ગુજરાતના એક ડૉક્ટરે 12 જૂને લંડન જતી એર ઈન્ડિયાની ફ્લાઇટ રદ કર્યા પછી પોતાની પત્ની અને પરિવારનો આભાર માન્યા વગર રહી શકતા નથી.
જો તે દિવસે ડોક્ટરે પોતાની પત્ની વાત ન માની હોત તો તેઓ એ જ એર ઇન્ડિયા બોઇંગ 787-8 ડ્રીમલાઇનરમાં હોત જે ટેકઓફ પછી તરત જ ડોક્ટરોના હોસ્ટેલમાં ક્રેશ થઈ હતી. આ દુર્ઘટનામાં વિમાનમાં 241 અને જમીન પર 10 થી વધુ લોકો માર્યા ગયા હતા.
ઉમંગ પટેલ ગઈ તા. 24 મેના રોજ યુકેથી તેમની પત્ની, પુત્રો અને તેમના દાદા-દાદી સાથે ગુજરાતના મહિસાગર જિલ્લાના કોયદામ ગામમાં તેમના પૂર્વજોના ઘરે આવ્યા હતા. ભારતમાં તેમના પરિવારને છોડી તેમણે ગઈ તા. 12 જૂનના રોજ બ્રિટનના નોર્થમ્પ્ટન પાછા ફરવાની યોજના બનાવી હતી.
ડો. ઉમંગ પટેલે કહ્યું કે, “મારે 12 જૂનના રોજ બ્રિટન એકલા પાછા જવાનું હતું. જોકે, 9 જૂને મારા સાસરે ગયા પછી મને ખૂબ તાવ આવ્યો. તાવ એટલો વધારે હતો કે હું બીજા દિવસે સવારે પણ સહન કરી શક્યો નહીં. હું ઉઠી પણ શકતો ન હતો.
આથી તેમની પત્નીએ તેમને 12 જૂનની ટિકિટ રદ કરી સ્વસ્થ થવા માટે થોડા દિવસ રાહ જોવા કહ્યું. ડૉ. પટેલ પત્નીની વાત માની લીધી હતી અને તેઓએ 12 જૂનની એર ઈન્ડિયાની અમદાવાદથી લંડન જતી તેમની ફ્લાઈટની ટિકિટ કેન્સલ કરાવી હતી.
ડો. ઉમંગ પટેલે કહ્યું કે, મારી પત્નીએ મને લંડન ન જવા વિનંતી કર્યા પછી મેં 12 જૂનની ટિકિટ રદ કરી. થોડો સમય લીધો અને ત્યાર બાદ 15 જૂન માટે બીજી ટિકિટ બુક કરાવી. ત્યાર બાદ થોડા સમય પછી વિમાન દુર્ઘટનાના સમાચાર આવ્યા. એ સમાચાર સાંભળી શરીરમાં કંપારી છૂટી ગઈ હતી. ડો. પટેલે કહ્યું, સાચું કહું તો મને ભગવાને જ બચાવ્યો છે. હું એ પણ પ્રાર્થના કરું છું કે ભગવાન તે વિમાનમાં સવાર તમામ આત્માઓને શાંતિ આપે.
જ્યારે ગામલોકોને આ વાતની જાણ થઈ ત્યારે ઘણા લોકો પરિવારને મળવા આવ્યા અને કોઈપણ આઘાતમાંથી બહાર નીકળવા માટે માનસિક શક્તિ માટે ટેકો આપ્યો.
ડૉ. પટેલે જણાવ્યું કે તેઓ છેલ્લા પાંચ વર્ષથી નોર્થમ્પ્ટનમાં રહે છે. ગયા મહિને ભારત આવ્યા પછી તેમના પિતા જે એક ડૉક્ટર પણ છે તેમને સ્ટ્રોક આવ્યો હતો. જેના કારણે ડૉ. પટેલે 2 જૂને લંડન પરત ફરવાની ફ્લાઇટ માટે બુક કરેલી ટિકિટ રદ કરવી પડી હતી.
ગઈ તા. 9 જૂનના રોજ, તે બીમાર પડતાં તેની પત્નીને તેના સાસરિયાં પાસે મૂકવા ગયા હતા. ડૉ. પટેલના પિતા ડૉ. ઉમંગભાઈ પટેલે જણાવ્યું હતું કે તેમણે અને તેમની પત્નીએ પણ 12 જૂને તેમના પુત્રને બહાર જવા દીધો ન હતો.
પટેલે ઉમેર્યું કે, 24 મેના રોજ લંડનથી અમદાવાદની ફ્લાઇટમાં તેઓ આવ્યા હતા, પરંતુ તેમાં કોઈ મુશ્કેલી નહોતી. સિવાય કે કેટલાક તૂટેલા મલ્ટીમીડિયા પ્લેયર બટનો અને એર કન્ડીશનીંગ વેન્ટ કામ કરતા ન હતા.
