વડોદરા, તા. 9
વડોદરા શહેરના સલાટવાડા વિસ્તારમાં બજાજ ગાડીના શોરૂમ સામે આવેલી બિલ્ડિંગના રહેણાંક મકાનમાં ધમધમતા જુગારધામ પર કારેલીબાગ પોલીસે દરોડો પાડતા વિસ્તારમાં ખળભળાટ મચી ગયો હતો. પોલીસની રેડ દરમિયાન જુગારીઓમાં નાસભાગ મચી ગઈ હતી, જેમાં સ્થળ પરથી 17 ખેલીઓને ઝડપી લેવામાં આવ્યા હતા. જ્યારે જુગાર રમાડનાર મુખ્ય સૂત્રધાર પોલીસના હાથમાં ન આવતાં તેને વોન્ટેડ જાહેર કરવામાં આવ્યો છે.
પ્રાપ્ત માહિતી મુજબ, કારેલીબાગ પોલીસ સ્ટેશનની હદમાં આવતા સલાટવાડા મેઈન રોડ પર બજાજ શોરૂમ સામે, ભાવના ડેરીની સામે સાઈબાબાના મંદિર પાસે આવેલ મોહન બિલ્ડીંગમાં સંતોષ મોરેના રહેણાંક મકાનમાં આશરે 25 જેટલા લોકો ભેગા થઈ મોટા પાયે જુગાર રમતા હોવાની બાતમી કંટ્રોલ રૂમ તરફથી પોલીસને મળી હતી. આ આધારે પોલીસે 8 ફેબ્રુઆરીના રોજ દરોડો પાડ્યો હતો. પોલીસને જોઈ જુગારીઓ ભાગવાનો પ્રયાસ કર્યો હતો, પરંતુ 17 જુગારીઓને ઝડપી લેવામાં આવ્યા હતા.
પોલીસે સ્થળ પરથી દાવ પર લાગેલી રોકડ રકમ ₹51,000 અને 14 મોબાઇલ ફોન મળી કુલ ₹1.22 લાખનો મુદ્દામાલ કબ્જે કર્યો છે. આ મામલે કાયદેસરની કાર્યવાહી હાથ ધરવામાં આવી છે. મુખ્ય સૂત્રધાર સંતોષ સખારામ મોરે ફરાર થઈ જતા તેને ભાગેડુ જાહેર કરવામાં આવ્યો છે.
ઝડપાયેલા જુગારીઓના નામ અને સરનામા:
શંકર વિષ્ણુભાઈ મોરે – (રહે. માળી મોહલ્લો, એ.એસ. મોટર્સ સામે, સલાટવાડા, વડોદરા)
સંજય ઉર્ફે ભુરીયો જ્યંતિભાઈ બારોટ – (રહે. બારોટ મોહલ્લો, શાક માર્કેટ પાસે, સલાટવાડા)
પ્રકાશ ઉર્ફે પકીયો આનંદરાવ પવાર – (રહે. ચોથો માળ, ભોલેશ્વર એપાર્ટમેન્ટ, કુંભારવાડા, સલાટવાડા)
જીતેશ કિશનભાઈ પવાર – (રહે. શાસ્ત્રીની ગંજી, એ.એસ. મોટર્સ સામે, સલાટવાડા)
સુમીત વિલાષભાઈ ખાનવીલકર – (રહે. મોટો બારોટ મોહલ્લો, શાક માર્કેટ સામે, સલાટવાડા)
શ્રવણ પુનમભાઈ રાણા – (રહે. બીજી લાઈન, ગોલવાડ, નવીધરતી)
યશવંત તુકારામ ઉત્તેકર – (રહે. હરીનગર, ઇસ્કોન મંદિર સામે, ગોત્રી રોડ)
રવિ ભરતભાઈ ચૌધરી – (રહે. તુલસીબાઈની ચાલી, સલાટવાડા)
મનોજ સુરેશભાઈ ટાયરે – (રહે. તુલસીબાઈની ચાલી, સલાટવાડા)
અનિલ ચંદ્રકાંત રાણા – (રહે. રાણાવાસ, કાપડી પોળ, રાવપુરા)
સંતોષ કિશનકુમાર ગુપ્તા – (રહે. મ.નં. C-43, તુલસીબાઈની ચાલી, સલાટવાડા)
અમીત ઉર્ફે બોની કમલેશભાઈ પાંડે – (રહે. તુલસીબાઈની ચાલી, સલાટવાડા)
નિલેશ પાંડુરંગ પવાર – (રહે. રૂક્ષમણી એપાર્ટમેન્ટ, બારોટ મોહલ્લો, સલાટવાડા)
અજય ઉર્ફે બોખો દિલીપભાઈ રાવલ – (રહે. તુલસીબાઈની ચાલી, સલાટવાડા)
કિરણ ઉર્ફે મામા ચંદ્રકાંત પવાર – (રહે. તુલસીબાઈની ચાલી, સલાટવાડા)
પંકજ નારાયણ પાર્ટે – (રહે. શિવાજી ચોક, ફુલબારી નાકા, સલાટવાડા)
રવિ ઉર્ફે જામુડો નારાયણ બોરસે – (રહે. સ્વામી સમર્થ એપાર્ટમેન્ટ, કંસાર ફળિયા, સરકારી પ્રેસ સામે, વડોદરા)
