નવી દિલ્હી: રાયબરેલી (RaeBareli) લોકસભા સીટ પરથી કોંગ્રેસના ઉમેદવાર રાહુલ ગાંધી (Rahul Gandhi) અને કોંગ્રેસ મહાસચિવ પ્રિયંકા ગાંધી વાડ્રા (Priyanka Gandhi Vadra) રાયબરેલી પહોંચી ગયા છે. દરમિયાન આજે કોંગ્રેસ નેતા રાહુલ ગાંધીએ રાયબરેલીમાં રેલી યોજી હતી. આ રેલીમાં તેમની સાથે કોંગ્રેસ (Congress) મહાસચિવ પ્રિયંકા ગાંધી વાડ્રા પણ હાજર હતા. આ દરમિયાન બેઠકમાં રાહુલ ગાંધીના લગ્નને (Marriage) લઈને એક સવાલ પૂછવામાં આવ્યો હતો, જેના પર તેમણે જવાબ આપ્યો હતો કે તેઓ ક્યારે લગ્ન કરવાના છે.
રાહુલ ગાંધીએ જણાવ્યું કે તેઓ ક્યારે લગ્ન કરી રહ્યા છે
રેલી દરમિયાન એક બાળકે રાહુલ ગાંધીને તેમના લગ્ન વિશે સવાલ પૂછ્યો હતો. આ સવાલનો જવાબ આપતા રાહુલ ગાંધીએ કહ્યું કે, ‘હવે લાગે છે કે જલ્દી લગ્ન કરવા પડશે.’ કોંગ્રેસ મહાસચિવ પ્રિયંકા ગાંધી વાડ્રાએ આજે રાયબરેલીમાં ડોર ટુ ડોર ચૂંટણી પ્રચાર કર્યો હતો. આ દરમિયાન તેણી ઘરે ઘરે જઈને લોકોને મળી હતી.
‘રાયબરેલી મારી બંને માતાઓનું કાર્યસ્થળ છે’- રાહુલ ગાંધી
કોંગ્રેસના નેતા અને રાયબરેલી લોકસભા સીટના ઉમેદવાર રાહુલ ગાંધીએ જાહેર સભાને સંબોધી અને જણાવ્યું કે તેઓ રાયબરેલીથી ચૂંટણી કેમ લડવા આવ્યા છે. તેમણે કહ્યું, ‘થોડા દિવસો પહેલા હું મારી માતા (સોનિયા ગાંધી) સાથે બેઠો હતો કે એક-બે વર્ષ પહેલા મેં એક વીડિયોમાં કહ્યું હતું કે મારી બે માતાઓ છે, એક સોનિયા ગાંધી અને બીજી ઈન્દિરા ગાંધી મારી માતાઓની આ કર્મની ભૂમિ છે, તેથી જ હું અહીં રાયબરેલીથી ચૂંટણી લડવા આવ્યો છું.”
આ વખતે રાહુલ ગાંધી અમેઠીથી નહીં પરંતુ રાયબરેલીથી ચૂંટણી લડી રહ્યા છે. જ્યાં તેમની સ્પર્ધા ભાજપના દિનેશ પ્રતાપ સિંહ સાથે છે. તેમની પહેલા સોનિયા ગાંધી રાયબરેલીથી સાંસદ રહી ચૂક્યા છે.
20મી મેના રોજ મતદાન થશે
કેરળના વાયનાડથી સાંસદ કોંગ્રેસ નેતા રાહુલ ગાંધી આ વખતે લોકસભાની બે બેઠકો પરથી ચૂંટણી લડી રહ્યા છે. તેમની વાયનાડ સીટ પર વોટિંગ પૂર્ણ થઈ ચૂક્યું છે. આ સિવાય તેઓ યુપીની રાયબરેલી સીટ પરથી ઈન્ડિયા બ્લોકના ઉમેદવાર પણ છે. આ બેઠક પર 20 મેના રોજ મતદાન થવાનું છે. જેના પ્રચાર માટે રાહુલ ગાંધી અને તેમના બહેન પ્રિયંકા ગાંધ ખુબ જ મહેનત કરી રહ્યા છે.
