મુંબઈ: બિઝનેસ ટાયકૂન મુકેશ અંબાણી (Mukesh Ambani) અને નીતા અંબાણીના (Nita Ambani) ઘરમાં શહેનાઈ ફરી એકવાર ગુંજવા જઈ રહી છે. મુકેશ અંબાણીના નાના પુત્ર અનંત અંબાણી (Anant Ambani) અને રાધિકા મર્ચન્ટના (Radhika Merchant) લગ્નની (Marriage) તૈયારીઓ જોરશોરથી ચાલી રહી છે. બંનેના લગ્નના ફંક્શન શરૂ થઈ ગયા છે. રાધિકાના મહેંદી ફંક્શનના ફોટા (Photo) અને વીડિયો (Video) સોશિયલ મીડિયા (Social Media) પર ધૂમ મચાવી રહ્યા છે. આ કપલે મંગળવારે તેમના મહેંદી ફંક્શનનું આયોજન કર્યું હતું. તે જ સમયે, ઇવેન્ટમાંથી બ્રાઇડ ટુ બીની ઘણી તસવીરો સોશિયલ મીડિયા પર વાયરલ થઈ રહી છે. જેમાં રાધિકા બોલિવૂડના ગીત પર ડાન્સ કરતી જોવા મળી રહી છે. સોશિયલ મીડિયા પર રાધિકાના આ વીડિયોને યુઝર્સ ખૂબ પસંદ કરી રહ્યા છે. તસવીરોમાં અનંત અંબાણીની દુલ્હન રાધિકા ખૂબ જ સુંદર લાગી રહી છે.
વીડિયોમાં મુકેશ અંબાણીની વહુ રાધિકા મર્ચન્ટ બોલિવૂડ એક્ટ્રેસ આલિયા ભટ્ટની ફિલ્મ ‘કલંક’ના પ્રખ્યાત ગીત ‘ઘર મોર પરદેશિયા’ પર ડાન્સ કરતી જોવા મળે છે. વીડિયોમાં રાધિકા મર્ચન્ટ ફુચિયા પિંક કલરના ફ્લોરલ એમ્બ્રોઇડરીવાળા લહેંગામાં ખૂબ જ સુંદર લાગી રહી છે. તેના દેખાવને પૂરક બનાવવા માટે, રાધિકાએ પોલ્કી ચોકર નેકલેસ, મેચિંગ એરિંગ્સ, માંગ-ટીકા પહેર્યા છે. આ સાથે તેના વાળને આર્ટિફિશિયલ ફૂલોથી સ્ટાઈલ કરવામાં આવ્યા છે.
રાધિકાએ તેના મહેંદી જડેલા હાથને ફ્લોન્ટ કર્યો
રાધિકાએ તેના હાથ પર અનંતના નામની મહેંદી લગાવી અને તેના મહેંદી જડેલા હાથ પણ ફ્લોન્ટ કર્યા. આ દરમિયાન આ જોઈને રાધિકાની ખુશી છવાઈ ગઈ હતી. સોશિયલ મીડિયા પર તેના ઘણા ફોટ્સ વાયરલ થઈ રહ્યા છે.
રાધિકાએ મહેંદી ફંક્શનમાં જોરદાર ડાન્સ કર્યો
મુકેશ અંબાણી અને નીતા અંબાણીની વહુ રાધિકા મર્ચન્ટે પોતાના મહેંદી ફ્કશનમાં જોરદાર ડાન્સ કર્યો હતો. સોશિયલ મીડિયા પર આ મહેંદી સેરેમનીમાં ડાન્સ કરતો વીડિયો પણ ખૂબ વાયરલ થઈ રહ્યો છે. તેણે કલંક ફિલ્મના આલિયા ભટ્ટના ગીત ઘર મોર પરદેશિયા પર ડાન્સ કર્યો હતો. અંબાણી પરિવારની નાની વહુ રાધિકાએ પોતાની સુંદરતા અને શાનદાર ડાન્સ મૂવ્સથી દરેકનું દિલ જીતી લીધું હતું.
જણાવી દઈએ કે રાધિકા મર્ચન્ટ એક પ્રખ્યાત ક્લાસિકલ ડાન્સર છે અને તેણે ભારત સિવાય અન્ય દેશોમાં પણ ઘણી વખત પોતાનું પરફોર્મન્સ આપ્યું છે. મળતી માહિતી મુજબ રાધિકાએ ગુરુ ભાવના ઠક્કર પાસેથી ડાન્સના પાઠ લીધા છે. રાધિકાના શિક્ષણની વાત કરીએ તો તેણે ન્યૂયોર્ક યુનિવર્સિટીમાંથી અર્થશાસ્ત્રમાં બેચલર ડિગ્રી પૂર્ણ કરી છે. રાધિકા અને અનંત લાંબા સમયથી એકબીજાને ઓળખે છે, બંનેએ 29 ડિસેમ્બર 2022ના રોજ રાજસ્થાનના નાથદ્વારાના શ્રીનાથજી મંદિરમાં સગાઈ કરી હતી. જેની તસવીરો સોશિયલ મીડિયા પર પ્રસિદ્ધ થઈ રહી હતી. રાધિકા મર્ચન્ટ મુકેશ અંબાણીના નજીકના મિત્ર વીરેન મર્ચન્ટની પુત્રી છે. રાધિકાના પિતા એન્કોર હેલ્થકેરના સીઈઓ છે.
