ઉત્તર પ્રદેશ: ઉત્તર પ્રદેશના (Uttar Pradesh) બહરાઈચ જિલ્લાના નૌનીહા મંડી પાસે રવિવારે સવારે એક મીનીબસ (Mini Bus) અને ટ્રક (Truck) વચ્ચે અથડામણ થઈ હતી, જેમાં સાત લોકોના મોત (Death)થયા હતા અને નવ અન્ય ગંભીર રીતે ઘાયલ થયા હતા. ઇજાગ્રસ્તોને સારવાર માટે સરકારી હોસ્પિટલમાં ખસેડવામાં આવ્યા છે. અકસ્માતની (Accident) માહિતી મળતા જ પોલીસ અને વહીવટીતંત્રના વરિષ્ઠ અધિકારીઓ ઘટનાસ્થળે પહોંચી ગયા હતા.
રવિવારે સવારે કર્ણાટકના બિદર જિલ્લામાંથી 16 મુસાફરો મિની બસમાં યાત્રા માટે અયોધ્યા જઈ રહ્યા હતા, પરંતુ બહરાઈચ-લખીમપુર પર જિલ્લાના મોતીપુર પોલીસ સ્ટેશન હેઠળ નૈનીહા મંડી પાસે તેમની મીની બસ સામેથી આવતી ટ્રક સાથે અથડાઈ હતી અને બસ ડ્રાઈવર સહિત પાંચ યાત્રાળુઓનું ઘટનાસ્થળે જ મોત નીપજ્યું હતું અને અન્ય બે લોકો હોસ્પિટલ લઈ જતા માર્ગમાં મૃત્યુ પામ્યા હતા.
મૃતકોમાં ત્રણ મહિલાઓ પણ સામેલ
અધિક પોલીસ અધિક્ષક અશોક કુમારે જણાવ્યું કે અકસ્માતમાં નવ લોકો ગંભીર રીતે ઘાયલ થયા છે, જેમને સારવાર માટે જિલ્લા હોસ્પિટલમાં મોકલવામાં આવ્યા છે. તેમણે કહ્યું કે મૃતકોમાં ત્રણ મહિલાઓ પણ સામેલ છે. મૃતકોના પરિવારજનોને જાણ કરવામાં આવી છે. તેમણે વધુમાં કહ્યું કે ટ્રક ચાલક તેનું વાહન સ્થળ પર છોડીને ભાગી ગયો હતો. કુમારે જણાવ્યું હતું કે અથડામણ એટલી ગંભીર હતી કે બંને વાહનોને ખરાબ રીતે નુકસાન થયું હતું અને મૃતકોના મૃતદેહો અને ઘાયલ શ્રદ્ધાળુઓને ભારે જહેમતથી બહાર કાઢવામાં આવ્યા હતા.
વીડિયોકોલની મદદથી જાનહાનિની ઓળખ
અશોક કુમારે કહ્યું કે જિલ્લા હોસ્પિટલમાં દાખલ ભૂમિકા, કર્ણાટકમાં તેના સંબંધીઓ સાથે વાત કરવા માટે તેના મોબાઇલથી પોલીસ અધિકારીઓને મળી, ત્યારબાદ વીડિયો કૉલ્સની મદદથી વધુ તસવીરો શેર કરીને મૃતકોની ઓળખ કરવામાં આવી હતી. તમામ ઘાયલોની જિલ્લા હોસ્પિટલમાં સારવાર ચાલી રહી છે.
સીએમ યોગીએ શોક વ્યક્ત કર્યો
ઉત્તર પ્રદેશના મુખ્ય પ્રધાન યોગી આદિત્યનાથે આ દુર્ઘટના પર ઊંડો શોક વ્યક્ત કર્યો છે. મુખ્યમંત્રી કાર્યાલયે ટ્વીટ કર્યું કે મુખ્યમંત્રી યોગી આદિત્યનાથે બહરાઈચ જિલ્લામાં માર્ગ અકસ્માતમાં થયેલા જાનહાનિ પર ઊંડો શોક વ્યક્ત કર્યો છે. મૃતકોના આત્માની શાંતિ માટે પ્રાર્થના કરતા મુખ્યમંત્રીએ શોકગ્રસ્ત પરિવારો પ્રત્યે સંવેદના વ્યક્ત કરી હતી. મુખ્ય પ્રધાને જિલ્લા વહીવટીતંત્રના અધિકારીઓને ઘાયલોને યોગ્ય સારવાર આપવા સૂચના આપી છે. જિલ્લા મેજિસ્ટ્રેટ દિનેશ ચંદ્ર સિંહ અને વરિષ્ઠ પોલીસ અધિક્ષક કેશવ કુમાર ચૌધરી જિલ્લા હોસ્પિટલમાં પહોંચ્યા અને ત્યાં ચાલી રહેલા ઘાયલોની સારવારની તપાસ લીધી હતી.
