ડભોઇ તાલુકાના કરાલીપુરા ગામે ગુરુવારની મોડી રાત્રે અચાનક એક મકાન ધરાશાયીથયું હતું. મકાન ધરાશાયી થતા બે વ્યક્તિ કાટમાળમાં દબાઈ ગઈ હતી. આ મકાન ધરાશાયી થતા ગ્રામજનો દોડી આવતા મકાનમાં દબાઈ ગયેલા બે જણને ભારે જહેમત બાદ બહાર કાઢવામાં આવ્યા હતા. તાત્કાલિક ઇજાગ્રસ્ત યુવાનોને સારવાર અર્થે ખસેડવામાં આવ્યા હતા. ત્યારે કરાલીપુરા નવીનગરી માં રહેતા મેલાભાઈ ઝીણાભાઈ વસાવાનું સારવાર દરમિયાન મોત નીપજ્યું છે તેવું જાણવા મળ્યું છે.
