મુંબઈ: શાહરૂખ ખાન, દીપિકા પાદુકોણ અને જ્હોન અબ્રાહમ સ્ટારર ફિલ્મ ‘પઠાણ’ બોક્સ ઓફિસ પર સારી કમાણી કરી રહી છે. શાહરૂખ ખાનની ફિલ્મ પઠાણ માત્ર ચાહકો જ નહીં પણ બોલિવુડ સ્ટાર્સ તેમજ ક્રિકેટરો પણ ઈન્જોય કરી રહ્યા છે. શાહરૂખ ખાનની ફિલ્મને ચાહકો, સેલેબ્સ અને ક્રિકેટરો તરફથી પણ પ્રેમ મળ્યો છે. ત્યારે હવે ક્રિકેટર કિંગ કોહલી અને જાડેજા પઠાણના સોન્ગ પર ડાન્સ મૂવ કરતા જોવા મળ્યા હતા. ચાહકોને આ બંનેનો ડાન્સ મૂવ ખૂબ ગમ્યો હતો એટલું જ નહીં શાહરૂખ ખાન પણ તેમના ડાન્સ મૂવથી ઘણો ઈમ્પ્રેસ થયો હતો. શાહરૂખ ખાને #AskSRK સેશનમાં વીડિયો શેક કરી બંને ક્રિકેટરોની તારીફ કરી હતી.
તમને જણાવી દઈએ કે શનિવારે, 11 ફેબ્રુઆરીના રોજ, ભારતે નાગપુરમાં ઓસ્ટ્રેલિયા પર જીત મેળવી, ચાર મેચોની શ્રેણીની પ્રથમ ટેસ્ટ માત્ર અઢી દિવસમાં પૂર્ણ કરી. મોટી જીત પછી તરત જ, વિરાટ કોહલી અને રવિન્દ્ર જાડેજા ‘પઠાણ’ના ગીત ‘ઝૂમ જો પઠાણ’ના હૂક સ્ટેપ કરતા કેમેરામાં કેદ થયા હતા. આ વીડિયો સોશિયલ મીડિયા પર વાયરલ થયો હતો. હવે #AskSRK સેશનમાં શાહરૂખ ખાને પણ આ અંગે પ્રતિક્રિયા આપી છે.
શાહરૂખ ખાને શું કહ્યું?
શાહરૂખ ખાનના ચાહકો #AskSRK સેશનની આતુરતાથી રાહ જોઈ રહ્યા છે. #AskSRK માં, ચાહકો તેમના સુપરસ્ટારને તેમના મનમાં ગમે તેવા પ્રશ્નો પૂછવા માટે નિઃસંકોચ અનુભવે છે. ત્યારે કિંગ ખાન પણ ચાહકોના તમામ પ્રશ્નોના જવાબ પ્રેમથી આપે છે. ત્યારે વેલેન્ટાઈન ડે નિમિત્તે પણ કંઈક આવું જ જોવા મળ્યું હતું. #AskSRK માં ‘પઠાણ’ ગીત પર વિરાટ કોહલી અને રવિન્દ્ર જાડેજાનો ડાન્સ વીડિયો શેર કરતા એક ચાહકે લખ્યું, “‘પઠાણ’ ડાન્સ પર કંઈક કહો. ફેન્સના સવાલનો જવાબ આપતા શાહરૂખે લખ્યું, ‘તે મારા કરતા સારું કરી રહ્યા છે. આપણે વિરાટ અને જાડેજા પાસેથી કંઈક શીખવું જોઈએ.
તમને જણાવી દઈએ કે વિરાટ અને જાડેજાનો આ ડાન્સ વીડિયો ભારત અને ઓસ્ટ્રેલિયા વચ્ચે રમાઈ રહેલી ટેસ્ટ મેચ દરમિયાનનો છે. બ્રેકમાં વિરાટ અને જાડેજાએ ડાન્સ મૂવ કર્યો હતો. મેચ દરમિયાન વિરાટ કોહલી અને રવિન્દ્ર જાડેજા પોતાની બેટિંગ બાદ મેદાનમાં ઉતરવાની તૈયારી કરી રહ્યા હતા. ત્યારે મેદાનમાં અન્ય ખેલાડીઓ વચ્ચે બંનેએ ‘ઝૂમ જો પઠાણ’નું હૂક સ્ટેપ કરવાનું શરૂ કર્યું. હાલ સોશિયલ મીડિયા પર વિરાટ અને જાડેજાનો પઠાણ ફિલ્મના સોન્ગ પર હૂક સ્ટેપ કરતો વીડિયો વાયરલ થઈ રહ્યો છે.
તમે કેવી રીતે રહો છો શાંત?
શાહરૂખ ખાનના એક ફેન્સે પૂછ્યું, તમે આટલા બધા સમય આટલા ઉત્સાહિત અને શાંત કેવી રીતે રહો છો? શાહરૂખ ખાને આના પર લખ્યું, ‘હાહા… હું તોફાન પી લઉં છું.’
ફર્સ્ટ વેલેન્ટાઈન ડે ગૌરી ખાનને આ ખાસ ભેટ આપવામાં આવી હતી
શાહરૂખ ખાને વેલેન્ટાઈન ડે પર ચાહકો સાથે AskSRK સેશન શરૂ કર્યું હતું. ત્યારે તેમને ચાહકો દ્વારા વેલેન્ટાઈન ડે પર પ્રશ્ન પૂછવામાં આવ્યા હતા. કિંગ ખાનના એક ફેન્સે પૂછ્યું- ગૌરી મેમને આપેલી પહેલી વેલેન્ટાઈન ડે ગિફ્ટ શું હતી? કિંગ ખાન આના પર લખે છે, ‘જો મને બરાબર યાદ છે તો હવે 34 વર્ષ થઈ ગયા છે. મને લાગે છે કે મેં ગુલાબી રંગની પ્લાસ્ટિકની બુટ્ટી આપી હતી.
‘પઠાણ’ 1000 કરોડના આંકડા નજીક
‘પઠાણ’માં શાહરૂખ ખાન, દીપિકા પાદુકોણ અને જોન અબ્રાહમ લીડ રોલમાં છે. આ ફિલ્મ સિદ્ધાર્થ આનંદ દ્વારા લખવામાં અને નિર્દેશિત કરવામાં આવી છે અને યશ રાજ ફિલ્મ્સ દ્વારા નિર્મિત છે. તે YRF સ્પાય યુનિવર્સનો ચોથો હપ્તો છે. આ ફિલ્મ ઝીરો (2018) પછી મોટા પડદા પર શાહરૂખ ખાનની વાપસીને દર્શાવે છે. આ ફિલ્મ 25 જાન્યુઆરી, 2023ના રોજ હિન્દી, તમિલ અને તેલુગુમાં રિલીઝ થવાની છે. આ ફિલ્મમાં સલમાન ખાન પણ એક કેમિયો જોવા મળ્યો હતો. આ ફિલ્મ રિલીઝ થઈ ત્યારથી જ શાનદાર કમાણી કરી રહી છે. તેણે વિશ્વવ્યાપી બોક્સ ઓફિસ કલેક્શનમાં લગભગ 960 કરોડનું કલેક્શન કર્યું છે. આશા છે કે ટૂંક સમયમાં આ આંકડો 1000 કરોડના જાદુઈ આંકને સ્પર્શી જશે.
