વડોદરા તારીખ 5
વડોદરા શહેરના ગાય સર્કલ પાસે ટર્નિંગ પર આગળ ચાલતી બસમા પોલીસની વાનને અકસ્માત સર્જાયો હતો. પોલીસ વાનના ચાલક દ્વારા બ્રેક નહિ વાગતા આગળ ચાલતી બસમાં ઘૂસી ગઈ હતી. જોકે તેમાં કોઈને જાનહાની પહોંચી નથી.
વડોદરા શહેરના ગાય સર્કલથી અકોટા બ્રિજ તરફ આવતા રોડ પર 4 ઓકટોબરના વડોદરા પોલીસની ગાડી પસાર થઈ રહી હતી. તે દરમિયાન આગળ ચાલી રહેલી ખાનગી બસ સાથે ધડાકાભેર અથડાઈ ગઈ હતી. જોકે અકસ્માતના કારણે ગાડીઓ રસ્તા પર ઉભી રહી ગઈ હતી. જેનો વિડિઓ સોશિયલ મીડિયા પર વાયરલ થયો છે. આ ઘટનામાં કોઈ જાનહાનિ થઈ ન હતી પરંતુ પોલીસની ગાડી તથા આગળ ચાલતી બસને સામાન્યતઃ નુકસાન પહોંચ્યું હોવાનું જાણવા મળી રહ્યું છે. અત્રે ઉલ્લેખનીય છે કે આગળ ચાલતી બસ એકાએક ધીરી પડી હતી. પરંતુ પોલીસ વાનના ચાલક દ્વારા બ્રેક નહી વાગતા આગળ ચાલતી બસમાં ઘૂસી ગઈ હતી અને અકસ્માત સર્જાયા હતા. જોકે એમાં કોઈ ફરિયાદ નોંધાવી હોય તેવુ સત્તાવાર રીતે જાણવા મળ્યું નથી.
