રાંચી (Ranchi) : ઝારખંડમાં (Jharkhand) નવી સરકાર અને નવા મુખ્યમંત્રીની તાજપોશી કરવામાં આવી છે. ચંપાઈ સોરેને (Champai Soren) નવા મુખ્યમંત્રી તરીકે શપથ લીધા છે. આ સિવાય કોંગ્રેસના ક્વોટામાંથી આલમગીર આલમ અને આરજેડી ક્વોટામાંથી સત્યાનંદ ભોક્તાએ કેબિનેટ મંત્રી તરીકે શપથ લીધા છે.
રાજ્યપાલ સીપી રાધાકૃષ્ણને દરેકને હોદ્દા અને ગુપ્તતાના શપથ લેવડાવ્યા હતા. નવી સરકારે 10 દિવસમાં બહુમત સાબિત કરવો પડશે. તે જ સમયે, શાસક ગઠબંધનના ધારાસભ્યોને બે દિવસ માટે હૈદરાબાદ ખસેડવામાં આવી રહ્યા છે. આ ધારાસભ્યોને ચાર્ટર્ડ પ્લેન દ્વારા મોકલવામાં આવી રહ્યા છે.
અગાઉ ચંપાઈ અને ગઠબંધન નેતાઓએ દાવો કર્યો હતો કે તેઓ બુધવારે રાત્રે 9 વાગ્યે રાજ્યપાલને (Governor) મળવા આવ્યા હતા અને સરકાર બનાવવાનો દાવો કર્યો હતો. પરંતુ રાજ્યપાલ શપથ ગ્રહણ માટે સમય નથી આપી રહ્યા. ઝારખંડમાં નવા સીએમની (Champai Soren, the new CM in Jharkhand) પસંદગીની પ્રક્રિયા ત્યારે શરૂ થઈ જ્યારે ED એ કથિત જમીન કૌભાંડ સંબંધિત મની લોન્ડરિંગ (Money laundering) કેસમાં હેમંત સોરેનની (Hemant Soren) ધરપકડ કરી.
હેમંત પહેલા રાજભવન ગયા અને સીએમ પદ પરથી રાજીનામું આપ્યું, પછી EDના ધરપકડ મેમો પર હસ્તાક્ષર કર્યા. હેમંત EDની કસ્ટડીમાં ગયા પછ, ઝારખંડ મુક્તિ મોરચા અને ગઠબંધનમાં સામેલ પક્ષોએ ચંપાઈ સોરેનને ધારાસભ્ય પક્ષના નેતા તરીકે ચૂંટ્યા. આ દરમિયાન હેમંત સોરેનને સુપ્રીમ કોર્ટમાં ઝટકો લાગ્યો છે.
ગઠબંધનના 35 ધારાસભ્યો હૈદરાબાદ જવા રવાના
રાંચીમાં સત્તાધારી ગઠબંધનના 35 ધારાસભ્યો હૈદરાબાદ રવાના થયા છે. કેટલાક ધારાસભ્યો હૈદરાબાદ જઈ રહ્યા નથી. રાહુલ ગાંધીનું ભારત જોડો ન્યાય આજે ઝારખંડમાં પ્રવેશી રહ્યું છે. આવી સ્થિતિમાં પાર્ટીના કેટલાક ધારાસભ્યો આ યાત્રામાં ભાગ લેશે.
ચંપાઈ સોરેને નવી સરકારની રચનાને લઈને રાજ્યપાલને 43 ધારાસભ્યો તરફથી સમર્થનનો પત્ર સુપરત કર્યો હતો. આમાં ખુદ ચંપાઈ સોરેન, કેબિનેટ મંત્રી આલમગીર આલમ અને સત્યાનંદ ભોક્તાનું નામ પણ સામેલ હતું. આ ત્રણેય નેતાઓ રાંચીમાં પણ રોકાશે. શાસક ગઠબંધનમાં જેએમએમના 29 ધારાસભ્યો છે. કોંગ્રેસના 17 ધારાસભ્યો છે. આરજેડી અને ડાબેરીઓ પાસે એક-એક ધારાસભ્ય છે.
![](https://gujaratmitra.in/wp-content/uploads/2022/04/gujaratmitraDOTin-Copy.png)