વડોદરા : શહેર ભાજપના ટોચના નેતા સાથે ગાઢ ઘરોબો ધરાવતો ભાજપનો સક્રિય કાર્યકર અને પૂર્વ કોર્પોરેટર અરવિંદ પ્રજાપતિ એ એક લગ્ન પાર્ટીમાં રિવોલ્વર થી ઉઘાડે છોગ જાહેરમાં ફાયરિંગ કરતો વીડિયો વાયરલ થતાં સનસનાટી મચી ગઇ છે. દેશની અંદર સૌથી વધુ શિસ્તબદ્ધ કહેવાતી ભાજપ પાર્ટીના કેટલાક કહેવાતા ભ્રષ્ટ અને માથાભારે કાર્યકરોએ પાર્ટી ને કલંકીત કરવા પાછું વળીને જોતો નથી. આવો જ એક વીડિયો વાઇરલ થતાં પાર્ટીના ટોચના હોદ્દેદારો સહિત કાર્યક્રમ પણ ખળભળાટ વ્યાપી ગયો છે. પૂર્વ કોર્પોરેટર અરવિંદ પ્રજાપતિ એક લગ્ન પ્રસંગમાં રંગેચંગે મહાલતા હતા. ઢોલ નગારા ના તાલ વચ્ચે એકાએક ઉત્સાહ માં આવીને તેઓએ રિવોલ્વર કાઢીને હવામાં ફાયરિંગ તેમના જ કોઈ સગા વ્હાલાઓ એ વિડિયો ઉતારીને વાયરલ કરી દીધો હતો.
એવું જાણવા મળ્યું હતું કે સમા-સાવલી રોડ નજીક આવેલા નાયરા પેટ્રોલ પંપ પાસે પાલખી પાર્ટીપ્લોટમાં ગત માસની ૧૭મી તારીખે સાંજે તેમના મામાના પુત્રના લગ્ન હતા સત્તાના મદમાં છકી ગયેલા કાર્યકરે કઈ પણ વિચાર્યા વગર ફાયરિંગ કર્યું હોવાનું વીડિયોમાં સ્પષ્ટ જણાઈ રહ્યું છે. રાતોરાત વાયરલ થયેલા વિડિયો બાબતે અરવિંદ પ્રજાપતિ નો સંપર્ક સાધતા કોલ રિસીવ કરતા ન હતા ચારથી પાંચ કોલ કરતા રિવોલ્વર ધારી અરવિંદની બોલતી પણ બંધ થઈ ગઈ હતી અને મોબાઈલ સ્વીચ ઓફ કરી નાખ્યો હતો પાર્ટીના ટોચના અનેક આગેવાનો સાથે આ બાબતે વાતચીત કરવાનો પ્રયાસ કરતા તમામે ચર્ચા કરવાનું ટાળ્યું હતું તો કેટલાકે ઉડાઉ જવાબ આપ્યા હતા અને જણાવ્યું હતું કે ફાયરિંગના વિડીયો બાબતે અમને તો કોઇ જાણ જ નથી.
ડ્રાઇવિંગ કરતી વખતે શરાબના નશામાં હતો?
મોંઘીદાટ વિદેશી શરાબ નો શોખીન ભાજપના અગ્રણીઓની વગ ધરાવતો હોવાથી કાયદા કાનૂનને ખિસ્સામાં મૂકી દીધા હોય તેમ શરાબની લિજ્જત માણતા નશામાં ચૂર થઇ ગયા હતા એવા ફોટા પણ વાઇરલ થતાં પોતાની અને પક્ષની આબરૂના સરેઆમ લીરા ઉડાવી દીધા હતા. ભાજપની આબરૂના ધજાગરા ઉડાડતા અરવિંદ ના કારનામા આ અંગે આગામી ચૂંટણીઓ બાબતે હોદ્દેદારો શું પગલાં લેશે તે તો આગામી દિવસોમાં ખબર પડશે.
વિડિયો જોઇને તપાસ કરીશું: વિજય શાહ
સંસ્કારી નગરીની ગરિમાને લાંછન લગાવતા ભાજપના સક્રિય કારીગર અરવિંદ પ્રજાપતિ ના ધડાકા ભડાકા વિડીયો બાબતે પાર્ટીના શહેર પ્રમુખ સાથે વાતચીત કરતા જણાવ્યું હતું કે હાલના તબક્કે મારી પાસે તેવા કોઈ વિડીયો આવ્યા નથી પરંતુ વિડીયો જોઈને તપાસ બાદ ચોક્કસ ન્યાયિક પગલા ભરીશું.
