોહિલ (ઉ.વ.12) ત્રણેય રહે -ટંકારી,તા-જંબુસર
3) અરવિંદભાઈ રયજીભાઈ જાદવ (ઉ.વ.40) રહે-વેડચ,
