નવી દિલ્હી: વડાપ્રધાન નરેન્દ્ર મોદી (Prime Minister Narendra Modi) મંગળવારે દેશભરમાં પાંચ રેલી કરવા નીકળ્યા હતા. ગયામાં આ માહિતી આપતી વખતે તેમણે પ્રોટોકોલ પણ તોડ્યો અને માફી પણ માંગી. તેમજ ડેપ્યુટી સીએમ વિજય કુમાર સિન્હાની જગ્યાએ તેમણે પોતે માઈક (Mike) સંભાળ્યું હતું. પછી તેઓએ ગયા (Gaya) અને મહાત્મા બુદ્ધની ભૂમિને નમન કરી બંધારણ, રામ મંદિર અને શક્તિની પૂજાની વાત કરીને વિપક્ષને આડે હાથ લીધી હતી.
વડાપ્રધાન નરેન્દ્ર મોદી મંગળવારે સવારે 10 વાગ્યાની આસપાસ બિહારના ગયા મુકામે પહોંચ્યા હતા. તેમજ તેમની સભા ગયાના ગાંધી મેદાનમાં યોજાયી હતી. તેઓ સ્થળ પર પહોંચે તે પહેલાં, હજારો ભાજપના કાર્યકરો બેઠકમાં એકઠા થયા હતા અને ભારતને હિન્દુ રાષ્ટ્ર તરીકે જાહેર કરવાની માંગ કરી હતી.
બીજેપી કાર્યકર્તાએ કહ્યું કે પીએમએ કલમ 370 હટાવવા સહિત આવા ઘણા કામ કર્યા છે, તેથી તેઓ ભારતને હિન્દુ રાષ્ટ્ર તરીકે ઘોષિત કરવાનું કાર્ય કરવા પણ સક્ષમ છે. દેશમાં હિંદુઓ બહુમતીમાં છે. તેથી ભાજપના કાર્યકરોએ ભારતને હિંદુ રાષ્ટ્ર જાહેર કરવાની માંગ કરી હતી. ગયાના એરપોર્ટ પર ઉતર્યા બાદ વડાપ્રધાન રોડ માર્ગે ગાંધી મેદાન જવા રવાના થયા હતા.
બંધારણ બદલવા મુદ્દે પીએમ મોદી ગર્જ્યા, કહ્યું- બાબા સાહેબ પણ બંધારણ બદલી શકશે નહી
વડાપ્રધાને કહ્યું ચંદ્રયાન દ્વારા અમે જૂનવાણી વિચારધારા ખોટી સાબિત કરી છે. બંધારણ બદલવાના આરોપોનો જવાબ આપતા પીએમ મોદીએ કહ્યું કે હવે બાબા સાહેબ આંબેડકર પોતે પણ બંધારણ બદલી શકશે નહી, તો ભાજપ આ કાર્ય કરવાની હિંમત કેવી રીતે કરી શકે.
તેમને ખબર હોવી જોઈએ કે આ બંધારણ સભાનું નેતૃત્વ દેશના રત્ન ડૉ. રાજેન્દ્ર પ્રસાદે કર્યું હતું. બાબા સાહેબના હૃદય, દિમાગ અને કલમે આ બંધારણને શબ્દોમાં ઉતારી રહી હતી. દેશના મહાનુભાવોએ વિચારવિમર્શ કર્યો અને ભાવનાઓને સમજીને તેનું નિર્માણ કર્યું હતું. માટે બંધારણ બદલવું અશક્ય છે.
વડાપ્રધાન નરેન્દ્ર મોદીએ આ બેઠકમાં રામ નવમી, રામ મંદિર અને નવરાત્રિને લઈને પોતાની વાતચીતની શરૂઆત કરી હતી. તેમણે કહ્યું- સૂર્યના કિરણો આવતીકાલે અયોધ્યામાં રામલલાના મસ્તકનો વિશેષ અભિષેક કરશે. અહંકારી ગઠબંધનના લોકોને પણ રામ મંદિરને લઈને સમસ્યા છે. જેઓ ભગવાન રામના અસ્તિત્વ પર સવાલ ઉઠાવતા હતા, તેઓ આજે અજીબોગરીબ વાતો કરી રહ્યા છે.
આ સાથે જ વડાપ્રધાને વિપક્ષને કટાક્ષ કરતા કહ્યું કે, એક સમુદાયને ખુશ કરવા માટે રામ મંદિરના પ્રાણ પ્રતિષ્ઠા મહોહોત્સવનું આમંત્રણ નકારી કાઢવામાં આવ્યું હતું. આ આપણા દેશની સંસ્કૃતિ નથી. આ આપણા દેશની પરંપરા નથી. આ ઘમંડવાળો એક નેતા ખુલ્લેઆમ કહે છે કે તે હિંદુ ધર્મની શક્તિનો નાશ કરશે. આજે નવરાત્રીનો પવિત્ર તહેવાર છે. શું કોઈ આ શક્તિનો નાશ કરી શકે છે? આ શક્તિનો નાશ કરવાનું વિચારનારાઓનું શું થશે? સનાતનને ડેન્ગ્યુ-મેલેરિયા કહેવું એ સનાતન ધર્મનું અપમાન છે કે નહીં?
