National

JDU નેતાની કારે રોડ કિનારે ઉભેલા 7 લોકોને કચડી નાંખ્યા, એક વ્યક્તિનું મોત

HTML Button Generator

હાજીપુરઃ (Hajipur) બિહારના હાજીપુરમાં જનતા દળ યુનાઈટેડના (JDU) નેતાની કારે રસ્તાના કિનારે ઉભેલા સાત લોકોને કચડી નાખ્યા. આ અકસ્માતમાં એક વ્યક્તિનું મોત થયું છે જ્યારે 6 લોકો ઘાયલ થયા છે.

મળતી માહિતી મુજબ અકસ્માતમાં ગંભીર રીતે ઘાયલ થયેલા બે લોકોને પીએમસીએચમાં રિફર કરવામાં આવ્યા છે. અન્ય ચાર ઘાયલ લોકોની હાજીપુરની ખાનગી હોસ્પિટલમાં સારવાર ચાલી રહી છે. એવું કહેવાય છે કે જનતા દળ યુનાઈટેડના નેતાની ગાડીના ચાલકે ઝડપભેર સ્કોર્પિયો ગાડી હંકારી આ અકસ્માત સર્જ્યો હતો. ચાલક અકસ્માત બાદ વાહનમાંથી નીચે ઉતરીને ફરાર થઈ ગયો હતો. અકસ્માત બાદ રોષે ભરાયેલા લોકોએ હોબાળો મચાવ્યો હતો. ગ્રામજનોએ રસ્તા પરથી પસાર થતા વાહનોને પણ અટકાવી તોડફોડ કરી હતી.

ઘટના અંગે એસડીપીઓ ઓમ પ્રકાશે કહ્યું કે ત્રણ લોકો ઘાયલ થયા છે અને એકનું મોત થયું છે, જ્યારે ગ્રામજનોનું કહેવું છે કે 7 લોકો ઘાયલ થયા છે જેમાં શેખનું મોત થયું છે. જનતા દળ યુનાઇટેડ સ્ટીકરવાળા વાહનમાં અકસ્માત થયો હતો. જોકે જનતા દળ યુનાઈટેડના નેતા કોણ છે તે હજુ સુધી જાહેર થયું નથી.

Most Popular

To Top