The Latest
-
Gujaratસુશાસન, સેવા, વિકાસ: CM ભૂપેન્દ્ર પટેલની સરકારના આવતીકાલે ત્રણ વર્ષ પૂર્ણ થશે
-
Worldબાંગ્લાદેશમાં બળવાના દોઢ વર્ષ પછી ચૂંટણી, 12 ફેબ્રુઆરીએ થશે મતદાન
-
Vadodaraનેશનલ હાઇવે 48 પર દહેશત: કપુરાઈ ચોકડી ફરી રક્તરંજિત! અકસ્માતમાં યુવકને ગંભીર ઇજા
-
Vadodara
તતારપુરાના જમીન સોદામાં 48 લાખની છેતરપિંડી, વેચાણ દસ્તાવેજ કર્યા વગર રકમ ઓળવી ગયાની ફરિયાદ
-
Dabhoiરસુલાબાદના સરપંચનું ‘ગાંડપણ’ નાટક – ભ્રષ્ટાચારના આક્ષેપો વચ્ચે જાહેરમાં તાયફા
-
Nationalબહરાઇચમાં રામ ગોપાલની હત્યા કરનાર સરફરાઝને મૃત્યુદંડ, 9 લોકોને આજીવન કેદની સજા
-
Bodeliજબુગામ–બોડેલી વચ્ચે ધૂળ ડમરીનો કહેર, રોડના ખાડા અને રેતીના ઢગલાઓથી મુસાફરો ત્રાહિમામ
-
Savliભાદરવા–મોક્સી રોડ પરથી ચાર ઓવરલોડ રેતી ભરેલા ડમ્પર ઝડપાયા
-
Nationalમમતા બેનર્જીએ અમિત શાહને ખતરનાક ગણાવી કહ્યું, તેઓ દુર્યોધન અને દુશાસન જેવા છે
-
VadodaraVMCનું ડમ્પર આવતા 85 વર્ષના વૃદ્ધે કેળાંની લારી બચાવવા રોડ પર સૂઈ જઈ કર્યો વિરોધ
-
Worldગોવા આગ દુર્ઘટના: લુથરા બંધુઓ ભારત પરત ફરતાં જ ગોવા પોલીસ કસ્ટડીમાં લેશે!
-
Nationalકેન્દ્રના સરકારી કર્મચારીઓ માટે ખરાબ સમાચાર, નવા વર્ષમાં DA માં લાગી શકે છે ઝટકો
-
Dabhoiથુવાવી ગ્રામ પંચાયતના અંબાવ સ્મશાનમાં લાખોની ગેરરીતિ, ડભોઈ તાલુકામાં હડકંપ
-
Nationalચૂંટણી પંચનો મોટો નિર્ણય, ગુજરાત સહિત 6 રાજ્યમાં SIRની મુદ્દતમાં વધારો કરાયો
-
Charotarઆણંદ જિલ્લાના ધુવારણમાં કાર્યરત થશે કેબલ લેન્ડિંગ સ્ટેશન પ્રોજેક્ટ
-
EducationCBSE ધોરણ 10ના વિજ્ઞાન–સામાજિક વિજ્ઞાનના પેપર સ્ટાઇલ માટે નવી ગાઇડલાઇન જાહેર
-
Vadodaraભાજપના નેતાઓ ડાયરા અને નાચગાનમાં વ્યસ્ત, 32 રસ્તાના ખાતમુહૂર્ત માટે સમય નથી
-
Jetpur paviકદવાલ આરોગ્ય કેન્દ્રમાં ૨૪ કલાકમાં પાંચ સફળ ડિલિવરી: ડોક્ટરોની પ્રશંસનીય કામગીરી
-
Vadodaraવડોદરા: ‘મિસિંગ સર્કલ’ બન્યું અકસ્માતનું કારણ? પ્રિયા ટોકીઝ પાસે ડમ્પરે કાર ને અડફેટે લીધી
-
Nationalઇન્ડિગોની મોટી જાહેરાત: અસરગ્રસ્ત મુસાફરોને રૂ10,000 સુધીનું વળતર અને વધારાનું ટ્રાવેલ વાઉચર આપશે
-
Godhraગોધરાના વાવડી ખુર્દ ગ્રામ પંચાયતમાં સામાન્ય સભા રણમેદાન બની, સરપંચ સાથે ઝપાઝપી
-
Vadodaraવડોદરા: મ્યુલ એકાઉન્ટ ખોલવાના બહાને થતી ઠગાઈનો પર્દાફાશ
-
Vadodaraબ્યુટીફિકેશનનું બેવડું ધોરણ: વડોદરામાં કરોડો ખર્ચાયા, પણ વારસિયાનું સરસિયા તળાવ ‘અભડાયેલું’?!
-
Businessટ્રમ્પ ગોલ્ડ કાર્ડ આજથી અમલમાં: ₹9 કરોડમાં યુએસ નાગરિકતા ઉપલબ્ધ
-
Vadodaraઉંડેરાની ગુજરાત રિફાઇનરી સ્કૂલમાં ધો.11 અને ધો.10ના વિદ્યાર્થીઓ વચ્ચે અથડામણ
-
Nationalસંસદમાં કોણે ઈ-સિગારેટ પીધી જેનાથી ગૃહમાં હોબાળો થયો, અનુરાગ ઠાકુરે સ્પીકરને ફરિયાદ કરી
-
Charchapatra
સ્મૃતિ મંધાના લાખો યુવતીની પ્રેરણા સ્રોત
-
Gujaratકોસ્ટગાર્ડનું સફર ઓપરેશન: કચ્છના દરિયામાંથી પાકિસ્તાની બોટ અને 11 પાક.માછીમારો ઝડપાયા
-
Business
વંદેમાતરમ્ વિશે થોડું
-
Halolયુનેસ્કો દ્વારા દિવાળીનો અણમોલ સાંસ્કૃતિક વારસામાં સમાવેશ : પાવાગઢ ખાતે દીપોત્સવી ઉજવણી
વર્ષ ૨૦૨૦ના આરંભથી જેની શરૂઆત થઇ હતી તે કોરોનાવાયરસજન્ય કોવિડ-૧૯ના રોગચાળાનું ઉદગમસ્થાન મનાતા ચીનમાં ફરી એકવાર આ રોગચાળાની એક નવી લહેર શરૂ થઇ છે અને તેને કારણે નવેસરથી ત્યાંના શહેરો અને વિવિધ વિસ્તારોમાં લૉકડાઉન જેવા નિયંત્રણો મૂકાઇ રહ્યા છે. આમ પણ ચીનની સખત ઝીરો કોવિડની નીતિને કારણે છેલ્લા કેટલાક મહિનાઓમાં અનેક શહેરોમાં સખત નિયંત્રણો મૂકાયા જ હતા અને તે પણ કેસોનું પ્રમાણ ખૂબ ઓછું હોવા છતાં, જ્યારે હવે કેસો ફરીથી વધ્યા છે ત્યારે નવેસરથી નિયંત્રણો મૂકવાની ચીનની સરકારને ફરજ પડી રહી છે, જે સરકારે હાલ થોડા સમય પહેલા જ અકળાયેલી જનતાને ખાતરી આપી હતી કે તે નિયંત્રણો હળવા કરવાનું શરૂ કરશે પરંતુ શરૂ થયેલી નવી લહેરે સરકારને ફરીથી નિયંત્રણો લાદવાની ફરજ પાડી છે.
જ્યારે આખા વિશ્વમાં કોરોનાવાયરસનો આ રોગચાળો પુરો થઇ ગયો હોય તેવી સ્થિતિ છે ત્યારે ચીનમાં નિયંત્રણો હજી ચાલુ છે અને ત્યાં નવી શરૂ થયેલી લહેર ચિંતા તો જન્માવે તેવી છે જ પરંતુ ચીનની ઝીરો કોવિડ નીતિની અસરકારકતા સામે પણ પ્રશ્નો જન્માવે છે. જો કે કોવિડનો ચેપ હવે બહુ ઘાતક રહ્યો નથી અને ચીન વધારે પડતી સખતાઇ વાપરી રહ્યું છે તે પણ એક વાસ્તવિકતા જણાય છે. ચીનના આ કોવિડ નિયંત્રણો ફક્ત સ્થાનિક પ્રજાને જ અકળાવે છે તેવું નથી, વિશ્વભરમાં તેની આર્થિક અસરો થઇ શકે છે એમ નિષ્ણાતો જણાવે છે.
ચીનમાં છેલ્લા ત્રણ સપ્તાહમાં ૨૫૩૦૦૦ કરતા વધુ કોરોનાવાયરસના કેસો મળી આવ્યા છે અને દૈનિક સરેરાશ વધી રહી છે એમ સરકારે આ મંગળવારે જણાવ્યું હતું, જેને કારણે સરકારી અધિકારીઓ પર દબાણ વધ્યું છે જેઓ લાખો લોકોને ઘરોમાં ગોંધી રાખનાર નિયંત્રણો હળવા કરીને આર્થિક નુકસાન ઘટાડવા પ્રયાસો કરી રહ્યા છે. શાસક કોમ્યુનિસ્ટ પાર્ટીએ આ મહિનાની શરૂઆતમાં વચન આપ્યું હતું કે તે નિયંત્રણોને વધુ છૂટછાટવાળા બનાવીને તેની ઝીરો-કોવિડ વ્યુહરચનાને કારણે થયેલો ખોરવણીઓ ઘટાડવાનું વચન આપ્યું હતું.
પરંતુ ચીનમાં કોવિડ-૧૯ના રોગચાળાની નવી લહેરે આ બાબતને પડકાર ફેંકયો છે, અને આ લહેરની કારણે બૈજિંગ સહિતના મોટા શહેરોમાં ગીચ વસ્તીવાળા વિસ્તારો, સ્ટોરો અને કચેરીઓ બંધ કરવાની ફરજ પડી છે અને ફેકટરીઓને તેમના કર્મચારીગણને બહારના સંપર્કથી અલાયદા રાખવાના આદેશો આપવામાં આવ્યા છે. ચીનના આ નિયંત્રણોની આર્થિક અસરો દુનિયાભરમાં થશે એવો ભય સેવવામાં આવે છે. ચીન એ વિશ્વનો સૌથી મોટો વેપારી દેશ છે અને તેના એશિયન પાડોશીઓ માટે ટોચનું બજાર છે.
ચીનમાં ગ્રાહકો તરફથી અને/અથવા ફેકટરીઓ તરફથી માગ ઘટે તો તેનાથી ઓઇલ અને અને અન્ય કાચી સામગ્રીના વૈશ્વિક વેપારને અસર થઇ શકે છે. ચીન એ ખનિજ તેલનું સૌથી મોટું આયાતકાર છે. બીજી પણ અનેક વસ્તુઓની તે આયાત કરે છે. ખાસ કરીને પોતાના ઉદ્યોગો માટે મોટા પ્રમાણમાં કાચી સામગ્રી તરીકે તે અનેક વસ્તુઓ અને કાચી ધાતુઓ વિશ્વના વિવિધ દેશોમાંથી આયાત કરે છે અને જો ચીનના કારખાનાઓ અને ઉદ્યોગો બંધ રહે તો આ સામગ્રીના નિકાસકાર દેશોની નિકાસને ફટકો પડી શકે છે.
બીજી બાજુ કોમ્પ્યુટર ચીપ્સ અને અન્ય ઔદ્યોગિક સાધનો તથા કન્ઝ્યુમર સામાનના વૈશ્વિક પુરવઠા પર પણ અસર થઇ શકે છે. ચીન મોબાઇલ ફોન્સ સહિતના અનેક ઇલેકટ્રોનિક્સ સાધનોનો મોટો ઉત્પાદક દેશ છે, દુનિયાભરના દેશો ચીનમાંથી ઇલેકટ્રોનિક સામાન મંગાવે છે, વિવિધ પ્રકારની યંત્ર સામગ્રી અને અન્ય વસ્તુઓ મંગાવે છે અને ચીનના નિયંત્રણોને કારણે આ વસ્તુઓનો પુરવઠો ખોરવાઇ શકે છે. ચીનથી આયાત થતી યંત્ર સામગ્રીનો પુરવઠો ખોરવાઇ તો અન્ય દેશોના કેટલાક ઉદ્યોગોને પણ અસર થઇ શકે છે.
ચીનના બંદરો પર પ્રવૃતિઓ ખોરવાય તેનાથી વૈશ્વિક વ્યાપાર ખોરવાઇ શકે છે. સોમવારે વૈશ્વિક શેરબજારો ગગડ્યા હતા તેના માટે ચીનના નિયંત્રણોની ચિંતાઓ પણ જવાબદાર હોવાનું મનાય છે. રોકાણકારોને ચીનમાં ઘટતી માગની ચિંતા છે.
ચીન એ આજે દુનિયાભરમાં એક બિલકુલ અવગણી નહીં શકાય તેવો ઔદ્યોગિક અને વેપારી દેશ બની ગયો છે. તેની આયાતો ઘટે કે નિકાસો ઘટે તેની અસર વિશ્વભરના બજારો પર થાય તે અંગે કોઇ શંકા નથી. ચીનની ખનિજ તેલની આયાત ઘટે તો ખનિજ તેલના નિકાસકાર દેશોની આવકમાં મોટી ઘટ સર્જાય, તેની કાચી ધાતુઓની આયાત ઘટે તો આ ધાતુઓના નિકાસકાર દેશોની નિકાસ પર મોટી અસર થાય. ચીન અનેક પ્રકારની યંત્ર સામગીનું ઉચ્પાદન કરે છે, આપણા સુરતનું જ ઉદાહરણ લઇએ તો અહીંના ટેકસટાઇલ્સ ઉદ્યોગમાં ચીનથી આયાત થતી યંત્ર સામગ્રીનો નોંધપાત્ર પ્રમાણમાં ઉપયોગ થાય છે. ફરી એક વાર કહીએ તો ચીન આજે એક અવગણી નહીં શકાય તેવો ઔદ્યોગિક અને વેપારી દેશ બની ગયો છે અને તેના સખત કોવિડ નિયંત્રણોની અસર વિશ્વના અર્થતંત્ર પર થઇ શકે છે અને થવા પણ માંડી છે.