સુરત: હાલ સમગ્ર દેશમાં ટોક ઓફ ધી ટાઉન બનેલી રાજકુંદ્રા (raj kundra)દ્વારા પોર્ન ફિલ્મો (porn film)ના રેકેટની ઘટનામાં સૌથી પહેલા સુરત (Surat)માંથી મુંબઈ ક્રાઈમ બ્રાંચ (Mumbai crime branche) તન્વીર (Tanveer) હાશ્મીને ઉંચકી ગઈ હતી.
તન્વીરે ઘણી પોર્ન ફલ્મો બનાવી રાજકુંદ્રાને વેચી હોવાની શક્યતાઓ છે. આ ફિલ્મોના બદલે રાજકુંદ્રા તન્વીરને મસમોટી રકમ આપતો હોવાની વાત છે. સુરતમાં તન્વીરની ધરપકડ પછી ક્રાઇમ બ્રાન્ચને રાજકુન્દ્રા સામે ઠોસ પુરાવા મળી આવ્યા હોવાનું કહેવાય છે. અલબત આ પબ્લિક ફીગર હોવાને કારણે ક્રાઇમ બ્રાન્ચ મુંબઇ દ્વારા તમામ મજબૂત પૂરાવા રજૂ કરીને કાર્યવાહી કરવામાં આવી છે.
મુંબઈ સહિત સમગ્ર દેશમાં ચકચાર મચાવનાર પોર્ન ફિલ્મ રેકેટનું કનેક્શન સુરત સુધી પહોંચ્યા બાદ હવે રાજ કુંદ્રા સુધી પહોંચ્યું છે. મુંબઈ ક્રાઈમ બ્રાંચ ફેબ્રુઆરી મહિનામાં સુરતથી તન્વીર હાશમીને ભાટપોર નજીકથી ઉંચકી ગઈ હતી. મુંબઈ ક્રાઈમ બ્રાંચની ટીમએ મુંબઇના મડ આઇલેન્ડ ખાતે પોર્ન ફિલ્મોનું શુટીંગ થઇ રહ્યાનું ધ્યાન પર આવતા દરોડા પાડ્યા હતા. ક્રાઈમ બ્રાંચની ટીમએ ત્યાંથી પાંચ વ્યક્તિને ઝડપી પાડ્યા હતા. ફિલ્મમાં કામ કરનારી મોડેલ ગહના વશિષ્ટ સહિત એક કંપનીના ડિરેક્ટર ઉમેશ કામત, હોટહીટ મુવીઝ એપના સંચાલક શાન બેનર્જી ઉર્ફે દિવાંકર ખાસનવીસની ધરપકડ કરવામાં આવી હતી.
તપાસ દરમિયાન સુરતમાં રહેતા તન્વીર હાશમીની મહત્વની ભૂમિકા હોવાનું સામે આવ્યું હતું. તન્વીર ફોર્ન ફિલ્મો બનાવતો અને વેચતો હતો. તન્વીર હાશમીની પણ મહત્વની ભૂમિકા હોવાનું ધ્યાન પર આવતા મુંબઇ ક્રાઇમ બ્રાંચની ટીમ સુરત દોડી આવી હતી. સુરત ભાટપોર ખાતેથી તન્વીરની ધરપકડ કરી મુંબઈ લઈ ગઈ હતી. તેની પુછપરછમાં પોર્ન ફિલ્મ મેકીંગનો રેલો રાજ કુંદ્રા સુધી પહોંચ્યો હતો.
તન્વીરની ફિલ્મમાં ગહેનાએ પણ કામ કર્યું હતું
તન્વીર સુરતમાં અડાજણ, ઇચ્છાપોર, બારડોલીના ફાર્મ હાઉસમાં પણ ફિલ્મો બનાવતો હતો. તેની ફિલ્મમાં ગહેનાએ પણ કામ કર્યું હતું. અને રાજ કુંદ્રાએ ગહેનાની ફિલ્મોને પણ એપ પર વેચી હતી. જેથી રાજ કુંદ્રા સાથે સ્પષ્ટ સંડોવણી દેખાઈ આવી હતી. તન્વીર સુરતના ચોક બજાર વિસ્તારમાં રહેતો હતો. તન્વીરે સુરતની અડાજણ, ઇચ્છાપોર, સ્ટેશન પાસેની અનેક હોટેલોમાં પોર્ન ફિલ્મોની શુટીંગ કરી છે.
