National

બાળકીનો હાથ પકડવો, પેન્ટની ઝિપ ખોલવી એ POCSO હેઠળ જાતીય હુમલો નથી, આ વિવાદી ચૂકાદો આપનાર જજને..

મુંબઇ (Mumbai): થોડા સમય પહેલા બોમ્બે હાઇ કોર્ટનો (Bombay High Court) જાતીય સતામણીના કેસમાં આવેલો એક ચૂકાદો ખાસ્સો વિવાદાસ્પદ હતો, જેના પર ઘણા લોકોએ ભારે રોષ વ્યકત કર્યો હતો. જાતીય સતામણીના એક કેસમાં બોમ્બે હાઇકોર્ટે કહ્યુ હતુ કે જો શરીરની ચામડી સાથે સીધું ઘર્ષણ થયુ હોય તો તેને જ જાતીય સતામણી કહી શકાય છે. આવો વિવાદિત ચૂકાદો આપનાર બોમ્બે હાઇકોર્ટના મહિલા જજ પુષ્પા વી ગણેદીવાલાને (Justice Pushpa V Ganediwala) લઇને એક મોટા સમાચાર આવ્યા છે. જાતીય અપરાધ નિવારણ અધિનિયમ (પી.ઓ.સી.એસ.ઓ.) હેઠળ જાતીય હુમલોના વિવાદાસ્પદ અર્થઘટન બદલ પ્રતિક્રિયા આપનાર ન્યાયાધીશ પુષ્પા વી ગણેદીવાલાએ શનિવારે બોમ્બે હાઈકોર્ટના વધારાના ન્યાયાધીશ તરીકે શપથ લીધા હતા.

નાગપુર બેંચના સૌથી વરિષ્ઠ ન્યાયાધીશ જસ્ટિસ નીતિન જમારે શપથ લીધા. ન્યાયાધીશ ગણેદીવાલાના પ્રારંભિક બે વર્ષનો કાર્યકાળ સમાપ્ત થવાના એક દિવસ પહેલા સુપ્રીમ કોર્ટ કોલેજિયમ દ્વારા કરવામાં આવેલી સુધારેલી ભલામણને આધારે સરકારે આ વિસ્તરણને મંજૂરી આપી હતી. “ભારતના બંધારણના આર્ટિકલ 224 ની કલમ (1) દ્વારા આપવામાં આવેલી સત્તાના ઉપયોગમાં રાષ્ટ્રપતિ શ્રીમતી પુષ્પા વિરેન્દ્ર ગણેદીવાલાની નિમણૂક કરીને, મુંબઈ હાઈકોર્ટના એક વર્ષની મુદત માટે એડિશનલ ન્યાયાધીશ તરીકે નિમણૂક કરવામાં ખુશ છે. જે 13 ફેબ્રુઆરી 2021થી અમલમાં આવશે.”.

આ અગાઉ સુપ્રીમ કોર્ટ કોલેજિયમ દ્વારા તેના તાજેતરના બે ચૂકાદાની વ્યાપક આલોચના થયા બાદ જજ પુષ્પા વી ગણેદીવાલાને હાઇકોર્ટના કાયમી ન્યાયાધીશ તરીકે નિમણૂક કરવાની ભલામણ પાછી ખેંચી લેવામાં આવી હતી. જાન્યુઆરી 19 ના રોજ ન્યાયાધીશે જાતીય હુમલો કરનાર એક વ્યક્તિને આ કારણોસર નિર્દોષ જાહેર કર્યો કે સીધી “ત્વચાથી ત્વચા” ના સંપર્ક વિના તેના કપડા ઉપર બાળકના સ્તનોને દબાવવાથી આ કૃત્ય પોક્સો એક્ટ હેઠળ ગુનો ગણાતો નથી.

પોસ્કો (POSCO) હેઠળ જાતીય શોષણ અંગેના તેના વિવાદાસ્પદ હુકમને પગલે બોમ્બે હાઈકોર્ટ (BOMBAY HIGH COURT) ની નાગપુર બેંચના જસ્ટિસ પુષ્પા ગનેદીવાલે તાજેતરમાં જ એક બળાત્કારના આરોપીને નિર્દોષ જાહેર કર્યો છે. તેમના હુકમમાં ન્યાયાધીશ ગનેદીવાલે કહ્યું છે કે એક પુરુષ દ્વારા પીડિતાનું મોં બંધ કરવું અને તે જ સમયે તેણી અને તેના કપડાંને કોઈ પણ બળજબરી વગર ઉતારવું અશક્ય લાગે છે. ગનેદીવાલે પહેલી વાર ચર્ચામાં આવ્યા હતા, જ્યારે તેણે 12 વર્ષની બાળકીના છાતીને સ્પર્શ કરનાર આરોપીને છોડી મૂક્યો હતો, કારણ કે તેમની વચ્ચે ત્વચા-થી-ત્વચા (SKIN TO SKIN) સંપર્ક ન હતો. ત્યારબાદ તેણે આદેશ આપ્યો કે પાંચ વર્ષની બાળકીનો હાથ પકડીને તેની સામે પેન્ટની ઝિપ ખોલવી તે પોક્સો એક્ટ હેઠળ જાતીય શોષણના દાયરામાં આવતું નથી.

Click to comment

You must be logged in to post a comment Login

Leave a Reply

Most Popular

To Top