(પ્રતિનિધિ) વડોદરા તા. 22
શહેરના અમીતનગર પાસેથી ગત મહિને ચોરાયેલ મોટરસાયકલ ના ગુનાના રીઢા આરોપીને મુદામાલ સાથે હરણી પોલીસે ઝડપી પાડી કાર્યવાહી હાથ ધરી.
પ્રાપ્ત માહિતી પ્રમાણે, ગત તા. 19 સપ્ટેમ્બરના રોજ સંતોષ નરેન્દ્ર કાકા નામના મ.નં.09 પૂર્ણિમા સોસાયટી, સ્નેહલ પ્રિન્ટિંગ પ્રેસ પાસે ન્યૂ વીઆઈપી રોડ ખાતે રહે છે તેમની માલિકીની મોટરસાયકલ નં. જી.જે.06.ઇકે-0214 જેની આશરે કિંમત રૂ.12000 ગત તા. 19-04-2024 ના રોજ અમીતનગર ખાતે ચોરાયેલ જે અંગેની ફરિયાદ હરણી પોલીસ સ્ટેશનમાં નોંધાઇ હતી જે અંગેની પોલીસ દ્વારા સીસીટીવી ફૂટેજ તથા ટેકનિકલ અને હ્યુમન સોર્સિસ દ્વારા તપાસ કરતાં મળેલી બાતમીના આધારે શહેરના ગોલ્ડન ચોકડી પાસેથી ચોરાયેલી મોટરસાયકલ સાથે સામંતસિંહ જુવાનસિંહ રાઠોડ (રહે. રાઠોડ ફળિયા, ગામ-શેખપુર) તા.શહેરા જિ.પંચમહાલ) ને ઝડપી પાડ્યો હતો જેને વડોદરાની કોર્ટમાં રજૂ કરતાં સેન્ટ્રલ જેલ ખાતે મોકલી આપવામાં આવ્યો છે. આરોપી વિરુદ્ધ અગાઉ હરણી, કારેલીબાગ, અરવલ્લી મેઘરાજ પોલીસ સ્ટેશનમાં અલગ અલગ ગુનાઓ નોંધાયા હોવાનું બહાર આવ્યું છે.
