નવી દિલ્હી: ટીવી શો તારક મહેતા કા ઉલ્ટા ચશ્મા (Tarak Mehta Ka Ulta Chashma) દરેક ઘરમાં રાજ કરે છે. પરંતુ જાણે આ શોને કોઈની નજર લાગી હોય તેમ એક બાદ એક કલાકારો શોમાંથી વિદાઈ લઈ રહ્યા છે. શોના મહત્વના સ્ટાર્સ દિશા વાકાણી અને શૈલેષ લોઢા જેવા મોટા કલાકારો બાદ હવે તારક મહેતાના ડિરેક્ટર માલવ રાજદાએ (Malv Rajda) પણ શો છોડી દીધો (Left Show) હોવાનું જાણવા મળી રહ્યું છે. આ સમાચાર બાદ શોના ચાહકોને ઝટકો લાગ્યો છે.
14 વર્ષ પછી શો છોડી દીધો
તારક મહેતા શોના ડિરેક્ટર માલવ રાજદા છેલ્લા 14 વર્ષથી તારક મહેતા કા ઉલ્ટા ચશ્મા શોનું નિર્દેશન કરી રહ્યા છે. સૌથી ચોંકાવનારી વાત એ છે કે આટલા વર્ષોની લાંબી સફર બાદ તેમણે આ શો છોડી દીધો છે. તેમનો આ નિર્ણય ચોક્કસપણે દરેક માટે આશ્ચર્યજનક છે. આટલા લાંબા સમય બાદ શો છોડી દેવા પર ઘણી ચર્ચાઓ પણ થઈ રહી છે.
મળતી માહિતી મુજબ, માલવ રાજદાએ તારક મહેતા શોનું છેલ્લું શૂટિંગ 15 ડિસેમ્બરે કર્યું હતું. એક સૂત્રએ જણાવ્યું કે શોના ડાયરેક્ટર માલવ રાજડા અને પ્રોડક્શન હાઉસ વચ્ચે છેલ્લા કેટલાક સમયથી અણબનાવ ચાલી રહ્યો હતો, જેના કારણે તેમણે શો છોડવાનો નિર્ણય કર્યો હતો. જોકે, માલવ રાજડાએ આ તમામ અટકળોને સંપૂર્ણપણે ફગાવી દીધી હતી. માલવ રાજડાએ જણાવ્યું કે-જો તમે સારું કામ કરો છો તો ટીમમાં સર્જનાત્મક મતભેદો સામાન્ય છે. પરંતુ આ શોને વધુ સારો બનાવવા માટે માટે થાય છે. પ્રોડક્શન હાઉસ સાથે મારી કોઈ અણબનાવ નથી. હું શો અને અસિત ભાઈ (શોના નિર્માતા)નો આભારી છું.
ડિરેક્ટરે શો છોડ્યો કેમ?
માલવ રાજડાએ શો છોડ્યો કેમ? આ સવાલ પર તેમણે કહ્યું કે 14 વર્ષ સુધી શો કર્યા પછી મને લાગ્યું કે હું મારા કમ્ફર્ટ ઝોનમાં ચાલ્યો ગયો છું. મને લાગે છે કે તમારી જાતને સર્જનાત્મક રીતે વિકસાવવા માટે આગળ વધવું અને પોતાને પડકારવું જરૂરી છે. પોતાની 14 વર્ષની સફર વિશે વાત કરતા માલવ રાજદાએ કહ્યું કે આ 14 વર્ષ મારા જીવનના સૌથી સુંદર વર્ષો રહ્યા છે. આ શોથી મને માત્ર પ્રસિદ્ધિ અને પૈસા જ નથી મળ્યા, પરંતુ મારી લાઈફ પાર્ટનર પ્રિયા પણ મળી છે.
તમને જણાવી દઈએ કે તારક મહેતા શોને એક પછી એક મોટો ઝટકો લાગી રહ્યો છે. ઘણા મોટા સ્ટાર્સે શો છોડી રહ્યા છે. શોના ડાયરેક્ટર માલવ રાજદા પહેલા રાજ અનડકટ, શૈલેષ લોઢા અને દિશા વાકાણી પણ શોને અલવિદા કહી ચૂક્યા છે. જોવાનું એ રહેશે કે તારક મહેતા કા ઉલ્ટા ચશ્મામાં શોના ડિરેક્ટરની ગેરહાજરીથી શોની ટીઆરપી પર કેટલી અસર પડે છે.
