પત્ની અંગે ટીકા પર આપ્યો જવાબ,કહ્યું “મારો દીકરો પૂજામાં ઉભો રહે છે”
પ્રખ્યાત સંગીતકાર Ismail Darbarએ પોતાની બીજી પત્ની આયેશાના લગ્ન પછી ધર્મ પરિવર્તન મુદ્દે મળતી ટીકા અને ટ્રોલિંગ પર તાજેતરમાં ખુલાસો કર્યો છે. એક પોડકાસ્ટમાં વાત કરતા તેમણે કહ્યું કે તેમના પરિવારની અંદર વિવિધ ધર્મોને માન આપવાની પરંપરા છે અને તેમના બાળકોને પણ એ જ શીખવવામાં આવ્યું છે.ઇસ્માઈલ દરબારની બીજી પત્ની આયેશા લગ્ન પહેલાં હિંદુ ધર્મની હતી અને લગ્ન પછી તેમણે ઇસ્લામ સ્વીકાર્યો હતો. આ મુદ્દે સોશિયલ મીડિયા પર ઘણીવાર ચર્ચા અને ટીકા થઈ છે. દરબારે જણાવ્યું કે આયેશાએ છેલ્લા 20 વર્ષમાં ઘણી મુશ્કેલીઓનો સામનો કર્યો છે અને તેઓ તેમના સમર્થન માટે તેમને સલામ કરે છે.
વધુમાં તેમણે કહ્યું કે ફિલ્મ નિર્માતા Sanjay Leela Bhansali પણ તેમના પરિવારના નજીકના મિત્ર છે. દરબારના જણાવ્યા મુજબ ભણસાલીએ એક વખત કહ્યું હતું કે તેમની પત્નીના કારણે જ તેઓ ઘણી મુશ્કેલીઓમાંથી બહાર આવી શક્યા છે પોડકાસ્ટ દરમિયાન ઇસ્માઈલ દરબારે તેમના પુત્ર વિશે પણ વાત કરી. તેમણે જણાવ્યું કે તેમના દીકરાનું નામ “ઇમાન” છે જેનું હિંદુ નામ “માન” પણ છે. જ્યારે તે પોતાના નાનાના ઘરે જાય છે ત્યારે તેને “માન” કહીને બોલાવવામાં આવે છે. તેમનો દીકરો પૂજામાં ઉભો રહે છે અને માથા પર તિલક પણ લગાવે છે.તેમણે ઉમેર્યું કે તેઓએ પોતાના બાળકોને માત્ર પોતાની જન્મેલી ધર્મ પરંપરાનું માન રાખવાનું જ નહીં, પરંતુ દરેક ધર્મનો સન્માન કરવાનું શીખવ્યું છે.
ઇસ્માઈલ દરબાર અગાઉ પણ સ્વીકારી ચૂક્યા છે કે જ્યારે તેમણે આયેશા સાથે લગ્ન કર્યા ત્યારે તેઓ પહેલાથી ફરઝાના સાથે લગ્નિત હતા. તેમના જણાવ્યા મુજબ તે સમયે તેમની પહેલી લગ્નજીવનમાં મતભેદ ખૂબ વધી ગયા હતા અને તેઓ અલગ રહેતા હતા. ત્યારબાદ તેઓ સુરતમાં જઈને આયેશા સાથે લગ્ન કર્યા હતા.
સંગીત જગતમાં ઇસ્માઈલ દરબારનું મહત્વપૂર્ણ સ્થાન છે. તેમણે 1999માં આવેલી ફિલ્મ Hum Dil De Chuke Sanamથી સંગીતકાર તરીકે સફર શરૂ કરી હતી, જેના માટે તેમને નેશનલ એવોર્ડ પણ મળ્યો હતો. ત્યારબાદ તેમણે Devdas સહિત અનેક ફિલ્મોમાં સંગીત આપ્યું છે.આ સમગ્ર મુદ્દે દરબારનું કહેવું છે કે પરિવાર અને ધર્મ વચ્ચે સમરસતા રાખવી જ સૌથી મહત્વની બાબત છે.
