કીવ: રશિયા અને યુક્રેન (Russiaukrainewar) વચ્ચે છેલ્લાં ત્રણ દિવસથી યુદ્ધ ચાલી રહ્યું છે. રશિયન સૈનિકો યુક્રેનની રાજધાની કીવમાં ઘૂસી ગયા છે. યુક્રેનના રસ્તાઓ પર ઠેરઠેર રશિયન સૈનિકોએ કબ્જો કરવા માંડ્યો છે, પરિસ્થિતિ ખૂબ જ ગંભીર છે. યુક્રેનના લોકો ડરના માર્યા ઘરની બહાર નીકળી રહ્યા નથી ત્યારે યુક્રેનની એક મહિલાએ ગજબનું સાહસ દેખાડ્યું છે. યુદ્ધના બીજા દિવસે શુક્રવારે યુક્રેનની એક મહિલા બંદૂકધારી રશિયન સૈનિક સામે ધસી ગઈ હતી. આ સમગ્ર ઘટનાનો વીડિયો સોશિયલ મીડિયામાં ખૂબ વાયરલ થઈ રહ્યો છે. વિશ્વભરમાં મહિલાના સાહસના વખાણ થઈ રહ્યાં છે.
- યુક્રેનના રસ્તાઓ પર ઠેરઠેર રશિયન સૈનિકોએ કબ્જો કરવા માંડ્યો છે
- રશિયા-યુક્રેન વચ્ચે ચાલતા યુદ્ધ વચ્ચે એક વીડિયો સોશિયલ મીડિયામાં ખૂબ વાયરલ થઈ રહ્યો છે
- યુક્રેનની મહિલાએ રશિયન સૈનિકને આપેલા જવાબની સોશિયલ મીડિયામાં ખૂબ પ્રશંસા થઈ રહી છે.
રશિયા-યુક્રેન વચ્ચે ચાલતા યુદ્ધ વચ્ચે એક વીડિયો સોશિયલ મીડિયામાં ખૂબ વાયરલ થઈ રહ્યો છે. આ વીડિયોમાં એક યુક્રેનની મહિલા હથિયારધારી રશિયન સૈનિકને તીખા જવાબ આપતી નજરે પડે છે. પોતાના દેશ પર હુમલાથી વ્યથિત મહિલા રશિયન સૈનિક પર ગુસ્સો કાઢી રહી છે. રશિયન સૈનિક મહિલાને સમજાવવાના પ્રયાસ કરે છે પરંતુ મહિલા રશિયન સૈનિકને જે જવાબ આપે છે તે તેના ગજબના સાહસને પ્રદર્શિત કરે છે. મહિલાએ રશિયન સૈનિકને આપેલા જવાબની સોશિયલ મીડિયામાં ખૂબ પ્રશંસા થઈ રહી છે.
ખરેખર મહિલા રસ્તાની વચ્ચે રશિયન સૈનિક પર પોતાનો રોષ વ્યક્ત કરી રહી છે. તે રશિયન સૈનિકે ખૂબ જ ખરી-ખોટી સંભળાવે છે. રશિયન સૈનિક તેને શાંત રહેવા સમજાવે છે, ત્યારે મહિલા જવાબ આપે છે કે તમે અમારી જમીન પર કબ્જો કર્યો છે. તમે ફાસીવાદી છો. તમે બંદૂક સાથે અમારી જમીન પર શું કરી રહ્યો છો? ત્યાર બાદ મહિલા તે રશિયન સૈનિકને પોતાના ખિસ્સામાં એક સૂરજમુખીનું બીજ રાખવાનું કહેતા બોલે છે, તમારી માટીમાં પણ સૂરજમુખીના ફૂલ જ ઉગશે.
આ વીડિયો સોશિયલ મીડિયા પર વાયરલ થતા મહિલાના ગજબના સાહસની પ્રસંશા થઈ રહી છે. એક ટ્વીટર યુઝરે કહ્યું, યુક્રેનમાં આવનારા દિવસ અને રાત લાંબા અને મુશ્કેલ થવાની આશંકા છે. લાગે છે કે પુતિન જેટલું સહન કરી શકે છે તેનાથી વધુ તેમને મળી શકે છે.
