હવે Shorts હટાવવાનો વિકલ્પ ઉપલબ્ધ
YouTube વાપરતા કરોડો યુઝર્સ માટે મહત્વની રાહતની ખબર સામે આવી છે. Shorts વિડિઓને લઈને વધતી ફરિયાદો અને કોર્ટની સખ્તાઈ બાદ હવે YouTubeએ એપમાં ખાસ ફીચર ઉમેર્યું છે, જેના દ્વારા યુઝર્સ હવે સરળતાથી Shorts ફીડને દૂર કરી શકે છે.
નવી અપડેટ અનુસાર YouTubeએ “Shorts સમય મર્યાદા” (Shorts time limit) વિકલ્પમાં ફેરફાર કરીને તેને 0 મિનિટ સુધી સેટ કરવાની સુવિધા આપી છે. જ્યારે યુઝર આ સમય મર્યાદા 0 મિનિટ પર સેટ કરે છે, ત્યારે હોમ સ્ક્રીન પર દેખાતો Shorts વિભાગ ગાયબ થઈ જાય છે અને અનાવશ્યક સ્ક્રોલિંગથી બચી શકાય છે.
આ પહેલા Shorts જોવા માટે ઓછામાં ઓછો સમય 15 મિનિટ સેટ કરવાની મર્યાદા હતી, પરંતુ હવે તેને સંપૂર્ણ રીતે બંધ કરવાની સુવિધા ઉપલબ્ધ થઈ છે. ખાસ કરીને યુવાનોમાં વધતા “ડૂમ સ્ક્રોલિંગ” અને સ્ક્રીન ટાઇમ અંગેની ચિંતાઓ બાદ આ નિર્ણય લેવામાં આવ્યો હોવાનું માનવામાં આવે છે.
કેવી રીતે બંધ કરશો YouTube Shorts?
YouTube એપમાં નીચે મુજબ સ્ટેપ્સ ફોલો કરીને Shorts દૂર કરી શકાય છે:
YouTube એપ ખોલો
પ્રોફાઇલ આઇકન પર ક્લિક કરો
Settingsમાં જાઓ
Time Management વિકલ્પ પસંદ કરો
Shorts Feed Limit પસંદ કરો
સમય મર્યાદા 0 minutes સેટ કરો
આ સેટિંગ લાગુ કર્યા પછી Shorts ટેબ પર ક્લિક કરવાથી “limit reached”નો મેસેજ દેખાશે અને Shorts હોમ સ્ક્રીન પરથી દૂર થઈ જશે.
હાલમાં આ ફીચર મુખ્યત્વે મોબાઇલ એપ (Android અને iOS) માટે ઉપલબ્ધ છે, જ્યારે ડેસ્કટોપ વર્ઝનમાં હજુ સુધી સંપૂર્ણ રીતે લાગુ થયું નથી. YouTubeનો આ નિર્ણય ખાસ કરીને તે યુઝર્સ માટે ઉપયોગી સાબિત થશે, જેઓ લાંબા સમય સુધી Shorts સ્ક્રોલિંગથી દૂર રહેવા માંગે છે અને ફક્ત જરૂરી વિડિઓ જ જોવા ઈચ્છે છે.
