ડોનાલ્ડ ટ્રમ્પના નજીકના સાથી લિન્ડસે ગ્રેહામનું શંકાસ્પદ સંજોગોમાં મૃત્યુ થયું. તેમના મૃત્યુ પછી ઈરાની અખબારો ઉજવણી કરી રહ્યા છે. ઈરાની અખબાર હમશહરી એ તેના હેડલાઇનમાં સીધી ચેતવણી આપી હતી કે યુએસ રાષ્ટ્રપતિ અને અન્ય અમેરિકન અધિકારીઓ “અચાનક મૃત્યુ” નો સામનો કરી શકે છે.
યુએસ સેનેટરના મૃત્યુ પછી હમશહરી એ તેના પહેલા પાના પર એક ફોટોગ્રાફ પ્રકાશિત કર્યો. છબીમાં રાષ્ટ્રપતિ ડોનાલ્ડ ટ્રમ્પ લિન્ડસે ગ્રેહામના ચિત્ર પાસે ઘૂંટણિયે બેઠેલા દર્શાવવામાં આવ્યા હતા. ફોટામાં યુએસ સંરક્ષણ સચિવ પીટ હેગસેથ, ઇઝરાયલી વડા પ્રધાન બેન્જામિન નેતન્યાહૂ અને અન્ય વરિષ્ઠ અમેરિકન અને ઇઝરાયલી અધિકારીઓ પણ દર્શાવવામાં આવ્યા હતા. છબીની ઉપર હેડલાઇન હતી: “અચાનક મૃત્યુ માટે તૈયાર રહો.” દરમિયાન અન્ય એક ઈરાની અખબાર વતન-એ-ઇમરોઝ એ 13 જુલાઈના રોજ તેના પહેલા પાના પર ગ્રેહામના મૃત્યુના સમાચાર પ્રકાશિત કર્યા હતા: “મૃત્યુના વેપારીનું મૃત્યુ.”
ન્યૂઝ એન્કરે ઈરાનને અભિનંદન આપ્યા
ઈરાની રાજ્ય મીડિયાના એક ન્યૂઝ એન્કરે ગ્રેહામના મૃત્યુમાં તેહરાનની ભૂમિકાનો સંકેત આપતા કહ્યું: “હું ઈરાની રાષ્ટ્રને અભિનંદન આપું છું કે યુદ્ધખોર અને ઈરાન વિરોધી યુએસ સેનેટર લિન્ડસે ગ્રેહામને નરકમાં મોકલવામાં આવ્યા છે.” આ મીડિયા પ્રસારણોએ ડોનાલ્ડ ટ્રમ્પના MAGA સમર્થકોમાં કાવતરાના સિદ્ધાંતોને વેગ આપ્યો છે; ઘણા લોકોએ ગ્રેહામના મૃત્યુની તપાસની માંગ કરી છે, જેમાં IRGC દ્વારા અગાઉ તેમના વિરુદ્ધ જારી કરાયેલી મૃત્યુની ધમકીઓનો ઉલ્લેખ કરવામાં આવ્યો છે.
ઈરાન લિન્ડસેના મૃત્યુની ઉજવણી શા માટે કરી રહ્યું છે?
દક્ષિણ કેરોલિનાના સેનેટર લિન્ડસે ગ્રેહામે રશિયા સામેના યુદ્ધમાં યુક્રેનને લશ્કરી સહાયને સતત ટેકો આપ્યો હતો, ગાઝા સંઘર્ષ દરમિયાન ઇઝરાયલને ચુસ્તપણે ટેકો આપ્યો હતો અને વારંવાર દલીલ કરી હતી કે ઈરાનના વર્તમાન નેતૃત્વને સત્તા પરથી દૂર કરવું જોઈએ. તેમણે એવું સૂચન કરીને પણ વિવાદ ઉભો કર્યો હતો કે ઇઝરાયલ માટે ગાઝામાં પરમાણુ શસ્ત્રોનો ઉપયોગ કરવો યોગ્ય હોઈ શકે છે. વધુમાં 28 ફેબ્રુઆરીના રોજ ઈરાન પર થયેલા હુમલાઓ બાદ ગ્રેહામે ખુલ્લેઆમ ઈરાની સરકારને ઉથલાવી પાડવાની હાકલ કરી હતી.
