મુંબઈ: IPL 2022 માં દિલ્હી કેપિટલ્સના (DC) કેપ્ટન (Captain) ઋષભ પંત (Rishabh Pant) , શાર્દૂલ ઠાકુર (Shardul Thakur) અને કોચ પ્રવીણ આમરે (Praveen Amre ) પર અમ્પાયર (Umpire) સાથે ગેરવર્તન અને IPLના નિયમોનું ઉલ્લઘંનમ કરવા બદલ દંડ ફટકારવામાં આવ્યો છે. સાથે જ દિલ્હી કેપિટલ્સના સહાયક કોચ પ્રવીણ આમરે પર એક મેચ માટે પ્રતિબંધ મૂકવામાં આવ્યો છે અને તેની સંપૂર્ણ મેચ ફી પણ કાપવામાં આવી છે. પંતને મેચ ફીના 100% દંડ ફટકારવામાં આવ્યો છે. સાથે જ શાર્દુલને મેચ ફીના 50 ટકા દંડ પણ ફટકારવામાં આવ્યો છે. રાજસ્થાન સામેની મેચ દરમિયાન અમરે મેદાન પર ગયો અને અમ્પાયર સાથે દલીલ કરવા લાગ્યો, જ્યારે કેપ્ટન પંતે તેના બેટ્સમેનોને પાછા આવવા કહ્યું. તે જ સમયે, શાર્દુલ ઠાકુર પણ અમ્પાયરના નિર્ણયથી નારાજ હતો અને કેપ્ટન પંતનું સમર્થન કરી રહ્યો હતો.
શુક્રવારે IPLમાં દિલ્હી અને રાજસ્થાન વચ્ચે મેચ ચાલી રહી હતી. જેમાં દિલ્હીને જીતવા માટે 36 રન બનાવવાના હતા. આ આખી વાત મેચની છેલ્લી ઓવરમાં બની હતી, જ્યારે મેકકોયનો ફુલ ટોસ બોલ બેટ્સમેનની કમરની ઉપર હતો, પરંતુ અમ્પાયરે તેને નો બોલ આપ્યો ન હતો. આ સમયે દિલ્હીને જીતવા માટે ત્રણ બોલમાં 18 રનની જરૂર હતી, જો અમ્પાયરે તેને નો બોલ ગણાવ્યો હોત તો દિલ્હી માટે મેચ આસાન બની શકી હોત, પરંતુ તેમ થયું નહીં. આ બાબતે દિલ્હીના પ્લેયર્સ અમ્પાયર સાથે બાખડ્યા હતા, જે બાદ તઓ એમ્પાયર સાથે ઉગ્ર ચર્ચા કરી હતી, સાથે જ દિલ્હીના કેપ્ટન રિષભ પંતે તો ટીમના પ્લેયરને ડગઆઉટમાં પાછા આવવાનું પણ કહી દીધું હતું.
શું છે સમગ્ર મામલો
દિલ્હીને જીતવા માટે છેલ્લી ઓવરમાં 36 રન બનાવવાના હતા. રાજસ્થાનના કેપ્ટન સંજુ સેમસને બોલિંગ કરવા માટે ઓબેદ મેકકોયને બોલાવ્યો હતો. રોવમેન પોવેલે પ્રથમ ત્રણ બોલમાં સિક્સર ફટકારી હતી. મેકકોયના ત્રીજા બોલ પર વિવાદ થયો હતો. તેણે ફુલ ટોસ બોલ ફેંક્યો જે નો-બોલ જેવો દેખાતો હતો. અમ્પાયરે નો-બોલ આપ્યો ન હતો અને થર્ડ અમ્પાયરની સલાહ પણ લીધી ન હતી. આ જોઈને ઋષભ પંત ગુસ્સે થઈ ગયો.
બટલરે પંતને સમજાવ્યું
પંતે તેના બંને બેટ્સમેન રોવમેન પોવેલ અને કુલદીપ યાદવને બહાર આવવા કહ્યું. ઘણા ખેલાડીઓ પંતની પાછળ સતત નો-બોલની માંગ કરી રહ્યા હતા. પંત ગુસ્સે દેખાતા હતા. બાઉન્ડ્રી પર ઊભેલી વિપક્ષી ટીમના ખેલાડી જોસ બટલરે તેની સામે જઈને તેને સમજાવ્યો. આ દરમિયાન ટીમના આસિસ્ટન્ટ કોચ પ્રવીણ આમરે મેદાનમાં દોડી ગયા અને અમ્પાયરો સાથે વાત કરવા લાગ્યા.
રોવમેન પોવેલ જે રીતે રમી રહ્યો હતો તે જોઈને લાગતું હતું કે તે છ બોલમાં છ છગ્ગા ફટકારી શકે છે. જો કે, આમ કરવું ઘણું મુશ્કેલ હતું અને તેમાં તેને સફળતા મળી ન હતી. પછીના ત્રણ બોલમાં પોવેલ માત્ર બે રન બનાવી શક્યો હતો અને તે પણ આઉટ થયો હતો.
ચર્ચાથી દિલ્હીને નુકસાન થાય છે
રોવમેન પોવેલ આ મેચમાં શાનદાર લયમાં હતો અને તેણે છેલ્લી ઓવરના ત્રણ બોલમાં ત્રણ સિક્સર ફટકારી હતી. બોલરો દબાણમાં હતા. જેના કારણે ત્રીજો બોલ નો બોલ રહ્યો. આવી સ્થિતિમાં પંત અને દિલ્હીના બાકીના ખેલાડીઓના ડ્રામાથી મેચ રોકાઈ ગઈ અને પોવેલની લય તૂટી ગઈ. તે જ સમયે, બોલરને આરામ કરવાની તક મળી અને તેના પર દબાણ ઓછું થયું. જેના કારણે આગામી ત્રણ બોલમાં માત્ર બે રન જ બન્યા હતા અને એક વિકેટ પણ પડી હતી.
રિષભ પંતે શું કહ્યું?
મેચ બાદ પંતે કહ્યું, “મને લાગે છે કે રાજસ્થાનના બોલરો સમગ્ર મેચ દરમિયાન સારી બોલિંગ કરી રહ્યા હતા, પરંતુ અંતે પોવેલે અમને તક આપી. નો-બોલ અમારા માટે મૂલ્યવાન હતો, પરંતુ તે મારા નિયંત્રણમાં નથી.” નિરાશ, પરંતુ તે વિશે વધુ કરી શકતો નથી. ડગઆઉટમાં રહેલા દરેક નિરાશ હતા. બધાએ જોયું કે તે નો-બોલ હતો. મને લાગે છે કે ત્રીજા અમ્પાયરે હસ્તક્ષેપ કરીને તેને કહ્યું હતું કે તે નો-બોલ છે. અમરેને મેદાનમાં મોકલવું દેખીતી રીતે યોગ્ય ન હતું, પરંતુ અમારી સાથે જે થયું તે પણ યોગ્ય નથી.
